بارت 25
غيث،،،رحت تعرفت على اهلها جانوا حبابين وحالتهم كلش زينة واندمجت وياهم بالسوالف ونسيت نفسي والوقت
منتبهت الا الساعة بال2 بالليل تعذرت منهم واستأذنت ورجعت بس حسيت نفسي فرحان ومنطلق وبدون سبب
مرت الايام وتقربنا كلش لبعضنا تعلقت بيها كلش جنت اول مرة احس هل احاسيس وكلبي لأول مرة يدك
غيث،،،سوزان احبج بكد رحمة الله وتعلقت بيج وصرتي النفس الي يصعد وينزل بية بس لحد هسة ولا مرة سمعتها منج ومشاعرج ماواضحة تجاهي
سوزان،،،،خايفة غيث
غيث،، مني!!
سوزان،،،لا خايفة اجازف وادخل بعلاقة ثانية واني طلعت من تجربة قاسية اذتني كلش
غيث،،،الله يخليج هذا الموضوع لتفتحي وياية مرة ثانية سوزان اتضايق واتنرفز منة
وبعدين ياحبيبي مو كل اصابعج سوة واوعدج مااخذلج بيوم ولا اغدر بيج واكسر قلبج
سوزان،،،،تنهدت وظليت ساكتة
غيث،،،سوزي
سوزان،،،عيون سوزي
غيث،،،فدوة لعيونج الحلوة حبي لتظلين تفكرين بالماضي وانطي لنفسج فسحة امل وعيشي حاضرج ولتخلين الماضي يضيع عليج اجمل اوقات حاضرج والمستقبل
ولتعبيني وياج ترة راح تنسل عافيتي 😉
سوزان،،،اوك باجر نتقابل ونحجي
ثاني يوم التقينا بحديقة تخبل قريبة على بيتنا ومجانت مزدحمة كلش
غيث،،،فدوة للكعكة الي مسويتها بشعرج تخبل
سوزان،،،ابتسمت نظراتة تخبل نستني شنو اريد احجي سحبت ايدة وخليتها على كلبي وهو مستغرب
سوزان،،،غيث كلبي سلمتة بأيدك فدوة لتكسرني وتكسرة اني مو بس احبك اني متعلقة بيك تعلق الطفل بأمة صرت اعشق كل نبضة بكلبك اعشق كل حرف بأسمك واتعثر بخطواتك اني متوهمة ماحبيت قبل اني دأحس وياك احاسيس اول مرة احسها واحس الحياة كلش حلوة من بعد ماجنت اشوفها بلا طعم ولا لون
غيث،،،يابعد دكات غيث ونبضاتة ان شاء الله اكون عند حسن ظنج ومااخيبج ابد
بعدين سحبت ايدي ودنكت همست منا العالم لا يفهمونة غلط ولا كلبج دافي يخبل 🙈
سوزان ،،،فدوة لأبو عيون وكحة الي عيونة متكعد راحة
غيث،،،جان اجمل يوم بحياتي حسيت نفسي طاير بالسما ورجلية بالارض وجانت الفرحة ماواسعتني نسيت كلشي واني وياها من رجعت للبيت رجعت فرحان من طبيت وشفت سعاد كدامي جمدت جانت غايبة عن بالي شلون مافكرت احجي لسوزان بموضوعي وياها
فكرت بيها كلت اتفاقي مع سعاد ينتهي بمجرد متنتهي المسابقة وهية تقريبا اقل من شهرين وتنتهي وينتهي كلشي بيناتنو وننفصل ومااتصور ممكن سوزان تسمع او تعرف بهل موضوع
سعاد،،،جان غيث بقمة الفرح والحيوية مفعم بالطاقة يسهر لصبح على التلفون ومرات افز بالليل على صوت ضحكاتة قل اهتمامة تدريجيا ومو مثل قبل جنة نحجي ونتواصل صار قليل يكعد بالبيت صرت اشتاقلة دون وعي احن لوجودة واهتمامة مثل قبل
صرت حتى اذا اروح لسهام ميهتم ويكلي اذا تحبين تباتين براحتج
غيث،،،كمنا نحضر للمرحلة الرابعة الاعداد بلغوني انه الاغنية جاهزة ومحضريلي نوتات العزف الي اعزف عليها باوعت لسوزان وهمست ها سوزي من وراية 😉
بلشت اعزف وغنت اغنية اصالة بين ايديك انا بنسى روحي
جانت تغنيها بأحساس وكأنه دتحاجيني بيها اعزف وعيني مانزلتها عنها كانت رائعة بكل صورها ومعانيها
مضت البروفات وكنا نقضي امتع الاوقات سوة ومنبطل ضحك وغزل
غيث،،،،وبمرة انصدمت بوجود سعاد بقاعة البروفات سلمت عليها بأبتسامة صفراء ودخلتها اجتي سوزان بوستها ورحبت بيها
سعاد،،،حسيت نفسي مالة بالبيت واجيت احضر بروفات صار زمان ماسامعة عزف غيث كلت اغير جو
سوزان،،،اهلا بيج خالة سعاد نورتينا والله من زمان اكول لغيث يجيبني عليج اتعرف بيج اكثر بس مصارت فرصة تشرفت بمعرفتج
سعاد،،،اشكرج حبيبتي انتو اخذوا راحتكم ودربوا ولا كأني موجودة
استغربت برود غيث كان مكتفي بنظرات بس وماحجة اي كلمة
