اميره في الخفاء مكتمله

#اميره_في_الخفاء ٢

#اميره_في_الخفاء٢
#زينب_الموسوي
هادي انتظرت الهام النهار كله ماجتي لحد العصر خابرتها من تلفون البيت جاوبت( متگدر تجي وتكلف الناس يجيبوها وياخذوها )

هادي جان گلتي ياعيني اني اجي اخذج وارجعج
الهام تصير زحمه عليك والله
هادي الهام شنو هالحجي يله جاي اخذج

طلعت من البيت مسافه بين الوزيريه والدوره افكر كيف احسسها باهتمامي
ومن خلال حديثي وياها بالايام المضت عرفت هي شايله من كل اقاربها وتحس بالاهمال والخذلان
انقطعت افكاري وانشغالي المستمر بيه
بصور
بغدادااي تستعيد الحياة وبدت مناظر الحرب تختفي
وحلت الاغاني العاطفيه محل الاغاني الوطنيه 
الي اسمعها من صوت الراديو بالتكسي
وكوني عايش بالخليج حافظ هالاغاني الي الظاهر غزت العراق 
واني ادندن الاغنيه  وانظر لمجموعه شباب
تزيح لفاتات سوده  قديمه مكتوب عليها اسماء شهداء
ومجموعه ثانيه تخط على لفاتات  شعارات الانتصار  والفرح بالسلام
صور تبشر بخير وتمحي  الم سنين حرب قاسيه
تفائلت بالهشي  واعتبرته  بدايه جديده  اليه وانعاطافه  حلوه  يمكن  تكون سبب استقرار بحياتي
وصلت لبيت عمتي
دخلت سلمت على عمتي
الي واضح عليها متهيئه تروح ويانا ( دخيل الله بس لا تروح ويانا )
اخذت بشار على جهه
بالبراني

هادي بشار اريد اخذ الهام وشويه اطلعها من جو الحزن الي هيه بيه وبصراحه افكر اخطبها
ابتسم وكانما يعرف الي راح اگوله
بشار ئي شكو بيها احجي وياها وين تلگه احسن منك
هادي الوقت هسه غير مناسب البنيه حزينه وهذي امها ربتها وعاشت وياها  سنين كل الي اريده هسه اقترب منها
بشار حجيك صحيح راح افهم امي تنطيكم مجال شويه
هادي هذا الي اريده منك فهم عمتي بدون متحس الهام
بشار هاهيه اعتمد
دخلنا الهام وعمتي ام بشار متحضرات
بشار يمه انتي ظلي وين رايحه ساعه ويرجعون
ام بشار شلون اعوفها  لوحدها
هادي عمه دتحسسيني مجرم وراح اخطفها
ام بشار لايمه حشاك بس تعرف الناس وحجيها

اخذ بشار امه وهو يخلي ايده على كتفها
بشار  يمه الناس تحجي حتى على الانبياء روح خويه هادي وشوكت متخلصون تعالوا هلا بيكم
بعد نقاش ومحاولات ويه عمتي قبلت اخذها طلعت مثل المهزوم بيها اخاف اوصل للباب ويغيرون رائيهم
مشينا لنهاية الفرع اخذنا تكسي سالت السايق وين في مطاعم ومكان للعوائل نروح بيه
جاوب( اوديكم للمنصور )
فتحت الباب الخلفي ل الهام الي ظلت ساكته

الهام
هادي يحاول يعوضني عن الفقد
زين منه احسن من اهلي
اعرف هادي مهتم شفته كم مره يباوع بالمرايه الجانبيه مراح اكول اقبل بيه لو ارفض الي مثل ضروفي مكتوب عليها تندفع من ايد ل ايد
امي دفعتني لخالتي وموت خالتي راح يدفعني لهادي الي كان يدز صوره لماما خديجه.. ويه بنات انگليزيات.. نوع من التباهي.. وهسه كون نفسه وفكر بنت من بلده
وراح يستعرض عليه طباع.. الكرم.. والجود
خليه بحلمه يجوز متصورني مثل صاحباته وشاف مالي احد