اميره في الخفاء مكتمله

اميره في الخفاء ٢٤

#اميره_في_الخفاء ٢٤
#زينب_الموسوي
استمرت مكالمتي مع فهد
فهد الهام في سر صار الوگت تعرفيه
الهام احجي اي سر بدون لعب باعصابي
فهد اولدج ياالهام اولدج عبدالله عايش
غوشت عيوني والدم صعد لراسي حراره طلعت من اذاني اريد افتح حلگي مااگدر
فهد الهام عبدالله يبي يشوفج
الهام ١٣ سنه ماعذبك ضمير او  دين او گلب وگلت هذي ام  خليت ابني يعيش بحسرة ام . واني عايشه بحسرته هسه تريده يشوفني شگوله من يسالني ليش تركتيني
منو الي ربته راحيل الله يساعدك يمه اذا هيه تكرهني شلون تحب بزري
فهد الهام ياليت في وكت للعتاب باعطيج العنوان وتعالي شوفيه اولدج بيموت مريض
الهام عبدالله مريض شبيه
فهد الي فيه وايد انه الي عليه سويته وانتي بكيفج
انسد التلفون امسك جسمي باديها حتى اسيطر على الرجفه عيوني مااشوف بيهن مامصدكه الي سمعته وعرفته الزمن دار وابني عاش طفولتي
وبنظره تخليت عنه نار ماتنحمل مجرد التفكير بيه يعاتبني
مية مره وصلت للباب ومية سبب يمنعني اطلع لاقدره عندي اشتغل انطف الساعات تمر اطفالي راح يرجعون اطفالي الي ماانام اذا مااطمئن نايمين ودفيانين وشبعانيين وعبدالله ماادري عنه
عمره ١٣ هسه ويفتهم شحجوله عني ليش عفته
مريض شبيه اخاف وراثه مثل ضياء
الف فكره تضرب الف فكره براسي
وصلوا الاطفال
يسر شبيج ماما مريضه
الهام لا ماما شويه ويكمل الغدى
غنى ويسر نساعدج ماما
الهام ساعدوا بلي تگدرون عليه
وهمه ينادوني ماما بداخلي صوت يگولي متستحقين هذي الكلمه انهزمتي بنفسج وعفتي ابنج
كان المفروض ارجع لندن وارفع قضيه واعرف مصير ابني استسهلت الكذبه وصدگتها
وصل هادي ماگدر اباوعله
هادي اليوم لولو مسويه علينا حصار نواشف
الهام عذروني شويه تعبانه
هادي سلامتج المهم امي اكلت
الهام بلي اكلت ونامت صوتكم لتگعدوها
حبست الحجي مااگدر اگوله هادي بيوم عرسنا فهمني لاتجيبين الطاري ابد ومن يومها ابد ماحجينه

ل اليل
هادي شكو اليوم متغيره علينا ترى العشره تخليك من نظره تعرف الكبالك مهموم احجي شكو حامل
الهام لا مو حامل لاتخاف
اخذني بين اديك
هادي ليش ترجفين
الهام سگت  رجفة گلبي هادي ولاتتخلى عني انت عمرك ماسويتها ومااريدك ابد تسويها
هادي وج اتخلى عن عمري وحياتي وانتي لا  وجودج هسه بين اديه عندي يسوى الدنيا گولي شبيج شنو الي مخليج مهمومه تريدين نسافر
الهام هادي ابني عبدالله عايش وعمره ١٣ سنه
گمز من مكانه شمدريج
الهام فهد متصل بود مااخذ رقمي والظهر اتصل بيه هو بلندن
هادي وليش حجيتي وياه ليش مااتصل بيه
الهام من الصدمه ماعرفت شاسوي والمصيبه ابني مريض مااعرف شبيه
اريد اشوفه فدوه لعينك هادي

هادي الخبر وقف تفكيري وسيطرت عليه الغيره مااريدها تفكر بغيرنا اني واطفالي شتسووي بيه عدها اطفال وزوج مثل ماعاشت ١٣ بدونه تعيش بدونه منطق اناني لكن في اشياء تجبرني عليه
هادي الهام انتي عندج اطفال وزوج يحبج لاتدورين دفاتر قديمه
الهام والله ماادور شي غير شوفة ابني تدري بناره جوايه من يوم ولادته هداوي فدوه اشوفه حتى لو من بعيد
هادي مااريد احد يعرف نروح اني وياج تشوفيه وخلص بعد تسدين الموضوع مينفتح
الهام نروح هسه فدوه نار بگلبي اريد اشوفه بعد مااگدر هذا العنوان
هادي شكد طولت المكالمه ويه فهد
الهام اقل من خمس دقايق اجيبلك التلفون تشوف
هادي ماكو داعي وبعد ممسموح تجاوبين اتصالاته افتهمتي
الهام امرك صار
اخذتها ورحنا للمستشفى فهد موجود شافته هي ابتعدت وسالت ممرضه عن الغرفه دلتها
هو شافني اجى سلم عليه رديت عليه ومشيت ورا الهام وهي تركض للغرفه