#اميره_في_الخفاء٧
#زينب_الموسوي
هادي
سافرت الهام مع والدها... البيت
يختلف بدونها مع ان هي بالايام الاخيره ابتعدت عني.. وتسهر هوايه
حسيت ممصدكه احبها من عرفت قصة ايميلي يمكن لو تعرف القصه الحقيقيه عذرتني على حزني عليها ...
الهام
وصلت عند اهلي اختلط احساس الغربه عندي ..ويه احساس التعجب بالبلد الي اشوفه ...
الشوارع ... الجسور ... القطارات ... المترو
اشياء كنت اشوفها بالمجلات والصور ... واحتاج وقت اتعود على رؤيتها حقيقه
الناس اهلي... لكن ميعرفوني ومااعرفهم.... ماما تدقق بملامحي وكل شويه تلگه شبه بيني وبينها ...
والدي داىما صامت... وكل تصرف يسويه لازم يبرر لماما ليش ؟
يمكن هذا تاثير خياناته الها عدة مرات بالماضي خالتي ام هادي حجتلي هذي المعلومه
ضياء شاب يخفي الاعاقه بخفة الدم ...
ميوگف الا بسندات حديديه يلبسها برجليه و ركبته
اديه صغيره بالنسبه لحجم جسمه
صوته متقطع
انكسر گلبي عليه وبدون تخطيط مني دفعتني الاخوه ان ارعاه واهتم بيه من اول يوم وصلت هو يگعد على كرسي خاص اثناء الاكل حتى يرفع الصينيه لمستوى جسمه واني توليت مهمة اساعده بالاكل
ضياء شطابخه اليوم لولو
مسويتلك برياني دجاج واني اوكلك بايدي
ضياء ئي والله هذي الاكلات اسمع بيها ومااشوفها بيتنا
الهام ادري امك تطبخ بس معكرونيه صار تلث ايام مره معكرونيه بالجبن ومره باللحم
ضياء اني شجره معكرونيه خضرت ابطني اخاف متدرين
الهام هههههه اني حلفت بعد مااكلها
سكتنا
ضياء شوكت تعاتبين اقرا بعيونج حجي وكاتمته
الهام اذا احجي احتاج ١٨سنه
مو ...عمرك ١٨ ...واني مو اختك مافكرت تسال عليه بتلفون محاسبت امك وابوك وگتلهم اختي وين ؟
ضياء تدرين انتي محظوظه ماعشتي وياهم وشفتي الي شفته
الهام شتقصد !!!!
ضياء اكبر جريمه صارت بتاريخ البشريه هو زواج ماما وبابا
طلاگين تطلگوا..، محاولتين انتحار ل امي..
شكوى بالمحكمه... انسدت بالواسطات
استرسل بالحديث حتى يبينلي الشتات الي عايشه مثلي بالرغم من وجوده وسط عائلته
ضياء امي كانت توديني للممستشفى للعلاج وتروح تراقب بابا ويامن يخونها ترجع منهاره تاخذني بسيارتها تبجي
بالبيت تتعارك ويه بابا وتترك البيت لبيت خالتي يرجعها بعد اسبوع وهو يحلف اخر مره
كانت هذي الحقائق اول مره اسمعها عن زواج ماما وبابا ومااعرف ليش ربطت زواجهم بهادي وتصورت زواجي منه اذا تم. راح اكون مثل ماما
وهذا الي خلاني اسال اكثر
الهام وليش ماطلگا ت وفضتها اذا هو خاين
ضياء حاولت مرتين ورجعت بسبب متگدر على مصاريف علاجي
الهام بس هيج رجال ميستاهل تبقى وياه
ضياء بابا خياناته كان رد فعل على مرضي متحمل الواقع هرب منه بالعلاقات
كلام ضياء كان تبرير ميسد الجرح ولايخفف الم ...لكن يكفي محاولته يبرر اليه
انتبهت غرفته مليانه كتب... ومثقف وحجيه يدل على عقله الواعي
الهام هذي الكتب كلها قاريها
ضياء اقراها هرب من الالم
الهام انت من تحجي مثل الفيلسوف
ضياء يعني محبوب لو مكروه
الهام محبوب
أنت تقرأ
اميره في الخفاء مكتمله
Romansaعدت لكم متابعيني الاعزاء بقصه حقيقيه جديده تتحدث عن فتاة عراقيه ترتبط بشاب خليجي بلقب اميري وسط معارضة عائلته لزواجه من العامه وتركه لبنات عائلته الاميرات وماتلاقي هذي الفتاة من صعاب وندم النشر حيكون حسب تصويتكم وقت فراغي
