#اميره_في_الخفاء٨
#زينب_الموسوي
رجعت للبيت ...وكاني اكبر مغفله بالعالم.. كنت مجرد رد ثار بين الاصدقاء
تمليني الاسئله ... ومافي غير واحد هوه الي يجاوبني ... اخذت التلفون للصاله بعيد عن عين ماما
اتصلت بهادي بحجة اسال عليه... ويمكن حاولت انطي لهادي مجال ...يدخل گلبي...
الي خطط اله فهد لازم يصير عكس تخطيطه
رن التلفون جاوبت خالتي سلمت علىيها
وردت عليه بحراره وسعاده واني اطلب منها احجي ويه هادي
هادي هللوو حياتي الهام مشتاقلج
الهام ليش محجيتلي القصه الحقيقيه بينك وبين ايملي وفهد
تفاجأ بجملتي وحاول يتهرب وكررت عليه السؤال
وجاوب بحزن
هادي منين عرفتي القصه
الهام امي حجتلي وفهد حجالي
هادي التقيتي بفهد هناك ؟
الهام بلي اني وامي شفناه وسلمنا عليه وحجى الموضوع
تأفاف وتحسر
الهام هادي لاتتهرب من. الجواب
هادي قصه انتهت بعد لاتذكريها
الهام منو عرفها اول انت لو هو ه
هادي مو مهم منو اول.. المهم منو حبت هيه ..
الهام منو حبت... ومنو حبها ..بصراحه هادي
هادي اني حبيتها... وهي حبتني
الهام وفهد حبها ..
هادي مو بگدي مستحيل ...
الهام لو رجع الزمان بيكم وصار العكس انت الي عرفتها اول وفهد الي حبها واخذك منها شتسووي ..تتركها اله ؟
هادي موقف صعب لو كنت احبها
الهام لو اخذها تفكر تنتقم منه اذا اجتك فرصه
هادي فهد صديقي وميسويها
الهام لعد انت ليش سويتها
هادي حبها كان اكبر مني
الهام ولحد الان تحبها
هادي لا هسه نسيتها وداعتج
هادي مزق صورتها لعد ليش باقيه وياك من بلد لبلد الصوره وياك
الي افتهمته هادي وفهد حبوها اثنينهم بنفس المقدار لكن هيه اختارت هادي ...
الغريب كيف حافظوا على صداقتهم ... واذا تكرر الموقف راح يظلون اصدقاء
تكررت اتصالاتي بهادي ردت اعرف ادق معلومه عن علاقتهم بايميلي ويجاوبني متصور اسالتي حتى اقرر بموضوع زواجنا
وكل يوم اتاكد من كلامه عن فهد واضح اثنينهم كانوا يحبوها ويمكن فهدحبها... اكثر... لكن صديقه كان اعز ..واغلى ..وبداخله حزن مدفون يريد يتخلص منه باخذي من هادي
اكيد هادي حجاله عني وعرف رايدني
صار لازم اطوي هالصفحه وابتعد عن فهد وتجاهل نداء گلبي ... الي حارگني عليه ويتمنى لو ماعرفت الحقيقه ... مرات احس الحقيقه اجتي متاخره ... بعد ما احاسيسي طوت طريقه
ومشاعري صارت متعرف غيره
مر عشر ايام ....
دخلت معهد لغه بسيط لمده ساعتين باليوم... اروح بالباص تعرفت على بنيه عراقيه اسمها... نباء ... اهلها جايين جديد لندن ... وفادتني بمعلومات عن الطريق الاقرب ..، وعن تجمع لبنات عربيات ..، وصرت ...استخدم الباص.. ومرات الانفاق وحدي
وبديت مااخاف امشي لوحدي بالشوارع .. وارد على تحية الغرباء بالطريق بكلمه هلووو
بقت عائلتي.. حاجز بينا صعب اتخطاه.. رجعت فد يوم للبيت ماما محصله شغل اليه
ماما مو تدورين على شغل صديقتي عدها بوتيك زغير للهدايا ومعظم زبائنها عرب شگلتي
الهام ياريت يمكن من اختلط بالناس اعرف احجي
ماما العصر نروح تشوفج وتشوفيها
تمسكت بفرصة العمل يمكن انسى واعرف اختار صح
أنت تقرأ
اميره في الخفاء مكتمله
Romanceعدت لكم متابعيني الاعزاء بقصه حقيقيه جديده تتحدث عن فتاة عراقيه ترتبط بشاب خليجي بلقب اميري وسط معارضة عائلته لزواجه من العامه وتركه لبنات عائلته الاميرات وماتلاقي هذي الفتاة من صعاب وندم النشر حيكون حسب تصويتكم وقت فراغي
