بارت 8
مرت الايام وتخرجت بس ياريتني متخرجت اقلها جنت من اداوم بالمعهد اتمتع بالعزف والتدريب واستفاد واقضي امتع الاوقات من تخرجت مااجتني اي فرصة عمل وظليت مع عمي اشتغل بالحدادة واخذت كل وقتي وكمت بس بأوقات فراغي اعزف بالليل احيانا قبل لا انام
عمي هو واطفالة بالبيت وجان امفكر يتزوج اني جنت مقرر اذا تزوج عمي اترك البيت واشوفلي سكن فكرت ادور على والدتي لان مشتاقلها كلش واحس شما دارت السنين وشكد ماكبرت ماكو احن ولا آأمن من صدرها ولا اجمل من حنانها
بس مجنت محتفظ برقمها ولا اعرف شي بالحلة يوصلني الها
ومرة من المرات دألحم بباب جبير ومرت من يم المحل سيارة منتبهت على الي بي
وجنت منطي ظهري باوعت ولا ست سعاد مصدومة ودكولي شدتسوي غيث هنا. !!!
ست سعاد،،،جنت افتر بسيارتي بأحدى الشوارع العامة ادور على فيترجي وبنفس الشارع لمحت غيث انصدمت انت شدسوي وشجابك هنا
غيث،،،فرحت بشوفتهاكلش وارتبكت ايديوصخة جانت ومكدرت اسلم عليها وانحرجت اكثر لأني جنت بالفانيلة القلع الداخلية وبنطرون كوبوي جبتلها كرسي وكعدت همست شأسوي ست مااجتني فرص عمل وانتي تعرفين المواهب بالعراق شلون تندفن
ست سعاد،،،شنو هالحجي غيث لدكلي عفت العزف وموهبتك ؟؟؟
غيث ،،،جبتلها مي وهمست بأبتسامة ماعفتة ست العزف بدمي بس دأعزف بأوقات فراغي بالليل اكثر شي
شربت مي وتأثرت وبقت مدنكة وكالتلي بعصبية بدون تفكير انت مالازم تبقى بالعراق لازم تطلع وتنجح وتوصل موهبتك للعالم اجمع
غيث ،،،شلون ست واني.....
ست سعاد،،،لتتبسبس ولتتعذر ولازم تجيني للمعهد باجر
غيث ،،،ابتسمت ودرت وجهي
ست سعاد ،،،وكفت وكلت لتستهزء غيث باوعت لأيدة المشحرة وهمست مو حرام هاي الايد الي تنلف بالحرير هيج تكون ابني انت مستقبلك زاهر وراح تحقق نجاحات كبيرة
واني راح اساعدك واوكف بسدك واسندك واوصلك لو مهاما كلفني هذا الشي
غيث باوعتلها بأستغراب معقولة اكو هيج ناس فعلا انسانة عضيمة واني لو امي موجودة متوكفلي هالوكفة
رحتلها ثاني يوم من بعد ماظليت افكر واباوع لوضعي اني شنو ظلي بالعراق ووين اعيش اذا تزوج عمي وشلون اعيش وادبر نفسي باوعت لموهبتي الي راح تندفن باوعت لأحلامي المكبوتة
غيث ،،رحت لست سعاد ثاني يوم من بعد ماطلبت مني اجيها للمعهد ومن بعد مافكرت بوضعي اني شنو ظلي بالعراق ووين اعيش اذا تزوج عمي وشلون اعيش وادبر نفسي باوعت لموهبتي الي راح تندفن باوعت لأحلامي المكبوتة
وقررت انه اطلق احلامي عنان السماء ومااخليلها سقف محدود من بعد مادخلتني وكعدت
ست سعاد،،،غيث انت لازم تطور موهبتك وتسقلها ومتظل بالعراق الي ماتت بي هواية مواهب وماشافت النور
غيث،،،اتمنى ست بس شلون اني مابحياتي مسافر منا لهنا ولا اعرف شنو اسوي ولا وين اروح
ست سعاد،،،يعني موافق تسافر ؟؟
غيث،،،طبعا لان ماكو شي يربطني بالعراق بعد واريد اشوف مستقبلي وانتي اكثر شخص ممكن يساعدني
ست سعاد،،،اوك غيث ان شاء الله اكدر اساعدك بالي اكدر عليه
عندك جواز؟؟
غيث،،،لا بس مو صعبة اكدر اطلع بهل فترة
ست سعاد ،،،ان شاء الله خير بس خلي ارتب وضعي هالفترة واحجز لبنان وعندي معارف كومة هناك موسيقين واساتذة مرموقين يكدرون يساعدونة