اخذت ايدة سوزان وصعدوا على المسرح
غيث،،،استغربت من جية سعاد هذا الشي الي مجنت حاسبلة حساب اني مامهدت لسعاد عن سوزان ولا كتلها انه اني مفهم سوزان انه هية خالتي
سوزان،،،صار غيث شخص ثاني بعد حتى عينة ميرفعها بعيني يعزف وهو مدنك وصار يحاجيني رسمي بالرغم خالتة جانت كلش حبابة ولطيفة اتوقعت انه يخجل منها او ماحاجيلها عن علاقتنا
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
بارت 26
سعاد،،،حسيت اكو فد شي بينهم والاشاعات الي تطلع عليهم مو من فراغ جنت اباوعلهم شكد مناسبين لبعض وفعلا غيث تناسبة وحدة مثل سوزان بجمالها وشبابها جنت لاول مرة بحياتي احسد شابة على شبابها حسدت سوزان على شبابها وهية كدام غيث بأجمل طلة ومفعمة بالحياة كانت تغني بأحساس وعيونها تلمع وابتسامتها تارسة وجهة
سوزان،،،خلصنا تدريب من وكت نزلنا عند خالتة وهنتنا على ادائنا
غيث،،،همست بدون مااباوع لسعاد يلا خالة نمشي ان شاء الله
سعاد،،،،التفتت مصدومة دتحجي وياي غيث
غيث،،،همست بخجل اي ...نروح لو تحبين نبقى
سعاد ،،،نصيت وكلت براحتك
بوستني سوزان وكتلها فرصة سعيدة حبيبتي طلعت امشي كدامة
سوزان ،،،،طلع غيث بلا حتى ميودعني وجان مو على طبيعتة
غيث ،،،من ركبنا بالسيارة محجينا ولا كلمة جنت خجلان منها ومااعرف شنو احجي
سعاد،،،همست تحبها غيث ؟؟
غيث،،،باوعتلها بأستغراب وكلت اي كلش بس مرت بتجربة سابقة وكانت قاسية عليها مكدرت احاجيها بموضوعي وياج اخاف متتقبلة كلت اتأنة
سعاد،،،وفهمتها اني خالتك ؟؟
غيث،،،اسف جنت مضطر
سعاد،،،،لتعتذر مني غيث المفروض تكون صريح مع البنت خاصة اذا هيج وضعيتها واذا جنت فعلا تحبها ونيتك صادقة وياها
غيث،،،ان شاء الله مسألة وقت وكلشي ينتهي بلا حتى مااحجيلها هذا الموضوع
سعاد ،،،،ان شاء الله خير واتمنى ميأثر هالشي على علاقتكم
غيث،،،من نزلنا اتصلت بية سوزان تسألني شنو بية وليش تغيرت فجأة كتلها تعبانة خالتي ومتكدر تبقى فترة طويلة فجبتها ترتاح
سعاد،،،جنت اسمع كلامة وهو لازم ايدي وديصعدني الدرج جانت كلمات دلعة الها وغزلة بيها تقطع كلبي بس مجنت ابين كان شعور قاسي انه تحس بالالم ومتكدر حتى تظهرة او احيانا يتحتم عليك تظهر العكس اسمع كلامة وياها وعيوني تراقب بسمتة ولمعة عينه
غيث،،،حبيبي وصلتي البيت انتي؟؟
اوك يكلبي اني هم مشتاقلج نحجي بعد الغدة شربي حليب دافي وحلو حتى تريحين صوتج فديت هالصوت باي سوزايتي
غيث،،،ثاني يوم من الصبح انصدمت بأتصال سوزان رفعتة وجانت الساعة ب9
غيث،،،هلا سوزة شونج حبيبي
سوزان،،،يمة الحب يمة نايم حبيبي اني كدام العمارة مالتكم ❤
غيث،،،شلون !! صدك تحجين سوزان ؟
سوزان،،،اي حبيبي بس مااعرف اي دور انتو
غيث،،،الدور الثالث هسة اطلعلج
اهووو شجابها سوزان هنا اخذت منشفتي و طبيت للحمام
سعاد،،،جنت اسوي شاي واعرف بغيث ميكعد لل10 سمعت صوتة كعد حسبت حسابة
اندك الباب فتحتة واذا بسوزان من صدمتي كانت كبيرة بحيث ماكتلها تفضلي
سوزان،،،صباح الخير خالة
سعاد،،،صباح النور اهلا سوزان
سوزان،،،اجيت اطمن عليج لان كلي غيث جنتي تعبانة البارحة سلامتج يارب وانطيتها باقة ورد
سعاد،،،الله يسلمج حبيبتي اعذريني اتفضلي
سوزان،،،دخلت وعيوني دور غرفة الحب كعدت بصالة صغيرة وكانت مصدومة بجيتي ست سعاد همست اني اسفة اجيت بلا ماانطيكم خبر او يمكن كعدتكم من النوم
سعاد،،،لا بالعكس اني اكعد من وكت كل يوم اهلا بيج حبيبتي
غيث،،،طلعت من الحمام مستعجل وصاروا بوجهي سلمت ع سوزان وجنت محرج لان بالفانيلة القلع اترخصت حتى اغير ملابسي
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
