اميره في الخفاء مكتمله

#اميره_في_الخفاء٣

#اميره_في_الخفاء٣
#زينب_الموسوي

الهام 
مرت يومين سوا زارتنا ام بشار وبشار 
حتى تطمئن  عليه
گعدنا اني وياها بغرفة خالتي  وهادي وبشار بالصاله وسمعتهم يتفقون حتى بشار يوصلنا للمطار ثاني يوم  وعرفت مسافرين بعد يوم
وام بشار صارت توصيني  على نفسي  وتسالني

ام بشار يمه خاف تستحين تظلين لوحدج ابقى وياج
الهام هلا بيج خاله ولو هادي خوش ولد ومؤدب ويطلعني ويحب طبخي هوايه
تفاجأت تعرف بهادي رايد يخطبني
ام بشار ولو انتي حزينه هسه ميصير افتح هيج موضوع
بس ترى هادي يريد  يخطبج...
همستلي
وافقي اذا صدك ابن خالتج وعايش بالخارج
الهام الله كريم خاله
تحول الحديث كليا عن هادي  لحد رادت تطلع
ام بشار اروح اني يمه وانتي الله وياج
الهام الله وياج خاله
طلعوا وبعدهم جوي صديقات خالتي من الجوارين
يودعوني وخبرتهم برغبتي بتوزيع الاغراض لثواب خالتي وطمنوني همه ياخذوها وينطوها لناس محتاجه
بعد الوداع
نظفت شويه ولميت كم غرض عزيز عليه حتى اخذهم ويايه
وهادي ايضا  يحضر اغراضه... انتبهت طلع كيس  بلاستك وانطانياه
فتحته   بيه ملابس كلها سوده 

الهام عبايه.. وحجاب.. شسوي بيها
سد جنطته وهو يگلي
هادي البلد الي رايحيه كل نسوانه لابسين هالشكل عبايه خليجيه وحجاب وبعض المناطق نقاب
الهام ها  لعد همزين نبهتني حتى ملابسي القصيره مااذخذها
هادي لاتشيلين هم للملابس هناك العبايات تجنن عبالك بدلات واشتريلج كول الي تريديه ..
تدللين ..
تامرين امر ..

الهام سمعت والله سمعت
هادي غير تگولين شكرا
الهام شكرا ماتقصر
تعال ساعدني الجنطه انملت شلون اسدها
هادي جنطتي فارغه خليهم ويه ملابسي
سجب جنطته قريب من جنطتي
فتحها  وبكل جراءه
اخذ من ملابسي خلاهم بحضنه  وگعد يعرض الفساتين ويضحك بعدين يصفطهم ويخليهم بجنطته
الهام شدتسوي  انت
ضحك
الهام وخر عن ملابسي اني اصفطهم وخر
وگف گعدت اني اصفط ملابسي
هادي هم راح اتفرج
صرت كلي اغلي من الاحراج والخجل
الهام عيب ودتحرجني ترى مااسافر وياك
مااهتم  لكلامي وهوه يجاوبني
هادي ههههه انحرجي شعليه
عرفت لونج المفضل بنفسجي نفس لوني
عرفت قياس خصرج من التنوره
رفعت عيني اباوعه اريد اگوله كافي اسكت من الخجل محجيت
وهوه يكمل وعيونه عليه
هادي وعرفت من الفستان طولج
ومن التشيرت المسافه بين خصرج وكتفج وصد
الهام كافي اذا نطقت كلمه هسه اطلع من البيت شنو هاي يا
اخذ جنطتك مااريدها
هادي نزل يمي خلى بقية الملابس
اشر اشششش  الي يدخل بجنطتي ميطلع مثل گلبي الي يدخله ميطلع منه
شبيج دنتعرف
الهام شتتعرف
هادي عرفت خجوله وتخافين
من الجراءه
راح اراعي هذا الشي المره الجايه
وظل يصفط ويتفرج خلاني ارجف خجل وعصبيه تركته دخلت الغرفه رايحه جايه ثارت اعصابي وهو ولا همه