غيث ،،،اتشكرتها وجنت طاير من الفرح سويت جوازي وخطب عمي وجان مقبل على الزواج حجيتلة وجان مموافق بالبداية بس شاف اصراري واضطر يوافق بس جان مصر انه اروح لوالدتي واسلم عليهاوانطيها خبر على الاقل لان تظل امي كتلة ان شاء الله مريت لخوالي الي ماعرفوني اصلا من عرفتهم بنفسي جانوا يتكلمون وياية بحدية وكالولي شجابك حاولت اعرف منهم عنوان والدتي
طردوني وكالوا لا انت ولا امك بيكم خير وكعنا بشدة وكمنا نجدي وخيرها طامرها مافكرت توكف ويانة وتساعدنا
&
&
&
#رواية_يعزف_على_اوتار_قلبي 😻🦋
بارت 9
غيث ،،،ليش انتو شوكت وكفتولها دتوكفلكم ماعرفتوا ان الله حق الا من فلستو تذكرتوا عفيفة من صار براسها خير كامت تعلى اصواتنا والعالم كامت تفاكك بينا رجعت للبيت مخنوك ياربي شوكت اخلص من العراق وهالمنطقة وكل قهري وضيمي الي شفتة هنا
رحت ثاني يوم لأبوية بالدار وجان كالعادة بغير عالم لا يعرفني ولايميز شي خليت كل العندي بالدار ووصيتهم بي وبكلشي يحتاجة وجان عمي هم ميقصر وياه
رحت لست سعاد وجان بغرفتها دكتور هادي مدير المعهد وموسيقار كبير وديتناقشون بسبب اجازة ست سعاد
دكتور هادي ،،،اتفضل غيث اكعد
غيث ،،،كعدت على كرسي كبالة اشكرك دكتور
ست سعاد،،،كملت جوازك غيث ؟
غيث ،،،اي نعم استلمتة البارحة
دكتور هادي،،،فكري ست سعاد اني مااكدر انطيج اجازة سنة كاملة ومااكدر استغنى عنج المعهد بدونج يضيع
ست سعاد،،،سبق وتناقشنا بهل موضوع وكتلك غيث ماراح اتركة وبس ينجح ويوصل ويكدر يشق طريقة وكتها عود ارجع وبعدين اني مفكرة اقدم تقاعد مبكر لان تعبت واريد اهاجر وحاليا اختي هناك واريد اغير جو يمها
دكتور هادي،،،وبالنسبة لأخوج دكتور معن شلون حتصرفين وياه وهو رافض سفرج بهل طريقة
ست سعاد ،،،اني اعرف شلون اتصرف وياه
غيث ،،،جنت كاعد اسمع حجيهم والي فهمتة اكو ضغوط هواية على ست سعاد
بهاي الاثناء اندك الباب ودخل رجال خمسيني وشكلة هيبة ولابس نظارة طبية رحبوا بي ووكعد سمعت دكتور هادي يكلة دكتور معن استنتجت انه اخوها لست سعاد
جان يخزرني من يتكلم حاولت استأذن واتركهم ماخلوني جان الظاهر العلاقة مو طيبة بيناتهم
دكتور معن ،،،هذا العينتين الي راح تخسرين اسمج وشغلج علمودة
سعاد،،،لا مو علمودة بس اني هم تعبت منكم ومن مشاكلكم وصار الوكت الي ممكن ارتاح بي امي وتوفت الله يرحمها
دكتور معن،،،وشنو يسفرج ست سعاد مع شاب بوحدكم ادري لا حاسبة حساب لنفسج ولسمعتج احسبي حساب لسمعتنة
ست سعاد،،،احترم نفسك معن اني محترمة نفسي كلش زين واعرف حدودي
دكتور هادي ،،،طولوا بالكم ياجماعة احنا بمكان عام وميصير تعلى اصواتكم
ست سعاد،،،من الاخر معن شنو رايد مني البيت الي سجلتة امي بأسمي مااتنازللكم عنة لو تلوح السما بأيدك
دكتور معن،،،سفر ماكو لأي مكان وبيناتنا المحاكم
دكتور هادي،،،صلو على النبي يمعودين كولوا ياالله مو هيج تنحل الامور
معن ،،،هية تعرف شلون تنحل الامور والغلط واضح وضوح الشمس
سعاد،،،شنو الغلط بالموضوع معن
معن،،،سعاد مدكوليلي انتي شنو يخصج بغيرج ماخلصنا من هبة حسان الي ظليتي وراها وصرفتي العندج والماعندج حتى توصليها ومن وصلت نكرت فضلج عليها وبيوم ماوصلت ماذكرت اسمج ولا جنها تعرفج بيوم
غيث ،،،اختنكت ست سعاد ودنكت اني وكفت وكتلها ست جزاج الله خير وماقصرتي وياي مااريد اسببلج اي مشكلة بسببي اني اترخص .....
