اميره في الخفاء مكتمله

اميره في الخفاء ٢٦

#اميره_في_الخفاء٢٦
#زينب_الموسوي
مالگيت لحيرتي نهايه بين اولادي هنا وبين عبدالله اخذتهم لفندق يرتاحون بين ميصير موعد نقل عبدالله بالطائره واني بالسياره باقي ساعات
وهادي يدك تلفونات عليه وماما وضياء
دز رساله هادي
الهام ساعه اذا ماجبتي الاطفال اخبر عنج خطف
رديت عليه اني امهم ميعتبروني خاطفه مارجعهم اذا ماتحلف متحرمني منهم متريدني مو مشكله خليني خدامه الهم
هادي ولج هو منو الي حرمج منهم موانتي اتركيهم وتطلعين ولج جهالج عبالك يتامى وبس عبدالله الله موصي بيه
الهام اني مسافره ويه اطفالي لغير مدينه وماارجع
هادي ومدارسهم اذا غابوا يخبرون علينا الهام احنا گوه سدينا غلطتج
الهام اتصلت بالمدرسه واخذت اجازه اسبوع سديت التلفون ونمت اخذني النوم
رن تلفوني عبدالله ابني صوته ضعيف صوت طفل خايف يبحث عن ملجأ امان
الهام هلا يمه عبدالله شلونك
عبدالله ليه ماجيتي ابغاج معاي
الهام عبدالله اوليدي اخذتني النومه هسه اجيك
عبدالله يمه لو مت ورحت لجنه ويسالوني شتبغه نجيبه الك باطلبج انتي ابي انام على حضنج وانتي تحطين ايدج على راسي
الهام اسم الله عليك يمه لاتخاف
عبدالله والله اني خايف يمه سلميلي على عيالج وايد
سد التلفون اصرخ بلا وعي كعدوا الاطفال على صوتي يبووسون بيه ويبجون اتصلت بامي اعرف الاخبار
ماما هادي قدم طلاگ واوراق اخذ الحضانه منج
الهام يمه گوليلي شسووي يريد يحرمني منهم
ماما الهام انتي متحبين رجلج ليش هيج تسووين اذا انتي تحبين اطفالج هو هم يحبهم ليش تحرمينه منهم وتتحملين تتطلگين منه ويهون عليج عشرتكم يايمه ارجعي وانطي جهاله واني اروح لعبدالله لحد ميطيب حافظي على بيتج ورجلج وعبدالله اول وتالي بس يتشافى يرجع لبلده هذا امير ابوه مايتركه لعراقيه تربيه
لاياخذج التحدي بينج وبين فهد
الهام يعني اترك ابني لان ابوه مطلگني
ماما لا تركيه اسالي عليه كل اسبوع التلفون موجود واني اراعيه والخدم موجودين ومن تشتاقيله استاذني من رجلج وروحي شوفيه
الهام هسه اني رايحه للمستشفى اشوفه نقلوه لغير مدينه وباجر ارجع بس احجوا وياه لا يحرمني اطفالي
ماما هسه اخابره وافهمه هادي حباب
الهام
اخذت اطفالي  بسياره وطلعت على المدينه الجديده وصلت لمركز العلاج عرفت من ممرضه ان عبدالله بالطياره متعرض لهبوط بمستوى الدم وناقليه للطواري بنفس المستشفى
الاطفال جاعوا ونعسوا وهمه ينتظرون فتحت جنطتي. انطيتهن نساتل شفت تلفوني بيه اتصالات من هادي وضياء وامي
اخذت التلفون اتصلت بهادي
هادي تلث ساعات ادگ عليج وحضرتج دايحه ماادري وين وميامن
الهام هادي اسمعني اني ام  وعندي گلب  واحد لاتجبرني اعيش وياكم  واترك ابني ولا اعيش ويه ابني واترككم تدري ابني اتصل بيه يگلي لو متت اريدج بالجنه ويايه تاخذيني بحضنج اتصور شگد محتاجني
هادي الهام اني هسه موبحالج وبحال ابن فهد العصبيه مخليتني دربي مااندله ترجعين تنطيني اولادي ومااريد اشوف خلقتج روحي لفهد لابنه براحتج لا والله اتصل بالشرطه
خاطفتهم واحرمج منهم طول العمر
الهام  مخاطفتهم اني امهم والشرطه متعتبر الام خاطفه هادي اهدء الاولاد عندي اطمىن على عبدالله واجيبهم
هادي ولج راح اتخبل بناتي عد فهد وابني دتاخذين منه دم وتنطينه لعبدالله مو
الهام والله فهد ولى لبلده  وك عيني هادي لاتشلع گلبي كلهم جهالي مااريد اصير امل ثانيه واحد منهم يوگف گبالي بيوم ويكول انتي مو امي فدوه هادي بروح ابوك الغالي كل الي اريده اسبوع واحد بس يعدي الخطر على ابني
هادي انشالله ميعديه ونار گلبي بالي سويتيه بيه متخطاج وتخطى ابن فهد
الهام لا هادي هذا ابني وهذي الجهال احجي وياهم
انطيته مسلم