بارت 37
سوزان،،،انصدمت وكوة لزمت نفسي جانت دمعتي على طرف عيني اعتذرت منة وطلعت مخذولة
نزلت على الدرج واني اشوف المطرب حاضن غيث ويهوسون ويغنون ومأججين الحفل توجهت لطاولتنا وكعدت رسمت على وجهي ابتسامة ضد الانكسار سألوني البنات شنو صاير شنو القصة
سوزان،،،همست صاير خربطة بجدول المواعيد وحفلتي مو اليوم الظاهر يابنات هسة الادارة اعتذرت مني
احجي وعيني على غيث الي صاير الكل بالكل بالمطعم وكل شوي يجيب اسمة المطرب ويقدملة التحايا
البنات،،،سوزان هذا مو غيث البياتي الي جان وياج بالمسابقة والي جان بينكم .. .
سوزان،،،اي هو ...يلا بنات نروح لو تحبون تبقون
البنات لاخلينا فدوة سوزان بقيت وياهم بس جنت راح انفجر واهز برجلي من التوتر جنت اسمع بنات خالتي يتغامزون ويتبسبون علية
غيث،،،استخطيتها جانت فشلانة ومزعوجة بس جانت خشم ومتكسر نفسها كلت هدي اللعب ياولد لتحرك الفلم 😁
نزلت من الستيج وبقوا الشباب يهوسون ويركصون جنت عركان نزعت سترتي وكعدت وجنت اعتذر من اي احد يريد ياخذ صور وياي
البنات الي وياها مارفعوا عينهم عني اجوي سلمو وطلبو مني صورة جانوا يتكلمون لبناني اعتذرت منهم كتلهم عركان وحالتي حالة ووعدتهم اذا يجون غير مرة اخذ وياهم
سوزان ،،،طفح الكيل يلا بنات خلي نطلع
من رجعت للبيت حبست نفسي بغرفتي وبجيت ليش هيج حضي دائما الي احبهم يطلعون مستحقون حبي لو اختياراتي غلط لو حظ ماعندي
هذا غيث بالرغم معرفتي بي بمدة قصيرة بس حبيتة ضعف حبي لداني حبي الاول وكنت متأكدة من حبة الي الا اذا جان ممثل بأمتياز وكدر يضحك علية
حسيت كلام اهلي صحيح مجان لازم اشتغل بنفس المكان الي يشتغل بي هذا الشي راح يأذيني ويتعبني شلون بية ووقعت العقد بشرط جزائي !!!
غيث،،،بيومها حجيت لسعاد
سعاد،،،هههه شكد خبيث لعد حرام عليك البنت غيث تنكسر ثقتها بنفسها
غيث،،،انتي لو شايفتها والله ولا تكسر كلبج خشم يابس وثقة عالية بس عليمن ههههه
سعاد،،،معاجبتني تصرفاتك ترة اني اشوف تحاجيها وتصارحها وتشوف رائيها انت بتصرفاتك هاي شنو تستفاد ؟؟
غيث،،،،والله متونس ودأتلذذ من اشوفها هيج
سعاد،،،غيث تحجي صدك مصدومة بيك
غيث،،،هههههههه سعودة ميجيج السرة ترة لتخافين انتي ام قلب الابيض الي اعشق طيبة كلبها
سعاد،،،،هههههه يبو من لسانك لا على شنو اخاف بس تذكر اني نصحتك بالمرة الاولى وماسمعت مني وخسرت الي خسرتة ودأنصحك مرة ثانية لتلعب هيج لعبة تضر نفسك لتنسى البنية ماوقعت مع صاحب المطعم ويعتبر عقدك مزور وتكدر تشتكي بعدين ولتنسى هية عدها الجنسية اللبنانية وهية الطرف الاقوة هنا
غيث،،،،يبوووو سعاد شبيج صلي على النبي راح توصليني بعد شوي لحبل المشنقى
سعاد،،،ههههه لا اسم الله عليك بس دأنصحك تعوف هالشغلة وتفكر مستقبلا
غيث،،،والله بس مجرد اريد اربيها واشوفها حجمها وانها صح اذتني بس بالتالي مااذت الا نفسها ولتخافين قريبا اصارحها واتلف العقد
تصبحين على خير نعست
سعاد،،، بعد وين رايح
غيث،،،تعبان والله سي يووو
سوزان،،،دخلت بفترة احباط وقضيتها كلة نوم واكل بعد حتى مااحب اطلع او اختلط
اتصل بية المدير واعتذر مني عن الي صار وطلب مني اروحلهم
رحت وانصدمت مخلين بوسترات اكبر واضخم لغيث
لا لهنا وبس اوي شنو من ادارة ومطعم هذا
دخلت لغرفة المدير وجان غيث كاعد يمة
كلي اتفضلي سلمت وكعدت
سوزان،،،طلبتوني استاذ ؟
المدير ،،،عدنا حفل خطوبة الخميس وطالبيكم العرسان بالاسم ويريدوكم تتواجدون بالحفل سوة
غيث،،،استاذ اني ماعندي مانع مع سوزان او مع اي كان ماعندي مشكلة
سوزان،،،شلون انقدم اني وغيث وغيث يعزف هادئ ورومانتك والحفل حفل خطوبة يعني لازم تكون اجواء فرفشة شوي مو لو اني غلطانة ؟
المدير اي راح تكون اكو فرقة كاملة بس تقدمون فد اغنية اغنيتين رومانسية والباقي براحتكم
سوزان ،،،اوك ماعندي مانع شنو يحبون نقدم شنو الي يعجبهم
نطاني الاغاني حتى احضرها وغيث هم اخذها وطلع
سوزان،،،قبل لا اطلع همست استاذ اني طلبت بوسترات منكم واعتقد هذا من حقي حالي حال الباقين
المدير ان شاء الله قريبا لان قيد الانشاء
طلعت وحضرت للحفل وكمنا نلتقي اني وغيث حتى ندرب جانت اكو غرفة تسجيل بالمطعم بيها سماعات واستريوات كبيرة كلش ووالالات عزف كنا ندرب بيها
غيث،،،جانت توكف يمي وتغني بأحساس من ضمن الاغاني كانت ع بالي لأليسا كانت تأديها بأبداع
سوزان ،،،كمت احس من خلال تعامل الموظفين مع غيث وكأنه المسؤول عن المطعم او شريك بي وجنت اريد اتأكد من هذا الشي لان اذا صدك مصيبة
صارت الحفلة وجانت كلش حلوة بس جنت اتضايق من تصرفات المعجبات مع غيث جرأئتهم وياه جنت اتسائل ياترة وين صارت زوجتة ست سعاد معقول جان كلامها صحيح وانتهت علاقتهم بوكتها ..... الله اعلم
