بارت 22
سعاد،،،ثاني يوم المغرب اجى اتصال لغيث حسيتة بهت وتغير لونة
غيث،،، اتصل بية عمي وجانت والدتي يمة وحاجيلها كلشي عني انصدمت شذكرها بية وشجابها علية وتقريبا صار سنين ممتواصلة وياية وقطعت اخبارها عني نطانياها عمي جنت مغمض واني احاجيها واكول بكلبي يااااه يايمة شكد محتاجلج وشكد اتمنى اشوفج
طمنتها علية ومابطلت دعاء الي ووعدتها اول ماانزل للعراق اروح يمها
وعمي نطاها رقمي وحتى سلمت على زوجها حجي موسى
من سديتة بقيت كاعد وصافن دخلتلي سعاد
همست امي تعرفت علية من البرنامج وخطية صايرة حالتها حالة ولوما بعد اسبوعين تسجيل المرحلة الثالثة جان نزلت للعراق لان فعلا مشتاقلها
سعاد،،،الله يجمعكم على خير انت ركز واتعب على حالك ولتفكر بشي ثاني وان شاء الله كلنا نشجعك ويهمنا نجاحك
طلعت من غرفتي وكانت تعبانة ودايخة
غيث،،،لحكتها انتي تعبانة كلش بيج شي تشكين من شي ؟؟
سعاد كعدت بالصالة على القنفة واتجيت عليها همست لا مابية شي شوي دوخة بسيطة
غيث،،،اخذتي علاجج ؟؟
سعاد،،،اخذتة بس لان قوي واخذتة بلا اكل احتمال سبب عندي دوران وتعبت
غيث،،،كاعد كبالها ادري ليش مااكلتي سعاد ميصير هيج
كمت ونزلت جبت اكل من المطعم وغصبتها تاكل واكلت بس ظل بالي مشغول عليها اصريت انه اوديها للحكيم على كولة اللبنانين وديتها والدكتور كال نتيجة ارهاق وتعب عدها هبوط بالسكر
غيث،،،حسيت بالذنب وداريتها وكأني اداري طفل وجانت تلح علية حتى ادرب ورة 3 ايام اتصلوا بية الاعداد والا اطمنت عليها يلا نزلت
سعاد،،،جان اجمل مابي حنين واهتم بية بصورة مامتعودة عليها سابقا وداريني وكأني طفلة وجان حتى بكومتي وكعدتي وبنزلتي وبصعدتي يساعدني وموعد علاجي ميفوتة وحتى اذا جان طالع يتصل بية ويذكرني بي
جنت اذا اروح ازور بيت اختي ميوافق ابات يمهم ويكلي احس الشقة موحشة بلياج واختنك بيها
غيث،،،من طلبوني الاعداد ورحت جانت موجودة سوزان وديتفقون على اغنية تآديها سألوني اذا جان عندي مانع انه نتشارك مثل الحفل الماضي ونأدي سوة
غيث،،،،لا ابدا ماعندي مانع باوعتلي سوزان همست وبدون اي شروط نأدي الفقرة سوة ابتسمت سوزان
رجعوا يتفقون كانت حايرة بأختيار الاغنية
غيث،،،سوزان ليش كل اختيارج حزين انتي لازم تتلونين وتغيرين هم جمهورج يمل لازم تغيرين
سوزان،،،احساسي بالحزين يكون اصدق ويصل للجمهور ومااشوف نفسي الا بهل لون
غيث،،،لا بالعكس اني اشوف صوتج حلو وقوي وميصعب عليج اي لون
سوزان،،،خايفة اجازف
