رودينا/متوقفه

١٩

ڤوت وكومنت بين الأسطر.
🍂

-

التفت ايهم لسعود وهو منزل راسه ويحاول يكتم شهقاته،مد سعود يده ورفع وجه ايهم،عقد حواجبه،وانربط لسانه عن أنه يسأله وش فيه،او يواسيه.

انفجر ايهم بكى وما قدر يكتم اكثر،سعود عض شفايفه وكان متردد بس بالنهاية اخذ ايهم لحضنه،وظل يمسح على ظهره ويهمس له* كل شي راح يكون بخير،لا تزعل*

بعد ايهم من حضنه وهو يشاهق بقوه.

ايهم: ليش!! ليش سويت فيني كذا،انا...انا جيت عشان احل المشكله معك،ونرجع لبعض،بس...بس انت...انت*ما قدر يكمل ونزل راسه وكمل يبكي*

رفع راسه: انت حرقت قلبي وانا كنت ناوي نرجع لبعض وننسى كل شي صار،وننسى الماضي ونبدأ بدايه حلوه،بس انت خربتها يا سعود،خربتتهاا.

نزل رأسه وبكى اكثر،حس أن الهواء انقطع ومو قادر يتنفس،فتح باب السياره وطلع،وكان يكح بقوه،سعود شافه كيف يكح،خاف وطلع من السياره وراح لايهم،ومسكه.

سعود: ايهم،تنفس حاول.

ايهم دف سعود عنه وحاول يمشي بعيد عنه.

سعود: ايهم وين رايح؟؟!

ايهم: مالك دخل،انت مو مسؤول عني،ولا عادك تحبني،وش يهمك فيني؟؟

سعود تنهد: ايهم لا تسوي كذا،تعال يلا خل نرجع للبيت.

ايهم وهو يناظر للجهه الثانيه،وبصوت هادي: ما ابغى اقعد معك بمكان فيه شخص مالك قلبك.

سعود قرب: وين تبي نروح طيب؟

ايهم سكت،شوي ورفع رأسه: خلاص مو مشكله نرجع للبيت.

سعود ابتسم: يلا تعال.

-

بيت محمد:

وهم داخلين،تكلم محمد مع رامي.

محمد: ليش راح معه؟

رامي مارد،وراح دخل وحده من الغرف،طيح جواله عالارض وانسدح على السرير،وظل يفكر بسؤال محمد.

هيثم وهو يناظر لباب غرفه رامي،دق محمد من كتفه،وتكلم بحده وهمس: حمارر!! ما تشوف وضعه؟؟ ليش تساله؟؟

محمد بغباء:وش؟؟

هيثم قلب عيونه: ولاشي،روح نام،انا بروح اشوفه.