بارت 2
عمتي من سمعت رجعت حاجتني وخطبتني من ابويواخوتي وكالتلهم احنا اولى بيها من الغريب ونريد نربي ابنا تحت جناحنا
عفيفة،،،ابوي واخوتي ماصدكوا على الله ووافقوا بسرعة تزوجت عبد الباقي وحسيت بليلة زواجي وفاتي وبمجرد ماقفل الباب انقبضت روحي وبقيت ابجي هو تركني وماحجة اي كلمة ونام على جهة وتركني جنت احسة اخوية وبحياتي مافكرت بي كزوج جان طيب وفقير وبحياتة ماغثني بحجاية بس جانت روحي مترغبلة ونفسي متتقبلة عدت الايام والناس تشوفنا متزوجين وبداخل غرفتنا العكس عبالك اخوان
جنت مرتاحة كلش وعبالك رجعت للجنة من بعد الضيم الي شفتة وعبد الباقي وعمتي دللونا اني وغيث ودارونا حيل وعشنا معززين مكرمين
لحد ما بيوم صارحني عبد الباقي وكلي انه يريدني كزوجة ومن حقة هذا الشي او انه يتزوج اني بدون تردد كتلة اتزوج ياخوي انت ماقصرت وياي ومن حقك تزوج وتعيش حياتك ومااوكف بطريقك ابد جانت عمتي معارضة بالبداية لان جانت موعارفة الموضوع وكالت عفيفة مو قاصرها شي حتى تتزوج عليها بس اني قنعتها وكتلها عمة اني راضية وهذا شرع الله ماطولة ماراح يقصر ويانا فماعندي مانع
شافواة بنية من اقاربهم حلوة وصغيرة تزوج عبد الباقي وكل نسوان المحلة استغربوا من حالي جنت مامهتمة وفرحانة لفرحة ولا عبالك ضرة الي صار غيوثي بالاول ابتدائي
زوجتة جانت ملعبة ولسان وطيرت عقلة نسانة ونسة الدنيا كلها من تزوجها
جان تتقصد تتغازل هية ويا كدامنا ومن يدخلون غرفتهم صوت ضحكها يجيب التايه كل وقتة صار وياها وبعد منشوفة ولا يبات يمنا ابد بس جنت مااهتم ومركزة على دراسة ابني وغيوثي ماخذ كل وقتي
جانت متشتغل كلشي بحجة صغيرة ومتعرف جان كل شغل البيت علية جنت اكول ميخالف اشتغل كلشي بس بالي خالي ومرتاحة
عمتي جانت مو راضية على الوضعية وتظل تعاتب عبد الباقي ودكلة لتظلم عفيفة واعدل بيناتهم لازم تنام عند كل وحدة يوم بس هو جان يكوللها شعندي ابات عند عفيفة ويتركها وهية جانت ممفتهمة شي
غيوثي نجح للصف الثاني وفرحت ووزعتلة جكليت جنت انقهر عليه مرات واكول شنو ذنبة انحرم من ابوه قبل ليجي لدنيا
وجنت دائما احاول اعوضة عن ابوه واصيرلة اب وام
عفيفة ،،،مرت الايام ومرت عبد الباقي تفرعنت وطلعت حية وكل دكة تسويها بية امر من الثانية وكرهتني وكرهت ابني تندمت اني بيوم من الايام كتلة اتزوج
الحجية تعبت وهي تدخل بينة وتصف دائما وياية بس مابأيدها شي ومرت عبد الباقي ميردعها رادع وصوتها عالي ويلم المنطقة كلها جنت اتجنبها من بعد ماتعبت الحجية وبعد ماتاخذ وتنطي وياها خوفا من المشاكل كفت نفسها
عبد الباقي تغير علينا وبعد حتى مصرف مينطيني وكل شهور ديتفطن بينا بالنص والربع دينار وينطيها لغيث بسكوت خوفا من مرتة
خلتني اكف نفسي عن كلشي ومن تشوفني طالعة برة غرفتي تسويلي مشكلة ومااخلص من لسانها
حملت مرت عبد الباقي وجابت ولد وصارت الكل بالكل بالبيت صار غيث بسادس ابتدائي وبدأ يروح مع عمة للحدادة وجان دائما يسأل عني ويعرف اخباري من غيث ويسألة شنو ناقصنة واذا مرتاحين او لا
جان اذا يشوفني بالصدفة يظل يباوعلي نظرات غريبة مجنت انتبهلها سابقا بس مجنت اشوفة الا اخ لزوجي وبمثابة اخ الي
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