غيث،،،مااعرف بس جربي معانا اسبوعين واذا تحتاجين اي شي اني وياج ومراح اقصر ان شاء الله
وكتلها اذا اقتنعت بأغنية محددة تتصل بية حتى نبدي نتدرب
غيث،،،جنت دائما اتواصل مع امي وفهمتها اني ساكن بشقة مع اصدقائي حتى ليظل بالها
جانت دائما تسألني اذا محتاج فلوس حتى دزلي جنت اكوللها مااريد الا اشوفج سالمة وراضية عني
رجعت للبيت وحجيت لسعاد الي صار وياية لاني كنت احجيلها كلشي وكنا نتناقش بهواية امور
اتصلت سوزان وكالت اني فكرت بالموضوع وراح اجازف واغني غير الحزين بس مو عارفة شنو اجرب وشنو الي ممكن يرهم لصوتي وطبقتي
غيث،،،باجر ان شاء الله نلتقي بالاستديو ونحاول نفكر سوة
سوزان ،،،اشكرك اوك باي
غيث ،،،وثاني يوم رحت للأستديو وشفت سوزان تنتظرني اسف تأخرت عليج
سوزان،،،لا عادي مصار هواية من جيت اصلا مكدرت انام متوترة
غيث ،،،لا يمعودة على شنو التوتر اصلا صوتج رائع ومتمكنة
سوزان،،،بس مامجربة اغني غير هاللون الي تعودت علية
غيث ظلينا نتناقش ووقع الاختيار على فيروز—كيفك انت وفعلا جان صوتها ساحر بي بس جانت صعبة علية ولازم ادرب عليها اكثر لان على البيانو
كنت اذا اخربط توقف كلشي وتخلينة نعيد من جديد ودقيقة ومتقتنع
سوزان،،،جان كل شوي يتصل مااعرف بمنو ويطمن عليها اذا اخذت العلاج او اذا تغدت او....الخ
غيث ،،، ومن غابت الشمس تعبت سوزان ترة اصابيعي شكلت منوين الله جابج علية خلي نرتاح راح تغيب الشمس وباجر نكمل 😢😥
سوزان،،،،هههههه اسفة معاك حقك ان شاء الله باجر نكمل
غيث،،،سلمنة على الموجودين وطلعنا جانت تريد تتمشى واصريت اوصلها
سوزان،،،اني مختنكة واحب اتمشى بهيج وكت
غيث ،،،وحدج تتمشين وبهيج وكت
سوزان،،،اي وشنو يعني ترة مو بالعراق احنة هههه
غيث،، اقصد من بعد ماانشهرتي لازم تتغير هواية امور وبعدين انتي مو كتيلي عايشة بلبنان من صغرج بعني مزايرة العراق مو؟؟
سوزان ،،،لا قضيت طفولتي كلها بالعراق واجيت لبنان عمري 14 سنة بس متابعة لوضع الامني هناك ومطلعة عليه
غيث،،،اخذتني السوالف وياها ونسيت نفسي جنت اتمشى وبعدت كلش عن السيارة ضحكنة على الموقف وكتلها خلي اوصلج وارجع للسيارة
سوزان،،،انت وحدك بلبنان شو مشفت اهلك وياك لحد هسة
غيث،،،اهلي بالعراق
سوزان،،،والمدربة الي تكون معاك دائما شنو تقربلك
غيث،،،اممممم المدربة ها تكون خالتي
وبكلبي كلت شجاني جذبت
سوزان،،،اها الله يخليكم لبعض تخاف وحريصة كلش عليك
غيث،،،اشكرج ....اي صحيح هية تظل شايلة ه
مي
سوزان،،،ممرتبطة خالتك ؟؟
غيث،،،شلون !!
