رودينا/متوقفه

١٣

فوت وكومنت
🍂

-

رن جوال طايح بمكان بهالصاله ومدفون تحت فوضى خلفها شخصين.

بس لانه مدفون ماكان يُسمع له.

تأفف رامي من هيثم اللي مو راضي يرد عليه،ظل يدق ويدق لين يأس من أنه يلاقي رد.

قفل جواله مع طلعته من الغرفه،وراح للمطبخ وحصل ايهم قاعد يسوي له كورنفليكس.

قعد على الكرسي واستنى ايهم يخلص عشان يسويله فطور،وكان يطالع بجواله.

انتبه له ايهم من اول ما طلع من الغرفه،وجا وحط صحن قدام راكي،وصحن قدامه وقعد مكانه وبدأ ياكل.

شاف ان رامي ما اكل ورفع عيونه له.

ايهم: كل،عشانك ذا.

رامي: لي انا؟

ايهم: اي لك

رامي: وليش ما يكون لسعود!

ايهم ابتسم: انا ادري ان سعود ماراح يصحى الحين،وخاصه أن اليوم ويكند.

رامي مارد،ناظر للصحن ومسك الملعقه وتردد ياكل،بس هو مجبور ياكل عشان الدوا.

ايهم ناظره وقال بحماس: ما قلت لي اسمك!

رامي ناظره: اسمي رامي.

ايهم: اوه حلو اسمك،زيك.

ابتسم له بلطف وهذا اللي خلا رامي يستغرب منه،بس ما بين له.

ايهم شاف أنه مافي تفاعل من رامي لذا مد يده

ايهم: أصحاب!

رامي استغرب وقال: ايش!

ايهم: نصير أصحاب.

رامي: .....

ايهم قال بإستنكار: لا تخاف عندي حبيب،ماراح اخذ منك سعود* ابتسم مره ثانيه ومد يده* والحين .. أصحاب!

رامي ناظر فيه وهو مستغرب من كل شي,مد يده بتردد: ا..اي

وبعدها بسرعه ورجع ياكل.

ابتسم ايهم على حركة رامي،ورجع ياكل.

-

صحى محمد اخيرا،وكان بيقوم بس وقف لمن حس بثقل على صدره ناظر وطلع هيثم اللي غرقان بنومه ومو داري عن شي.