بارت 10
دكتور هادي،،،،طولوا بالكم الله يخليكم اذا تسمحولي انطي رأئي بهل موضوع واتمنى متعتبروه تدخل مني
سعاد كلام دكتور معن منطقي بغض النظر عن فرق السن والفروق الباقية بينج وبين غيث لكن اشوف الحل الانسب الكم اثنينكم انه ترتبطون وان كان حبر على ورق حتى تتخلصون من القيود الي ممكن تعيقكم بهواية امور وغيث اعرفة كلش زين شاب خلوق وشهم وراح يحافظ عليج ويداريج بكد حرصج عليه وعلى ايصال موهبتة
سعاد ،،،بقيت مدنكة افكر ومحتارة كومة امور بالي وصارت ضغوط علية كبيرة وافقت بس بشروط انه البيت ابيع نصة لمعن ومااتنازل عنة هيج لان اني هم محتاجة سيولة واريد اشتري شقة بلبنان
وافق بدون تردد معن
غيث ،،،اتفقنا نعقد باجر لان بعد باجر نسافر من طلعت من المعهد جنت اتمشى بالشوارع واكول كل عقلي اني شنو سويت شلون وافقت!!!
وكمت احاجي بروحي ست سعاد فعلا الف واحد يتمناها صح فرق العمر كبير بس راح اتجاوزة لان هية اكثر شخص يفهمني بهل دنيا ومؤمنة بموهبتي وراح توصلني لنجومية
بس قررت مااحجي لآهلي عن هذا الموضوع
ثاني يوم عقدنا وحتى القاضي جان مستغرب من زواجنة وعلامات الاستغراب واضحة عليه وتنازت عن نص البيت ونطاها المبلغ كاش
معن ،،،مبروك ياعروسة تكدرين تاخذين عريسج لبيتج اليوم ههههه
سعاد ،،،اباوعلة وبعيوني حقد وكره الة مينوصف
جان معن ابن عاق وتوفت والدتي وهية مراضية عنة وحرمتة من حقة بالبيت جان يكرهني ويغار مني وهسة ضرب عصفورين بحجر واحد اخذ نص البيت وخلص مني ومن همي وزوجني لطالب عندي محرجة حتى اخلي عيني بعينة
راح معن وركبنا اني وغيث السيارة بدون منحجي اي كلمة
جانت وياه جنطة ملابسة لان باجر سفرنا
غيث ،،،نزليني هنا ست سعاد اني راح اتمشى للفندق اجر غرفة ابات بيها اليوم حتى باجر ان شاء الله من الصبح مسافرين
سعاد،،،اول شي ناديني سعاد بس
وبعدين ليش تأجر نبات بيتي ونطلع من الصبح ان شاء الله
غيث،،، جنت منحرج بالبداية رحنة بتنا بيتها الي تنازلت لنصة لمعن جان حلو وضخم وبمنطقة جدا حلوة
باتت بغرفتها وواني بتت بالصالة ومن الصبح كعدت على صوت المطبخ دتسوي ريوك دخلت للحمام وغسلت وبدلت ملابسي لمحتها لابسة دشداشة لاهية قصيرة ولا هية طويلة وشعرها قصير وعكش
كعدنا نتريك وسألتني عن عائلتي وحياتي وحجيتلها قصتي
سعاد،،،احنة 3 بنات وهذا الاخ الوحيد النا وحدة مهاجرة بكندا ووحدة بلبنان والاخ الوحيد العاق معن
طماع اناني وماعندة ذرة احساس ومابحياتنة حسينة عدنا اخ او ظهر نحتمي بي جان ميفكر بس بنفسة
خواتي تزوجن من صغر واني لكت نفسي مع اب مقعد وام مريضة داريتهم وبين دراستي ومداراتهم نسيت نفسي وشبابي مجان للرجل اي دور بحياتي ولا راح يكون الة ان شاء الله
غيث ،،،باوعتلها بأستغراب !!
سعاد،،،ابتسمت لتزعل مني بس اني انسانة عصامية بنيت نفسي بنفسي ومتعودت يكون للرجل دور بحياتي وكلت ولا راح يكون لان بطبيعة الحال احنة تزوجنة تحت ضغوط واكيد هيج زواج باطل مو عن اقتناع وموافقة الطرفين فأني انسانة جدا عملية وواقعية اريد اتكلم معك بصراحة
اني مااصلح اكون الك زوجة ولا بيوم اكون ام وانت مستحيل راح تكفي عمرك مع وحدة مثلي اكيد راح تلتقي بشريكة حياتك لذلك راح نعيش سوة وراح اكون وياك خطوة بخطوة وعندي عزيمة واصرار تخليني اريد اشوفك نجم لامع بأي طريقة بأي وسيلة
لذلك راح نحاول نتعايش سوة حتى يكون النجاح حليفنا
غيث. ،،،،جنت اباوعلها وصدك اثر بية كلامها مدتلي ايدها وتصافحنا ووعدنا بعض انه ننجح ونكون ايد وحدة وجان حجيها نوعا ما منطقي
كمنة حضرنا نفسنا واتوجهنا للمطار من بعد ماسلمت السيارة مالتها لصاحبها لان جانت بايعتها قبل بيوم
انتظرنا بالمطار ساعتين تقريبا
&
&
&
#رواية_يعزف_على_اوتار_قلبي 😻🦋