سوزان،،،اقصد يعني عدها عائلة او التزامات لان صارلها اكثر من شهرين وياك لو جايبة عائلتها وياها؟؟
غيث،، لا هية ممرتبطة وبس اني وياها جينة هسة عوفج من خالتي
وخلينا بيج بصراحة عندي فضول اعرف شنو سر الحزن الي بصوتج وملامحج؟؟
سوزان،،،دنكت وتغير صوتها وهمست مااحب احجي بهل موضوع
غيث ،،،اوك براحتج
سوزان،،،اني قربت لبيتنا بذاك الشارع ارجع لسيارتك غيث واشكرك
غيث،،،ولو ادللي ،،،،يلا مع السلامة
من رجعت تندمت لان سألتها كلت ماجان لازم اتدخل بيها لان حسيت انزعجت
ثاني يوم جان موجود استاذ الموسيقى وانطانة ملاحظات على العزف واداء سوزان من طلعنا حاولت اتهرب منها و اطلع قبلها حتى اركب سيارتي واروح بس مالكت نفسي الا دأتمشى وياها همست الله يهديج بس وتخليني اوصلج
سوزان،،،ابدا ههههه اني عنودية كلش ومن اكول فد شي مااتناقش بي
غيث،،،مااحب البنية عنودية وتكبر راس 😒
سوزان،،،مشكلتك لتحب ههههه
غيث،،،جانت مختلفة عن البارحة وتضحك وتشاقة اليوم
وكفونة بنات ورادوا يتصورون ويانة رفضت ومشينة
سوزان،،،ليش رفضت غيث
غيث،،،اذا تصورنا معهم وانتشرت الصور ماراح نخلص من الاشاعات والحجي احنا بلا كلشي راح يزوجونة بعد شوي من ماطلعوا علينا اشاعات
سوزان،،،اي صدك دأشوف مرات التعليقات صدك بالغوا كلش ومن لا شي
اكيد حبيبتك انزعجت
غيث،،،اني ماعندي حبيبة
سوزان،،،اي همزين حتى لتسببلك مشاكل التعليقات ههههه
غيث،،،،وانتي؟
سوزان ،،،شنو اني
غيث،،،التعلقات سببتلج مشاكل يعني عندج حبيب مرتبطة؟؟
سوزان،،،وكفت وسكتت وماعرفت شنو اجاوبة
غيث،،،اممم اسف لتدخلي مرة ثانية عذريني
سوزان،،،اني جنت مرتبطة وتركنة من سنة ويمكن هو هذا سبب حزني والي ديظهر على ملامحي وديأثر على احساسي وصوتي
غيث،،،تركتو بسبب برنامج المواهب يعني ؟؟
سوزان،،،لا انفصالنا جان قبل سنة وقبل حتى لاافكر بالبرنامج
انخدعت بي من بعد حب 4 سنين اكتشفت بي خاين وجذاب جانت صدمة عمري
غيث،،،معقولة حب 4 سنين هيج يتبخر حاول يبرر لنفسة او يدافع عن نفسة
سوزان ،،،منطيتة مجال من لحظتها ماشفتة ابد سويتلة دليت من قلبي وعقلي وحياتي كلها
اغفر اي شي الا الكذب والخيانة لان الي يكذب ويخون ميظلة لا قدر ولا احترام عندي ومااكدر اكمل مع شخص مااحترمة ولا اقدرة
غيث،،،صحيح ،،،ان شاء الله الله يعوضج بالاحسن
سوزان،،،ههههه سوالفك تذكرني بيبيتي الله يذكرها بالخير
فدوة شكد مشتاقتلها
غيث،،،وين هية حاليا
سوزان،،،بالعراق بسليمانية
غيث،،،صدك شو انتي نصج كردي ونص لبناني ولا تحجين كردي ولا تحجين لبناني
سوزان،،،ههههه لان جنة ساكنين بغداد بابا طيار وامي جانت مضيفة طيران والتقوا بلبنان وصارت القسمة من جابها للعراق بصعوبة كدرت تتأقلم وتتعايش بالعراق 15 سنة ورجعنا استقرينا هنا
وكفت وضحكت
غيث،،،شنو الي يضحكج
سوزان ،،،اضحك لاني التهيت بالسوالف وعبرت شارعنا ههههه
غيث،،،لااااا لدكوليها هههههه
ضحكنا من كل قلبنا ورجعنا بنفس الطريق والعالم تباوعلنا وصلتها واخذت تكسي حتى ارجع لسيارتي واخذت سيارتي ورجعت للبيت فرحان واضحك واغني كيفك انت لفيروز
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
