بارت 29
غيث ،،،باوعت من باب غرفتها شفتها كعدت دخلنا عليها اني وسوزان جانت احسن
اصرت سوزان تصبلها اكل وتوكلها هية
سوزان ،،،رحت للمطبخ وباوعت غيوثي مسوي سوب دجاج بس جان مالح كلش سويت سلطة وياه وصبيتلها ورحت لغرفتها شفت غيث ديرفعلها المغذي بس من دخلت بعد عنها وكعد بعيد
كعدت يمها وبستها من خدها الحمدلله على سلامتج خالة متشوفين شر
سعاد،،، الله يسلمج حبيبتي اشكرج
سوزان،،،كمت اوكلها وساعدني غيث حتى نجلسها
من بعد متغدت وكملت تركناها ترتاح اني وغيث وطلعنا للصالة كمنا نحجي عن الحفلة بعد باجر
سوزان،،،مريت على الفستان مالتي جبتة من المصممة بس اجيت مستعجلة وماقستة
غيث،،،لدكوليلي قصير او مكشوف ديري بالج😒
سوزان،،،ههههه لا اطمن طويل فديت ابو سمرة الغيور
غيث،،،الله ليواريج ابو سمرة من يغار هاي هيج ترة ههههه
سوزان،،،وانت شنو راح تلبس جبتلك رباط بلون فستاني حتى نطلع فد شي
غيث،،،تصدكين مااعرف عندي كومة ملابس اشتريتها وملبستها لحد هسة
رحنا للغرفة وفتحت الكنتور وبدت تطلع بملابسي جنت كل شوي اروح اطمن على سعاد واسد الباب بكل هدوء
كعدت سعاد تقدمت وكعدت يمها همست شلون صرتي والله انشغل بالي عليج
سعاد،،،الحمدلله زينة بس ياريت توديني لبيت سهام اليوم اغير جو يمهم وافكر شنو راح اسوي
غيث،،،لزمت ايدها صدقيني دائما صاحب القلب الطيب ماالة حظ بالدنيا وعلى حجم طيبة قلبك يكون الاذى
سوزان،،،دأكلب وشفت السترة الي جان لابسها غيث بأول لقاء بي بالاختبار الاول ضميتها وشميتها جان بيها ورقة بواحد من الجيوب طلعتها وجنت اكول هاي شنو ناسي بيها غيث فتحتها وجانت الصدمة عقد زواج بأسم غيث وسعاد الي جنت اظن انها خالتة كعدت بالارض من الصدمة ايدي ترجف ودموعي تنزل وكل شوي ارجع اقراها من جديد مدأستوعب اكو ناس بهل خبث والدجل والكذب!!!
رحت عليهم للغرفة شفتة كاعد يمها على طرف السرير وايدة بأيدها وكفت يمهم والورقة بأيدي شمرتها عليها وصفكت ودموعي تنزل برافوو مسيو غيث وحرمه المصون لحد هسة لعبتكم ماشية تمام وماكو اي اعاقات استمروا
سعاد،،،التفتت على الشباك مااعرف شنو ارد جانت البنت منهارة
غيث،،،كمت عليها سوزان لتستعجلين والله فاهمة الموضوع غلط
سوزان،،،صرخت دير بالك تلمسني انت شيطان ابدا انتو مو بشر !!!
شلون لعبتو علينا هاللعبة وشنو جانت غايتكم فهموني!!!!
ليش غيث ليش صدكني حبيتك من كل قلبي وامنتك على نفسي الي انتشلتها من تجربة قاسية وحسيت الدنيا ضحكتلي وشفت بيك كلشي حلو
غيث،،،استغفر الله ياربي لتصرخين سوزان طولي بالج بس خليني افهمج
سوزان ،،،خايف من الفضائح خجلان من الناس وماخجلان من نفسك وشنو الي تريد تفهمني اياه خالتك هية زوجتك بعقد قديم بالمحاكم العراقية وقبل حتى ماالتقي بيك
وانتي مافشلتي على نفسج متزوجة بواحد يطلع من جيل اولادج شكلتي الروحج فهميني !!!
