اميره في الخفاء مكتمله

اميره في الخفاء ٢٣

#اميره_في_الخفاء٢٣
#زينب_الموسوي
هادي
بقينا بالريف وكانت في بحيره قريبه رغم جامده البعض يروح للصيد بعد ميكسر الثلج وفي مكانات حلوه ومحلات كيك ومربى كلها صناعات منزليه ريفيه
يخلص اليوم بدون ادراك للساعات تلمست داخل الهام خوف من فشل زواجنا واكثر من مره تردد نبقى سوى اوعدني نبقى سوى

الهام مثل اي عروس اخلص يومي ويه هادي كل ليله الها طابع خاص والطابع الغالب حب هادي اليه الانسان الي خفت من جراءته اول ماعرفته اكتشفت داخله حنان وعطف افتقدتهن من طفولتي
اليوم الثالث لعرسنا اندگ التلفون عرفت خالتي
هادي هلا بست الكل
ماعرف شنو حجوا بس سمعت
حاضر باجر جايي
هادي الهام لازم نرجع باجر
الهام ليش مو گلت اسبوع
هادي امي مد تگدر على الناس التجي تبارك وتعبانه
الهام لا عفيه هادي باقي كم يوم لخاطري
هادي يعني اكول ل امي ابقي تعبانه لحد ميخلص الاسبوع
الهام بس هذا عرسنا
هادي يعني اذا رجعنا عرسنا راح بشنو يتاثر
مو گلتي راح تتحملين اشو من البدايه گلبتي
الهام واني شگلت متريد تبقى خلص لاتسويها مشكله نرجع
هادي طبعا نرجع

راح طلع برى البيت عرفت عصبته وصدوك لازم اتحمل
بقى گاعد برى
حضرت الاكل هو يحب البيض للعشى مااعرف ليش سويت بيض وبطاطا
وطلعت گعدت يمه ضربته بجتفه
الهام محلو وانت زعلان
هادي منو گال زعلان فوتي جوا الجو بارد
الهام تعال ويايه ناكل اكلتنا السريه الجديده محد يعرف بيها
دخل يمشي بثگل
الهام شنو رائيك ناكل على الكاع
هادي اوكي
مديت ايدي اوكله
اكل عاد ها شبيك لايصير دمك ثگيل
شوف كل متزعل مني راح اسويلك هذي الاكل معناها اريد اصالحك
هادي ها لازم ناويه يوميه تزعليني
الهام انت تدلل شاسويلك
هادي اني الي ادلل ملاحظه كم مره من تزوجنا گتلج احبج وتردين عليه اني هم وتسكتين اني هم شنو الهام
الهام ترى الحب مو بالكلمه هذي بتصرف بالاحساس
هادي تبقى الكلمه مهمه والها تاثير
الهام بسيطه هسه مو بس اگولها اغنيها همين
هادي شلون تغنيها
الهام احبك واحب كلمن يحبك واحب الورد جوري عبنه بلون خدك احبك
اني اغني وهو يطگ اصبعتين ويگولي عيديها
هادي الله حبيبتي اول مره اعرف صوتج نشاز
الهام واول مره اعرف اصابعك صوتهن يطرش علمني شلون اطگ اصبعتين
هادي بسيطه جيبي اصابعج

رجعنا لبيت اهل هادي البيت كان فعلا ناس داخله طالعه وخالتي منهكه
اخذت الاذن من هادي باهمله بعض الوقت حتى اكسب خالتي واكتشفت ان خالتي تتصل بصديقاتها وتعزمهم
وسط الضيوف والهوسه والطبخ
دخلها هادي للمطبخ
هادي اكولج الي اعرفه امي عدها صديقتين ذني منين طلعن
الهام هههه لا وانوب يجن لاهديه لا واجب
هادي واني باقي لوحدي فوك تعالي يمي شويه
الهام ميخالف حبيبي شويه اتحمل خلي خالتي ترضى عليه

هادي خلصت اجازتي  ورجعت لشغلي
وزواجي كان فاتحه خير عليه بالعمل وصرت شريك بنفس الشركه
امي والهام مثل المصارعين قبل لتبدي المصارعه هادئين لكن واحد يتوعد الثاني
الهام  زواجي من هادي يختلف عن زواجي الاول
حسيت بالمسؤوليه وبيت كامل متحملته واتعب واضحي براحتي
وابالغ في خدمة الكل والسبب خوفي من الطلاگ او الفشل مره ثانيه
والسبب الثاني هادي مقدر تعبي ويعوضني بمشاعر حلوه احبه لدرجه انتظر رجعته من الدوام مثل طفل منتظر شوفة اهله
هادي
الهام تتنازل لخاطري امي مثل اي امي تصرفاتها طبيعيه تحب توصل لرساله للچنه ان هي السلطه العليا  اشوف بعض التصرفات منها وداىما انطيها العذر ومن اشوف الامور اتزمت اخذ الهام اطلعها ومرات اوديها ل اهلها
صار عرس ضياء وسويناله عرس كبير
رادت الهام تبات تساعد امها اني وافقت امي گدام اهلها اعترضت
ام هادي لا شنو تبات وشغل البيت من يسويه
الهام خاله يوم واحد وبالليل هادي يجي ياخذني
ام هادي اذا بقيتي ابقى على طول محد يرجعج
ابو الهام روحي بنتي خالتج هم محد الها
الفرح الي فرحنا بزفة ضياء انگلب قهر 
وغيرها من المواقف