بارت 12
غيث،انصدمت بتصفيق الناس واعجابهم بعزفي فرحت كلش بداخلي
الموسيقار،ياعمي موهبة كتير حلوة ياسعاد شو هاد بيجنن وبرأئي يقدم على برنامج المواهب وانا اول الداعمين الو
حرام يحترأ فلموا بصالات الافراح والنوادي خلي انطلاقتو صاروووخ
سعاد،حلوو شنو رائيك غيث
غيث اكيد وياكم موافق طبعا
غيث ،من صعدنا لغرفتنا بالفندق جنت فرحان كلش مامصدك راح اقدم على برنامج المواهب الي اصداءة وصلت للعالمية
سعاد،جان غيث فرحان وكلة حماس وطاقة للأيام الجاية
غيث،اني صح فرحان بس متخوف بداخلي اذا رفضوني راح اتحطم و
سعاد،ابدا لتفكر هالتفكير خلي عندك ثقة بنفسك لتفكر ممكن يوافقون بية او لا بتجارب الاداء فكر انه راح اثبت نفسي واوصل للمراحل الاخيرة واخذ اللقب لهاي السنة او لا راح تحقق شهرة كبيرة صدكني من جنت طالب يمنا بالمعهد اتوقعتلك مستقبل زاهر تذكر؟
غيث ،هزيت راسي مبتسم
سعاد،ان شاء الله راح توصل لنجومية بشكل اسرع لان عندك اصرار وعزيمة والاهم من هذا كلة موهبة تخبل
غيث،سعاد مااعرف شأكولج بس فعلا احس انتي تنطيني دافع وقوة كبيرة مااعرف شلون اجازيج
سعاد ،ابتسمت الله اليجازي لتخيب املي
غيث ،ان شاء الله مااخيب املج
سعاد،يلا كوم فرش اسنانك ونام من وكت باجر ورانة كعدة من وكت حتى نزور اختي واعرفك عليهم والله المعين
غيث،اعرف الموضوع صعب عليج لذلك اني اشوف مدكوليلهم اني زوجج
سعاد،لا غيث اني انسانة واقعية وواضحة وميهمني اراء الي حوالية صح غلط الي صار لكن شي اضطرينا الة وبعدين مااكدر اضم هيج شي عن اهلي واحنا راح نسكن بيت واحد لا هيج موضوع مينضم واكيد معن راح يتصل بسهام فد يوم ويحجيلهم
كوم خلي نام والصباح رباح ربك يحلها
وفعلا كام غسل وبدل ومن خلة راسة على المخدة نام بسرعة كلت هنيالك شبسرعة مانمت
ظليت اتكلب مكدرت انام امور كثيرة جانت شاغلة بالي وافكر بيها
ثاني يوم كعدنا من الصبح ورحنا اني وغيث لمعرض السيارات
غيث ،تريدين تاخذين سيارة؟
سعاد ،اي مو افضل حتى نتنقل بيها براحتنا
غيث ،اها براحتج
جنت اباوع للسيارات تخبل واخر موديل جنت احلم بيوم تكون عندي فراري او جارجر
اخذنا سيارة موديلها وسط وزوينة
سعاد،نطيت السويج لغيث وكتلة من اليوم اعتبرها سيارتك هم وتنقل بيها براحتك وشوكت متحب
غيث،ركبنة وضحكت
سعاد،،ضحكت على ضحكتة وكلت شنو الي يضحكك
غيث،،،لا هيج اخاف احجي وتزعلين مني
سعاد،،،لا يابة احجي مو وكت زعل
غيث ،،،جنت احجي وية نفسي من اشتريتيها وكلت اذا كعدتني وهية الي كامت تسوقها فلا اركبها بعد بس ربج ميريد يصغرني هههه
سعاد ،،،ضحكت من كل قلبي لا اطمن عراقية واعرف تفكير العراقي بهيج امور
رحنا لبيت اختي وفعلا جنت شايلة هم شلون راح يتقبلون الخبر
دخلتا وجان استقبالهم حار كالعادة استغربوا من الشخص الي وياي
جانت بس اختي وزوجها وابنها وبنتها الصغيرة الي بالاعدادية وعدها بنية جامعية عمرها 22 سنة
حجيتلهم الي صار ويانة اني وغيث وجانت ردة فعلهم طبيعية وباركولنة بس حسيت زوج اختي كلش اتضايق بس حاول ميبين كدامنا
كمنا اني وسهام نحضر الغدة بالمطبخ
سهام ،،،سعاد انتي شلون تجيبي وتحطينا تحت الامر الواقع على الاقل مهديلنا الموضوع
سعاد،،،ماصار مجال صدكيني وبعدين شما اخفف هية صدمة صدمة اعرف
واليوم هو ثالث يوم لزواجنا
سهام ،،،وصار بينكم ....
