اميره في الخفاء مكتمله

اميره في الخفاء ٢٨

تصويت في نهايه القصه
شكرا لوقتكم الثمين
واعتذر عن التاخير وباجر انشاالله اجاوب على اسألتكم بخصوص القصه
#اميره_في_الخفاء٢٨
#زينب_الموسوي
بقيت شهر وكم يوم على نفس الوضع انسى حتى اكل
اليوم جمعه عبدالله اتصل بيه البارحه يريدني اساعده ياخذ شاور ميريد الممرضات وطلعت الصبح بلا ماامر على اطفالي

هادي
الهام بعد طردتي الها  اخر مره تجي للبيت تراعي الاطفال وتتظف وتدرسهم وتهتم بامي وتطلع متقبل تبات ويانا انتظرت فرصه اعتذر منها واصالحها هيه ابد متنطي مجال

وصل الباص اخذ الاطفال دخلت اشوف امي
هادي يمه اگعدي اكلي وشويه سولفي ويايه
يمه يمه شبيج
تقربت منها تتنفس لكن بغير عالم
اتصلت بالاسعاف
مااكدر اخذها واسوق حيل مابيه بقى
بيت خالتي سمعوا صوت الاسعاف جوي عليه راسا
ابو الهام انت اصعد ويه الحجيه واحنا نلحكك
هادي خاله انتي ابقي هنا بالبيت الاطفال يرجعون من المدرسه يلگوج
ام الهام روح انشالله مابيها غير العافيه
الهام كملت عبدالله ومشطت شعره اول مره امشط شعره دگ تلفوني ماما
ماما ولج الهام خالتج بالمستشفى مخطوره كولش تعالي لاتركين هادي بين امه واطفاله لوحده
الهام جايه يمه بس خليني اوصل للمحطه
حجيت ويه عبدالله
الهام عبدالله راح اغيب كم يوم خالتي ام زوجي تعبانه وبالمستشفى
عبدالله روحي يمه وباتصل فيج
بسته براسه وباسني بخدي
للمحطه ركض حتى  حذائي كم مره فلت من رجلي
ادعي يارب ميصير قدر واني بعيد عن هادي واطفالي

وجدت ماما بالبيت
ماما والله هادي لو بذبحج قليله تاركه بيتج وتلث اطفال ورجال وامه مريضه وطالعه من الصبح  يم عبدالله متفكرين بموقف رجلج بغيرته صورته كدام الناس من يسالوه وين مرتك
الهام يمه هو معذور واني معذوره هسه اني گاعده اهنا وبالي يم عبدالله واروح يم عبدالله بالي يم الي اهنا شسوي گوليلي اقسم گلبي مينقسم
الهام. روحي الحگيه للمستشفى خليه يعرف انتي اهنا
الهام اخاف يضربني تصير مشكلة عنف وماادري شنو انتي روحي وكوليله الهام بالبيت
ماما اروح وانتي اتصلي بيه
الهام ميجاوب اعرفه
اتصلت ميجاوب كتبت رساله
( هادي اني بالبيت ليظل بالك خالتي شلونها ) مجاوب
هادي
انتظار باب مغلق ينفتح وشخص يطلع يگولك جمل لو ترحمك لو تنزلك اسفل السافلين موقف مااتمنى احد يمر بيه
الممر طويته الف مره رايح جاي وماكو خبر
طلعت ممرضه زغيره
نوبة السكر عاليه نقذناها لكن عيونها راحت
هادي امي عمت
ماتحملت الخبر ابو الهام موجود وضياء وشفت خالتي
ضياء المهم سالمه
ابو الهام بس حسها بالدنيا كافي
جتي ام الهام يمي
الهام بالبيت رادت تجي گتلها خليج يم الاطفال
الدكتور گال المريضه تريدك
شراح اكولها من تسالني ليش ماتشوف
من شفتها حالتها متبشر بخير
اقتربت منها بستها باديها
ام هادي يمه هادي حاسه بمنيتي خابر اخواتك واخوانك يجوون يودعوني
هادي لا يمه اسم الله عليج
مدت ايدها تتلمس وجهي
ام هادي ليش تبجي عليمن كلنا نموت وهذا حدي شظل بعد اتزوجت وخلفت وربيت وكبرت وزوجت وحجيت وهسه انتهى العمر محد انكتبله عمر جديد اوليدي
هادي يمه الدنيا ابلياج متسوى
ام هادي افيش يمه هذي حجايتك الي  تتمنى كل الامهات تسمعها قبل الموت تخليها تعرف ادات الدور وماقصرت
هادي لا يمه ماقصرتي لو تندار الاعمار فدوه درتلج عمري
ام هادي يمه هادي دير بالك على اطفالك ومرتك ارحمهم الله يرحمك
هادي انشالله يمه
ام هادي طلعني منا اريد بيتي
هادي صار يمه
ام هادي الاطباء اخذوا ملابسي وهذي ملابسهم ماتستر
هادي هسه اطلع اجيب ملابسج واجي
بالاداره خبرتهم اريد اطلعها وسالت عن ملابسها جاوبوني  اضطروا يمزقوها حتى متاخذ وقت منهم
  تركت المستشفى اجيب ثيابها وارجع فتحت باب البيت اعرف الهام موجوده بذلت كل جهدي اتحاشاها
ومااطلع قلقي وحزني على امي بيها
الهام ها هادي شلونها خالتي
سكتت
الهام جاوبني هادي شدتور  بملابسها خالتي  شبيها احجي  لخاطر الله شبيها
تحجي وتصيح وتضرب الارض برجلها
جاوبتها بضربه على وجهها صحتها
هادي لاتصيحين امي ارتفع عدها السكر من مصايبج الي سويتيها گلبها احترك على ابنها مرته مره  مهزومه ومتجاوب تلفونات ومره تقدم جهاله  يسحبون دمهم حتى ترضيين فهد وابنه امي عمت لان متريد تشوف ابنها مهيون ومديوس حظه كدام الناس شعندج اهنا ها شجابج اطلعي برا يله برا