اميره في الخفاء مكتمله

اميره في الخفاء ١١

والله دانشر. بلا مايفتح عندي البيج. وميطلع عندي النشر
ومد اشوف تعليقاتكم  ... اتمنى القصه تعجبكم
رغم طول البارت
والقصه ايضا طويله
#اميره_في_الخفاء
#زينب_الموسوي
هادي يمه شنو هالحجي انتي طول عمرج تگولين الي ميريدك لتريده ليش تهيينن كرامتي
ام هادي فرغت ناري بيها هالكلبه فوك مالفيناها كانت خدامه عند خديجه
هادي بلا هالحجي يمه
ام هادي باجر الگالك عروس
هادي شنو تلگيلي عروس يعني اذا الهام تزوجت غيري اني لازم ارضى باي وحده
ام هادي اي وحده شنو والله لااختار وحده لاالهام ولاعشره مثلها يوصللها
هادي يمه هو مو سباق اتركيني اني اختار البنات ماخلصت
ام هادي وين تختار اهنا البنات كل زواجاتهم اقارب واصدقاء بنات متطلع وين تلگه
هادي يمه اتركي هذا الموضوع هسه
طلعت  من البيت وتركت امي تتلقى الاتصالات مره من خالتي ومره من الهام
الموقف صعب ..، واصعب مابيه ان لازم ادعي مامهتم  وسعيد لصديقي وبنت خالتي
ثاني يوم اتصلت الهام
هادي هلوووو لولو شلونج
الهام انت شلونك هادي صدوك اني اذيتك
هادي يمعوده حجي امهات لاتهتمين
الهام هادي مااريد اخسرك ومااريد احس انت مجروح بسببي
هادي ههههه لولو گتلج هذا حجي شنو قابل ماكو بنات غيرج
الهام والله صدوك وانت اي بنيه تتمناك
هادي ادري لولو گوليلي تتوقعين. اهلج ينطوج لفهد
الهام اصلا امي مطايقتني بعد ماعرفت بيه يتصل بيه وبابا حجيتله ومگال شي
هادي انشالله يوافقون وتعيشين بسعاده ويه فهد
الهام اشكرك وانت انشالله تتزوج ونحضر عرسك اني وفهد
مجرد اسمع اسمها  مقترن باسم فهد  يقهرني
واصبر نفسي بكلمة(  نصيب )

فهد
وصلنا لندن اني وامي ومحمد وابوي عدنا شقه هناك
اول موصلت الساعه تسعه ليل اخذت السياره ورحت على بيت الهام فتحت طالعت الشباك

شباك الاحباب شاهد انت
وتدري بهوانا
لم تصنع من خشب وحديد
بل من احساسي صنعت
احسدك... يداها لمستك
ووجهها احاط بك
اي قلب تحمل انت.. اماذاب حينما ضمتك
ليتني كنت انت

سلطت اللايت على الستار وطفيته اخاف اهلها يحسون
رفعت البرده وفتحت الشباك طلعت من السياره
شفتها تبتسم
هذه الابتسامه تتستحق ان اتحمل من اجلها كل الصعاب
اشرت بايدها هلوووو
ورديت هلو بقيت واكف گبالها وهي خاله ايدها على الشباك وفوك اديها وجهها وتناظرني

هل جربتم الشعور
بشراره خجل ...تضرب الجسد
وانت تنظر لمن تحب من بعيد
ويرسل شوقكم نسمات هواء مشتركه
وتبدا العيون توزع النظرات في كل الزوايا هربا من عينيه
والقلب ينبض في اسفل القدمين
وشرايين تضخ بدل الدم لهفه وشوق
هذا وصفا لما كنا عليه

الصبح نطرتها عند بابا المعهد من كثر لهفتي لها ودي احضنها واهي افتهمت وخافت
وگفت بيني وبينها اعمده حديديه صغيره على باب المعهد
الهام الحمدعل السلامه
فهد الحمد لله اني شفتك بتمي متخبيه بين الاعمده تعالي نمشي
تمشينا
الهام متغير فهد ليش
فهد راح احجيلك كل الي مريت فيه
جلسنا وسولفنا وبنهاية الحديث
فهد ارجعي الحين للبيت وبلغي اهلك العصر نزورهم
الهام ليش مستعجل
فهد اخوي وابوي عندهم شغل في البلاد
الهام على راحتك
وصلتها للباصات ورجعت ل اهلي نجهز للخطوبه
فهد ياخوفي يرفضون
ام فهد ابركها من ساعه لو رفضوا
محمد ميرفضون خلها عليه انه الي احجي
طلعنا لبيتهم