سعاد،،،لا طبعا لا مصار شي ولا راح يصير سهام هية فترة بس وينتهي كلشي لكن معن الله يسامحة خلاني بهيج موقف
سهام. ،،،حضنتها سودة علية دومج تضحين لغيرج واخر شي تفكرين بي نفسج ضحيتي بحياتج وبشبابج وداريتي امي وابوية الله يرحمهم حتى بالاخر ترتبطين هيج ارتباط!!
سعاد،،،الحمدلله على كل حال اني راح استقر بلبنان واحتمال ماارجع للعراق كلفت دكتور هادي يسويلي تقاعد مبكر راح اشتري شقة والي يجيني اعيش بي تعبت من العراق ومن توفت امي الوحدة قتلتني ومعن ولا عبالك يمي بنفس المنطقة بالسنة حسنة اشوفة
سهام،احسن شي تسويه ياريت تلكين سكن قريب مني وبالنسبة لمعن اني اعتبرتة من زمان مات ومااحجي اكول عندي بس اختين
سعاد،،،الحمدلله على كل حال شنسوي هاي قسمتنة
غيث ،،،احنا وكاعدين اجتي شابة كلش حلوة وجانت الظاهر بنتهم الجبيرة سلمت وراحت
حنين ،سلمت على خالتي ورحت اغير ملابسي
طبت حلا همست ولج حلا منو هذا الحليوة ابو شنب الي مع خالتي سعاد
حلا ،،لج سكتي هذا زوجها 😂
حنين ،لا لدكوليها كل عقلها خالتي ماخذة شاب يطلع بكد ابنها لو متزوجة قبل؟؟
شجاها تخبلت خوما تخبلت
حلا،لا ولج خطية خالي معن جابرها على الزواج
حنين ،،هذا خوش حجي خالي معن خوش يجيب عرسان لو هيج الزيجات لو بلة ههههه
حلا،ولج لتسمعج خطية وتتحسس
خلي نروح نفتهم قصتة قصة يكولون يعزف ويريد يقدم على برنامج المواهب
حنين ،خلي احجي مع الحب مالتي الي هو خطيبي والحقج لان مااشفتة اليوم ممداوم
حلا ،اوك
غيث،كعدنة نتغدة حسيت زوج سهام ممستهضمني ويباوعلي بطرف عينة
&
&
#رواية_يعزف_على_اوتار_قلبي 😻🦋
بارت 13
حنين وحلا ،،،كضينة الغدة نتبسبس ونضحك على خالتي والكتكوت الي بصفها اوووي شكد نشاز على بعض
حنين ،،،عود فدوة مو بس كتكوت خجول هم
حلا،،، اششش ولج كافي منا العالم عيب كافي تصنفين على الولد وتخلينا نضحك خطية راح ياخذ على نفسة
سعاد،،،من بعد ماتغدينا وجان ابو مؤمل زوج اختي وجهة شوي ثكيل قررت ااطلع حتى ادور على سكن
سهام،،من بعد ما طلعت سعاد وينهد بية ابو مؤمل اختج هاي مخبلة صاحية عود اني جنت اشوفها بالعين الجبيرة
تالي جايبتلي شاب من جيل اولادج والله اعرفكم هذا زوجي بلة مستحت على نفسها
سهام،،،اعصابك عيني سعاد انجبرت على هالوضع واعتقد انت سمعت الي حجوه اثنينهم
ابو مؤمل ،،،انتي هم صدكتي هالافلام اكو ظل احد ينجبر على الزواج ومو اي احد الأستاذة القديرة الفاهمة الواعية سعاد
عمي امبين ضحك على عقلها وداخل على طمع ويريد يوصل ويعلى براسها
سهام،،،لا مااتصور هيج الموضوع ابو مؤمل امبين على الولد ابن حلال وماعندة هيج شي
ابو مؤمل ،،،،اكيد هيج شكيلات ماراح يبين عليهم ولا جان ماانضحك على اختج وهية بهيج سن !!!
