بارت 43 النهايه
غيث ،،،بالرغم سعاد تركت فراغ كبير بحياتي لان جنت احسها ظلي ومااتقيد احجيلها اي شي حتى نزواتي ومغامراتي جنت مااتقيد احجيها الها جانت تفهمني والوحيدة الي تحل مشاكلي لان جانت حكيمة وفاهمة وواعية عكس سوزان الي جنت وياها صح بعالم ثاني دلال وحب وغزل حياة زوجية متكاملة لكن كانت تدلع زايد وتغار كلش وكل يوم مطلعتلي قصة يوم على ملابسي او اذا تأخرت او اذا صورت او جاملت اي معجبة وتعبتني شوي وكانت وكأنها طفلة والي تريدة لازم يصير ومتتناقش
بقيت على تواصل مع سعاد وماكطعت لو يوم وجانت دائما تزورنا من بعد مارجعت والدتي وزوجها للعراق
وجنت احجيلها عن اي مشكلة تصادفني واخذ رائيها بكلشي وحتى مع مشاكل الي تواجهني مع سوزان كانت تدخل سعاد وتحلها
سعاد،،،لمحلي استاذ الموسيقى ومدير المدرسة بالارتباط بالبداية رفضت لان مجنت مستعدة نفسيا وجسديا لعلاقة ثانية لكن كثرة الحاحة خلاني افكر بالموضوع وجنت مترددة
مجان امامي الا غيث اتصلت بي والتقينا بمطعمة حجيتلة وصدمني غيث برفضة بأنفعال
غيث،،،سعاد اذا انتي مفكرة بالارتباط بعدين ليش تركتيني وخليتيني اطلقج
سعاد،،،غيث هذا الموضوع سبق وان حجينا بي وصفحة وطويناها
غيث،،،سعاد انتي تريدين ترتبطين بي ؟؟
سعاد،،،مااعرف غيث محتارة لذلك اجيت عليك انت اكثر شخص تعرفني وتعرف انه اني ماالي قابلية وماارهم زوجة لانه خلفة مااخلف بس استاذ ناجي ارمل واولادة متزوجين ووحدة عايش نفس حالتي واستاذ موسيقى يعني يشبهني واكو هواية اشياء مشتركة واهم شي نفس عمري ويفهمني
غيث،،،دنكت مااعرف هذا الشي يرجع الج
تضايقت كلش وكمت اتحجج واصارخ على العمال مجنت اريد اسمعها بعد ولا جنت احب احجي بعد بالموضوع
سعاد،،،اترخصت منة ورجعت لبيتي كنت محتارة اختي وزوجها واولادها شجعوني وكالولي استاذ ناجي جدا مناسب الج ولسنج ولمستواج الاجتماعي فكرت بالموضوع هواية واستاذ ناجي جان متمسك بية وافقت
واتصلت بغيث
غيث،،،،شفت رقمها طلعت من الغرفة ونزلت جوة انصدمت بسعاد تريدني اكون موجود مع زوج اختها حتى يطلبها منا استاذ ناجي غمضت واخذت نفس شفت من غير العدالة انه ارفض وهية الي خطبتلي سوزان كتلها ابشري والله يسعدج ويتمملج على خير
رحنا بيوم الخطوبة اني وسوزان وجنت احس عبالك ديشاركني ناجي بأعز شي الي بالحياة جنت اباوعلها واحسها تصطنع السعادة ومع ذلك كنت اتمنالها هاي السعادة ودعيتلها من كل قلبي انه ترتاح وتستقر
سعاد،،،،تزوجت ناجي وجان طيب وحساس كلش ومثقف وفاهم الحياة لكن جان عكس غيث تماما جدي بالحياة وصامت من النادر ان يتكلم لكن جنت مرتاحة ويا والمودة والاحترام متبادل بيناتنة
سعاد،،،ورة فترة من زواجي اتصلوا بية من العراق وبلغوني انه معن انجلط بسبب انه حجزوا على العمارة من بعد وكعت على ساكنيها لانه طلع اكو غش بالبناء والمقاول متلاعب بالاساسات
جان على الخط يسمعني ويبكي ويتأسف مني سامحتة بدون ماافكر لانه بعمر الدم ميصير مي ورب العالمين يمهل ولا يهمل وانه حقي بالحياة وصلني والله يعينة على تأنيب الضمير لانه المظلوم امره عظيم عند رب العالمين
ظلينة على تواصل احنا وعائلة غيث وغيث ماقطعني لو يوم دائما كان السند والظهر الية وبأزماتي دائما اول الناس الكاه وكذلك اني كان ناجي متفهم انه غيث اخ وصديق الي وجان يعزة ويحترمة بعكس سوزان الي جانت تتحسس في بعض الأحيان من علاقتنة لان جانت تغار عليه من الهواء الطاير وجنت اتفهم هالشي وعاذرتها
مارزقهم رب العالمين بأطفال الا ورة 3 سنين ولكن شاءت الاقدار انه يرزقون بطفل عندة شلل رباعي تعب غيث وياه وسوزان ايضا عانت واثر هذا الشي عليهم وبعد 4 سنين حملت سوزان مرة ثانية واتذكر غيث خابرني محبط متخوف انه رب العالمين يرزقة بطفل يعاني نفس المعاناة لكن الحمدلله كانت بنت حلوة كلش وسموها شمس لعلها الشمس الي تنير لهم ظلمات الحياة
النهايه
&
&
&
#رواية_يعزف_على_اوتار_قلبي 😻🦋
