رودينا/متوقفه

٣

اكذب على نفسي اذا قلت إن هالولد ما شدني له، يمكن لأسلوبه! يمكن لأسمه! يمكن....لانه منفصل!! جدياً ما اعرف.

تقريباً صار لنا اكثر من شهر واحنا نكلم بعض، وبفضل هالشي صار في تغير بحياتي،لمن يجي الليل، كنت اقعد ابكي لين ما انام، بس هالمره، انا استنى الليل بفارغ الصبر عشان اكلمه وانام.

______________

كان عندي فضول قوي جداً ناحيته، عشان كذا ما كنت اعرف كيف اوقف نفسي عن اني اسأله أسئلة ممكن تكون غبيه، دائماً كنت أساله، وكان يجاوبني، وحتى لو السؤال لقافة وممكن يكون محرج.

______________

كنت انجذب له بشكل غريب، كنت احب سواليفه، وكنت احب لمن اشكي له عن الاشياء اللي تضايقني وتصير لي.

كنت انتظر ذاك اليوم اللي يجي ويقولي رامي تراني احبك، وارد عليه وانا بعد احبك وابادلك نفس المشاعر.

______________

رجع أخيراً من المدرسة، بعد ما انهلك وهو يكمل ملفاته ويشوف الاشياء اللي ناقصه عنده، اختباراته اللي فاتت عليه، واللي كان يبي يعدل درجاته فيها.

دخل وفصخ جزمته، راح لغرفته على طول،انسدح عالسرير وأخذ جواله وراح يشيك اذا في رساله من "سعود" أو لا، وزي العادة مافي، بس قرر أنه هو يكتب له .

رامي:جيت، وينك؟

سعود: هلا حبيبي، طولت اليوم،شعندك؟

رامي فز قلبه لكلمة'حبيبي' وتشتت لدقائق بدون ما يرد على "سعود"
معقولة أنه يحبه؟مستحيل، يمكن قالها بعفوية.

رامي:اي اليوم نطلع متأخر.

سعود:اها عشان كذا، مو مشكلة، قولي كيف كان يومك؟

كان وده يقوله أن يومه ما يكتمل ولا يحلو الا اذا كلمه، بس تردد كثير.

رامي: الحمدلله زين، مع اني انكرفت كرف مو صاحي

سعود:ليش؟

رامي:كان عندي اشياء ناقصه واختبارات ما اختبرتها، مع اني حريص على اني ما يفوتني شي، بس يلا، قدرت اكملها.

ارسل هالكلام وكان يستنى رد من "سعود" بس نادته امه عشان يجي يتغدى، فأخذ جواله مره ثانية وكتب له:

رامي:بروح اتغدى وارجع لك،طيب؟

سعود:طيب، بالعافية حبيبي.