خليكم ويايه سهرانيين #اميره_في_الخفاء٢٢
#زينب_الموسوي
هادي
استغرق اقناع اهلي بخطوبتي من الهام وقت اطول مما توقعت والرفض عند والدتي كل يوم بسبب وحجه
ام هادي بس هذي البنيه روح شوفها يمكن تغير رائيك
هادي يايمه گتلج غير الهام مااخذ متريدين تفهميني ليش ماادري
ام هادي ولك رفضتك واخذت صديقك وخلفت وتطلكت وهسه اتذكرت
هادي كانت طفله بوقتها وغلطت وتندمت وبعدين اني هم فرطت بيها بسهوله لخاطر صديقي عبالي يستاهلها طلع نذل
ام هادي يايمه لعد هذا مو حب انت دتشفق عليها
هادي ميخالف اذا هذا رائيج هم اريدها انتي مو تريديني اتزوج حتى ارتاح اني داكولج راحتي هيه
ابو هادي اني عن نفسي موافق اذا هو هالگد مصر عليه احنا شكو
ام هادي ميهون عليه ابني ياخذ مطلكه
هادي اتطلكت بارادتها گلبت الدنيا حتى تخلص منه ماتطلكت لان سمعتها مو زينه اتطلگت لان رادت كرامتها
ام هادي هلا هلا من هسه تارسه راسه هذي اذا اخذته شتسووي
هادي يمه تعرفين الهام خوش بنيه عاشت وياج تلث اشهر
ام هادي ئي عاشت ويانا وحبت من ورانا
هادي اهووووو هذي السالفه متخلص اني طالع وخليني بلا زواج الشباب الي بعمري عدهم اطفال اثنين
طلعت من البيت وكل مره افتح النقاش اوصل لنفس النتيجه وصلنا لبداية ١٩٩٢ وامي مموافقه
الهام ضياء تحسنت صحته وحصل عمل في مؤسسه للمعاقين وبيوم صاحني
الهام ها ضياء خير
ضياء سدي الباب لا امي تسمعنا تظل تهلهل
الهام مدام بيها هلاهل بيها السالفه مره
ضياء شلون عرفتي
الهام الشعر المصفف بغير طريقه التلفونات تالي الليل الاناقه الزايده اغاني ترگع براسي ليل ونهار شسمها
ضياء مولا وتشتغل ويايه عمرها ٢٢
الهام اسفه بس معاقه لو لا
ضياء هذا الخايف منه اهلي يرفضونها
الهام معناها معاقه ها
ضياء احسن من حالتي بهوايه
الهام اشوفها ضياء ضروري قبل لتحجي ويه امي
ضياء هسه تكون موجوده بالموسسه تجيين نشوفها
الهام اروح ليش لا
واني داطلع ماما بوجهنا
ماما وين رايحين
الهام رايحه ويه ضياء اقدم على عمل بالموسسه وياه يمكن يقبلوني
طلعنا وصعدنا الباص دخلت للمؤسسه البنيه گاعده على الكمبيوتر
انگليزيه شكلها حلو ضعيفه صوتها رقيق تمشي بصعوبه رجليها مثل الي متعاكسات ومن شافتني فرحت وخجلت كعدت يمها سالتها كل الاسئله الي بالدنيا وعرفت تاريخ مرضها كله والعمليات
الهام والاطباء الي يعالجوج سالتيهم على الزواج الاطفال
مولا سالتهم وماما سالت كولشي عندي طبيعي
الهام وتعرفين حالة ضياء ترى مو بس رجليه القفس الصدري عنده ضيق
مولا حجالي كولشي
الهام اوكي لعد نبلغ اهلنا واتصل بيج
بالبيت ماما عرفت نصبت محكمه
ماما انوب فوگ علة ابني ياخذ معوقه ليش
بابا ها يعني ابنج من حقه يعيش وياخذ سليمه معافه وبنات الناس لا
ماما والله اني معليه بغيري هو ابني اشاف بدنياه حتى ياخذ معوقه
ضياء ماما احبها الباقي ميهمني
ماما وجماله انگليزيه
ضياء ماما تصوري لو مولا سليمه واني ا متقدملها واهلها رافضين لان معاق شيكون موقفج
أنت تقرأ
اميره في الخفاء مكتمله
Romanceعدت لكم متابعيني الاعزاء بقصه حقيقيه جديده تتحدث عن فتاة عراقيه ترتبط بشاب خليجي بلقب اميري وسط معارضة عائلته لزواجه من العامه وتركه لبنات عائلته الاميرات وماتلاقي هذي الفتاة من صعاب وندم النشر حيكون حسب تصويتكم وقت فراغي
