بارت 6
عفيفة،،،،عشت عيشة طيبة رغدة وحجي موسى ماكصر وياي والي على لساني يصير ربيت بناتة اليتامة الاثنين وزوجتهم وجنت احن من امهم الله يرحمها عليهم بشهود اهل حجي موسى جنت دائما اكول كون مثل ما ربي صخرني الهم كون الله يصخر لغيوثي من يوكفلة وياخذ بأيدة ظليت بحسرتي عليه
غيث،،،ظليت اداوم بالمعهد وصار عشقي وشغفي الموسيقى وادمنت العزف على العود والبيانو والكل كان يشهدلي ويشيد بعزفي جانت استاذة الموسيقى ست سعاد تعشق الموسيقى وصاحبة احساس عالي وحس مرهف كانت تعشق عزفي وتتوقعلي مستقبل زاهر
طلبوا من عدنا انه نجيب كل واحد عود خاص الة وميدخل حصة التدريب الا ومعاه العود الخاص بي
كان مكلف بالنسبة الية وحاولت اقتصد واجمع فلوسة لذلك كمت مااروح احضر حصص التدريب الا ادبر فلوس العود واجيبة لان جنت انحرج
وبيوم من الايام دزت علية ست سعاد لغرفتها ومن دخلت كالتلي تفضل كعدت
وفجأة بنبرة ملامة وزعل عاتبتني
ست سعاد،،،،وينك غيث شنو سبب هالغياب وليش متحضر حصص التدريب
غيث ،،،همست،،،ست ظروف خاصة منعتني اعذريني
ست سعاد ،،،ميصير غيث تتغيب عن حصص التدريب انت روح صف الموسيقى وبدونك ماالة اي طعم
غيث ،، دنكت ان شاء الله ست سعاد اوعدج بعد ما اغيب
ست سعاد ،،،ان شاء الله وباجر قبل متدخل حصصك لازم تمرني ضروري
غيث ،،،مفهمت ليش وكتلها ان شاء الله ست ثاني يوم مريتلها نطتني عود روعة ابو اربع اوتار راقي وغالي كلش استغربت
ست سعاد،،،اعتبرني مو بس استاذتك اختك الجبيرة او امك او اي شي بالدنيا بس عزف لتبطل ولتتغيب عن الحصص انت روح الموسيقى بالحصص وهاي هدية مني الك حتى لتحرم نفسك وتحرمني من سماع معزوفاتك
غيث ،،،اتشكرتها وجانت هاي اول هدية تجيني بحياتي والنوب عود فرحت بي كلش وبيومها مابطلت عزف
ست سعاد تطلع بنهايات الاربعين من العمر صح جانت جبيرة بس شكرة وشكلها حلو وانيقة كلش ومرتبة جنة نسمع انها مامرتبطة وفنت عمرها بالموسيقى وبمعهد الموسيقى وخرجت نجوم لمعوا بهذا المجال وساندتهم ماديا ومعنويا جانت انسانة طيبة كلش وتعطي دون مقابل
بيومها من رجعت البيت حسيت ملكت الدنيا من ملكت هل عود وظليت اعزف الليل كلة بغرفتي
وثاني يوم داومت وحضرت حصص وما بطلت عزف بيومها
&
&
&
#رواية_يعزف_على_اوتار_قلبي 😻🦋
بارت 7
ست سعاد،،،عمري 48 سنة ماارتبطت ولا حبيت وعشت عمري وفنيتة بالتدريس الفن والموسيقى ومجال للرجل اي دور بحياتي وما فكرت ابد بالزواج ولا مفكرة ارتبط الموسيقى جانت غذاء روحي وعشقي الاول والاخير
جان من يعزف غيث وكأنه يعزف على اوتار قلبي توقعتلة مستقبل زاهر جنت مستعدة اتبنى موهبتة
جنت انقهر على المواهب المدفونة بجيلهم لان ماشافوا شي جيلهم انظلم كلش
غيث،،،زوجة عمي جانت زينة نوعا ما وماغثتني بس مجنت التقي بيها ارجع من الشغل متأخر وادخل غرفتي ومااطلع للصبح واطلع لدوامي ومن دوامي لشغلي
تمرضت زوجة عمي وكامت تورم بطنها طلع عدها ورم بالكبد ويوم عن يوم تتعس حالتها فجان عمي 24ساعة ساكن بيها مدينة الطب
ومرات استخطي اطفالهم وابقى يمهم ومااروح اداوم بالمعهد
وجنت اذا اتغيب تنزعج ست سعاد وتحاسبني على الغياب
غيث،،،جانت زوجة عمي يوم عن يوم تسوء وضعيتها عمي اخذ اطفالة وخلاهم عند اهلها
رحت ازورها قبل لتتوفى بأيام ووصتني استسمح امي منها ووصتني اواصلها وكالت عفيفة انظلمت هواي وهي بنت حلال وشريفة رغم تزوجت عبد الباقي بالحلال بس ماخلتة يدوسها وبقت وفية لأبوك بس اني جنت جاهلة وصغيرة والغيرة عمت عيني جنت اغار منها بس على شنو مااعرف
غيث ،،،توفت زوجة عمي وتأثرنا على وفاتها واطفالها جانو يكطعون بالقلب
خلصت الفاتحة وكمت اتردد على دار زازور والدي جان الغائب الحاضر الميت الحي هذا اصدق مايقال عليه
ركزت بدراستي وتدريباتي لان جنت مرحلة اخيرة بالمعهد غابت فترة ست سعاد وكالوا مسافرة تحضر مهرجان موسيقى
رجعت ورة فترة جنت احسها ام الية وافرح بداخلي من اشوفها جنت واكف من مجموعة بنات وولد من دفعتنة نسولف ونزلت من سيارتها ست سعاد ولابسه قاط رسمي بيجي وشكلها كالعادة كلش انيق وحلو من باوعتلها نسيت حتى الكلام الي اريد اكولة وابتسمت هنيناها بسلامتها وراحت لغرفتها
بدرس الموسيقى عزفت معزوفة جديدة جنت محضرها الها مفاجأة من ترجع
انبهرت كالعادة كنت اراقبها واني اعزف وهي مغمضة ومسلطنة على الاخر وهذا الشي يحسسني بفخر انه وحدة مثلها متذوقة للفن تنشد لعزفي وتحبة
من خلصت عزف كالت حسافة هيج مواهب تنطمر هنا ومتوصل للعالم اجمع رحت للمهرجان وشفت الي جانو حاضرين ميجون ربع آدائك
غيث،،،هاي شهادة اعتز بيها من حضرتج واعتبرها وسام فخر الية
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