غيث،،،جانت مزعوجة سعاد من طلعنا من بيت اختها وظلينا نفتر على سكن واخيرا لكنا شقة مناسبة من غرفتين صالة وحمامات ومطبخ وسعرها مناسب كلش
اشترتها وسجلتها بأسمي
غيث،،،هاي شنو سعاد ليش هيج سويتي
سعاد ،،،افضل حتى اخلص من الضرائب لان السيارة صارت بأسمي
وبعدين ماكو فرق وهاي الشقة مؤقتة اذا الله رزقك وصار عندك عود اشتريلي شقة ارضية لان هاي دور ثالث واني مفاصلي مااكدر اصعد وانزل والعمارة الظاهر المصعد مالتها عطلان
غيث ،،،ان شاء الله اوعدج اذا الله رزقني وصار عندي لأرجع كل فلس خليتي علية
سعاد،،،الله كريم ان شاء الله
بس هسة خلينا نجيب اغراضنا من الفندق ونتعشة
سعاد،،،جانت الشقة يرادلها تنظيف وشوي ترتيبات اتفقنا نبات بالفندق ومن الصبح نتوجه للشقة تعشينا
وكعدت اقرأ رواية كانت بعنوان يعزف على اوتار قلبي اندمجت وياها وكنت انتظر النهاية لأنها مشابهة لقصتي وجنت من اندمج بالقراءة بحيث انسى عالمي الواقع واسرح بعالم خيالها
انتبهت على غيث ديتكلم مع عمة ويطمن على والدة جان متأثر وملامحة تغيرت سد التلفون وبقى صافن مهموم
سعاد،،،نزعت نظارتي خير غيث شبي عمك ؟؟
غيث،،،عمي ديكلي والدي مريض وبالمستشفى والاعمار بيد الله
سعاد كمت وكعدت يمة همست ان شاء الله يكوم بالسلامة ويشوفك نجم كدامة
غيث ،،،اختنكت وضحكت وهمست بأستهزاء هو اصلا يعرفني حتى يشوفني نجم ابوية من وعيت لدنيا ماشايفني ولا يعرفني لان جان اسير ومن رجع ورة 12 سنة جان فاقد عقلة مريض وخنكتني العبرة بس مع هذا اتمنى اشوفة كدامي حتى وان كان فاقد عقلة وميعرفني بس كون بصحة وعافية
سعاد ،،،تأثرت بكلامة فعلا الفقدان شي صعب خليت ايدي على ظهرة وحاولت اطبطب عليه واواسي تفاجأت بحضنة غيث المفاجأة الي
غيث ،،،همست وراسي على كتفها سعاد اني مااتذكر حاضن والدتي قبل بس صدقيني احس احساس غريب تجاهج احس نفسي بحضن عفيفة صح مابيج شي يشبها بس حنيتج واهتمامج بية يخليني اشوفها بيج لان مااتذكر احد اهتم بية من بعدها الا انتي
سعاد،،،ابتسمت وكلامة واحساسة وتفكيرة ريحني الله يحفظها الك ويجمعكم على خير
غيث ،،،بعدت عنها واعتذرت منها مااعرف شجاني صدكيني
سعاد،،،لا عادي مصار شي اعتبرني بمقام والدتك والله يطمنك على والدك
رجعت لمكاني اتصفحت شوي باوعت لغيث نايم بسم الله كمت اضحك هنيالة مااحسدك بس هالشي بس يخلي راسة على المخدة ينام واني ابقى ساعات حتى اغفة
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