سعاد،،،لا غيث لتروح صدكني مو انت سبب المشكلة اني اعرف شنو يريد معن وباوعتلة معن من الاخر احجيلي سبب جيتك للمعهد شنو ؟؟؟
معن ،،،سفر ماكو
سعاد،،،لا معن اني حرة نفسي ومااعتقد من بعد هالعمر الك سلطة علية
معن،،،لا سعاد غلطانة انتي من تتصرفين غلط متكونين حرة نفسج واذا كنتي مصرة على السفر فالي شروط
سعاد،،،تكتفت وكتلة انفضل شنوشروطك؟؟
معن،،،انتي تبنيتي مواهب قبل هالمرة بس جانوا بنات واني اعرف الوضع راح يتغير حاليا مع الاخ فأفضل يكون سفركم رسمي ويعقد عليج وان كان حبر على ورق حتى نخلص من القيل والقال واقلها نكون مطمنين عليج
سعاد،،،،شنوووووو!!!!! شدتحجي معن كل عقلك عمري 50 سنة اكبر منة ب25 سنة !!!
غيث،،،،اني مصدوم رافع حاجبي ومامصدك الي دأسمعة!!!!
غيث ،،،،بقيت ساكت مصدوم مااعرف شنو اجاوب وشنو احجي
جانت ست سعاد مامصدكة حجي اخوها ومحرجة من الي سمعناه
معن ،،،ماسمعنا جوابك استاذ غيث ؟
غيث،،،بقيت ساكت
سعاد،،،معن انت كل عقلك دتحجي بشبابي مافرضتوا علية ارتبط حتى هسة تفرض عليه اتزوج وبطالب عندي اصغر مني ب25 سنة!!!
معن،،،ماجنة نفرض عليج لأن جنتي دارين بالوالدة الله يرحمها وجنتي مقبلة على الحياة ودراستج ومعهدج ماخذ كل وقتج بس دأشوفج بالفترة الاخيرة تصرفاتج غير مسؤولة وراح تأذينا وتأذين نفسج
غيث،،،همست بدون وعي اني ماعندي مانع ارتبط بست سعاد
سعاد ،،،انصدمت وباوعت لغيث
معن،، طبعا توافق وين تلكة كل هالخير والعز وراح توفرلك كل السبل حتى توصلك لنجومية
غيث،،،وكفت وكلت انت صدك مااعرف شلون تفكر بس والله غير الدعم المعنوي من ست سعاد مااريد وصح هية اكبر مني بس انسانة كلش عضيمة واي شاب بالدنيا يتمنى يرتبط بأنسانة مثلها
معن ،،،جيد ماطول الحجي صار هيج اريد مقابل زواجكم تتنازليلي عن بيت العائلة الي كتبتة امي بأسمج
سعاد،،،،نجوم السما اقربلك معن اني اعرف كل لعبتك من البداية على البيت تريدني اتنازلك عنة وتزوجني حتى تخلص مني وهاي حركات خوفك علية وعلى سمعة العائلة بطلها
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