سعاد،،،جنت دايرة وجهي وماعندي اي جواب الها
غيث ،،،لزمت ايدها سوزان كافي راح تلمين علينا الدنيا كعدي خليني افهمج القصة سعاد ماالها دخل وانحطت تحت الامر الواقع لتظلميها
سوزان ،،دفعتة لتفكر دوسني انت اقذر شخص عرفته بحياتي واذا فعلا هذا الشي انفرض عليج ست سعاد فصدقيني اني اتعاطف وياج الي كدر يضحك على وحدة مثلي بسهولة يكدر يضحك عليج هذا شيطان متجسد بأنسان
راح اتخبل شلون سمحتيلة يخطبني لا وانتي الي اجيتي تخطبيلة شنو انتو فهموني شنو جانت تصرخ وطلعت من الشقة
&
&
&
#رواية_يعزف_على_اوتار_قلبي 😻🦋
بارت 30
غيث،،،حاولت الحقها مكدرت رجعت للبيت وكعدت بالصالة وايدي على راسي ياربي شنو هالمصيبة شلون حتصرف
سعاد،،،جنت اعرف هذا كلة راح يصير ونبهتك اكثر من مرة لتضوج غيث خلي تهدة هاليومين وعود حاجيها وفهمها واذاتحب اني اروح وياك
غيث،،،مااريد احجي بالموضوع احس روحي مختنك طبيت بالغرفة وسديتها
ثاني يوم اتصلوا بية وكالولي سوزان بلغتهم انها انسحبت من البرنامج وانه غالقة اجهزتها وماكو اي تواصل وياها فمبدئيا فكر بمعزوفة تقدمها بوحدك الى ان نتناقش معها منا الباجر
غيث،،،هاي مصيبة راح تضيعني وتضيع نفسها ياربي اني شسويت وليش هيج صار
سعاد،،،غيث اعزف اول معزوفة عزفتها بالاختبار الاول لتضيع نفسك وكلشي وصلت الة
غيث،،،سعاد اني خسرت كلشي ودمرت سوزان وضيعت كل الي بنيناه والي وصلنالة مااعرف شلون اتصرف
سعاد،،،غيث اسمعني ماضاع شي جانت شوي الصدمة عليها قوية وهاي ردة فعل طبيعية ومتأكدة اذا تفهمت الموضوع راح يرجع كلشي مثل ما جان بس انت ركز بنفسك ولتضيع كلشي
غيث،،،بيومها مكدرت انام ولا كدرت حتى ادرب جنت اشوفها بكل زاوية وصوتها وضحكتها متروح من بالي جنت اتذكر من خلت ايدي على كلبها ووثقت بية جرحتها وكسرتها ماراح اسامح نفسي ابدا
وبيوم الحفلة العصر جنت مكتأب وتعبان غيرت ملابسي وسعاد بالرغم من انها جانت بعدها تعبانة بس اصرت انها تكون موجودة وياي بهل يوم رحنا وجان الكل كالعادة متلبك ويحضر والكل ملتهي بنفسة بلغوني انه مدير القناة والبرنامج رايحيلها للبيت ومتفقين وياها انه تقدم اليوم واللجنة تطلعها من البرنامج بدون متعلن انسحابها لان انسحابها راح يضر بالبرنامج وحتى متضيع فرصة زميلها الي هو اني وهي ممنطيتهم جواب نهائي
وقبل فقرتنا بربع ساعة بلغوني اجتي سوزان والي ادربنا عليه راح نقدمة حاولت اشوفها مكدرت جان ازدحام بغرف القياس وديتحضرون ومكدرت اطبلهم
جنت متشوق اشوفها واسمع صوتها وكل كلمات الاسف والاعتذار مراح تعبر عن الي بداخلي
ومن بلشت عزف مقدمة اغنية بين ايديك بوسط تشجيع الجمهور والبث كان مباشر دخلت سوزان بس حالتها حالة جينز بسيط وقميص عادي شعرها مرفوع ووجهة شاحب من طلعت خفت صوت الجمهور والكل انصدم بحالتها وكفت على يساري وغنت موجوع قلبي وكانت هنا الصدمة حاولت اجي وياها بالعزف بس مكدرت اسيطر وضاع مني اللحن
سعاد،،،من غنت كان صوتها يرج المسرح وصوتها طبقتة عالية وكدرت تغنيها بأحساس حلو رغم انه مكدر غيث يجيب اللحن وخربط وياها بس مكدر يأثر على اداءها خليت ايدي على وجهي وحئيت فعلا غيث خسر كلشي وضيع الاول والتالي
غيث،،،كانت تغني بأحساس ودموعها على خدها دمرتني نظراتها وخلتني اكره نفسي كلماتها واحساسها فطروا قلبي دنكت مكدرت اباوعلها
ومن انتهت تركت المسرح وطلعت وسط صمت فضيع من الجمهور واللجنة
طلعوا بفاصل ديفهمون منها ليش هيج تصرفت
سعاد،،،رحت خلف الكواليس وجنت منهارة وغيث حالتة حالة مشت الحفلة وللأسف كانت النتيجة انه غيث وسوزان يغادرون البرنامج
سعاد،،،هاي كانت اكبر خساراتي وبجيت فعلا من كل قلبي
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
