بارت 3
وبمرة من المرات كاعدين الظهر بغرفتنة اني وغيث وعمتي وعبد الباقي ومرتة بالحوش يشربون جاي الظهر اندك الباب وفجأة نسمع صراخ وهوسات
طلعت للحوش اني وغيوثي نركض واذا بالصدمة الامن الداخلي والاستخبارات جايبين وياهم عبد الحي بس جان شكلة متغير كلش وكبران وجسمة هزيل ومشيب كوة عرفناه كامت عمتي تحضن بي وعبد الباقي وجهة بعد ميتفسر كالولة جان اسير بأيران وطلعوا وجبة اسرى وهو من ضمن الاسرى ومن بعد ماعالجناه وخف جبناه الكم وطلبوا من عبد الباقي يوقع على استلامة
عفيفة ،،،،،رجعت ليورة وكمت اضرب على وجهي صخام الصخمج عفيفة شرجعك عبد الحي شأكول شأحجي جان غيث واكف وميعرف شيسوي وعمتي تحضن بعبد الحي وتبوس بي طلعوا الامن وعبد الباقي رجع وكعد يبجي وايدة على راسة
عبد الحي جان خايف من عدنا وابدا تصرفاتة مو طبيعية
رجعت لغرفتي واني اتلفت وراي ومخنوكة بالبجي ظليت سنين انتظرك تالي ترجعلي بهيج حالة واني على ذمة اخوك العن ابو الحروب الي دمرت حالنا وبهذلتنة مخلية ايدي على راسي وابجي
عبد الباقي،،،شكد جنت اتمنى وانتظر لحظة رجوع ابو غيث بالسلامة بس من شفتة رجف جسمي ومكدرت حتى اتقرب منة جنت احس بنفسي غلط وبالي يم المصيبة الي احنا بيها اني وعفيفة رحت وحبست نفسي بغرفتي
غيث،،،جنت بسادس ابتدائي وفجأة اجانة رجال غريب شكلة مرعب مبهذل وهزل وضعيف ونظراتة تخوف وكالولي هذا ابوك وجانوا يريدوني اتقرب منة خفت اتقرب منة ومجنت مفتهم شنو القضية ووين جان وليش رجع هيج
امي جانت تبجي وعمي حابس نفسة بغرفتة مجنت مفتهم شي ومع ذلك خفت وماقربت عليه
عفيفة ،،،عدت عليه ليلة صعبة ماصارت مثلها وبس ابجي واختنك بالبجي ياربي شأسوي شنو حالي وهسة اني على ذمة منو ياربي دخيلك شنو هالمصيبة
ثاني يوم رجع عبد الباقي من الشغل الظهر ودخل لغرفتي وسد الباب اني وكفت على حيلي مستغربة
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
