بارت 41
سعاد،،،الله وياك سديت الباب ورجعت لأمة همست عاشت ايدج ام غيث ونعم التربية غيث فعلا نعم الرجال اكدر اوصفة بالنبيل لانه كلمة نبيل تجمع انبل الصفات من الشهامة والكرم والصدق والانسانية فعلا عاشت البطن الي حملتة
والايد الي ربت
عفيفة،،،وايدج ست سعاد اوووف لتذكريني بذيج الايام ياريتني كدرت اربي واشوفة يكبر كدام عيني
غيث الي ربتة هالدنيا تربى بدون ام واب بس عمة جزاه الله خير ماقصر وياه
سعاد،،،،اعرف حجالي غيث سبحان الله كل انسان همة شكل بهل حياة وماكو احد خالي عموما قرة عينج بي وان شاء الله تفرحين بي وتشوفين اطفالة
عفيفة،،،ست سعاد ولو تدخل مني بس ليش انسحبتي من حياة غيث جان بأمكان وحدة مثلج ومثل وضعج تتمسك بي خاصة انه هو متمسك جان بيج وماراد يطلكج
سعاد،،،اول شي ناديني سعاد بلا ست وهالرسميات ثاني شي ام غيث غيث تعود على وجودي بحياتة لا اكثر وحس نفسة مسؤول عني بس من يتزوج راح اكون عثرة بحياتة واحتمال اسببلة مشاكل وزوجتة حلوة وصغيرة وانتي تعرفين جيل هالوكت شلون يفكرون يعني اكيد راح تغار من علاقتي بزوجها اي امرأة بالدنيا تحب تمتلك زوجها امتلاك ومتحب حتى قلبة وعقلة تشغلة اي بنية وتغار عليه لومن نظرة عابرة على اي كان فما بالج بضرة وان كانت علاقتي بس مو كعلاقة اي زوجين بس ابقى ضرة هو بعدة ميفهم هذا العالم ويحس عادية المسألة بس اني دأفكر للمستقبل لذلك انسحبت من حياتة وفضلت تبقى العلاقةطيبة والاحترام متبادل وفهمت سوزان انه غيث اخ وصديق الية وماخذلني بيوم وراح يبقى سندي والرجل الوحيد بحياتي الي اعتمد عليه
عفيفة ،،،،مااعرف شأكلج خية تفكيرج حلو ومثقف استاذة بعد
بس اني شايلة همج كعدتج هيج مو حابتها لازم رجال يكون وياج ويعينج على هالحياة ولو باقية على ذمة غيث راح يدير بالة عليج وميقصر وياج حتى وان سكنتي بوجدج بعيد عنهم
سعاد،،،ام غيث اني من وعيت لدنيا لا استندت على اب لان جان مقعد ولا تحزمت بأخ وكان سندي بهل حياة ولا الله قسملي وتزوجت فوضعي هذا مو جديد الحمدلله على كل حال الله ميكطع واختي واولادها ممقصرين وياي ابد
عفيفة،،،الحمدلله الله ميخلي اسأليني اني عن هيج معاناة حالي جان امر من حالج قبل ليتزوجني حجي موسى والله سبحانه وتعالى باوع لحالي ورحمني من مذلة نسوان الاخوة وزوجة الاب والحمدلله وين حالي ووين حالهم هسة
،،،،،،، ،،،،،، ،،،،،،،،،
غيث،،،كملت شغلي واخذت عشة ورجعت عليهم لكتهم منطلقين بالسوالف ومندمجين
سعاد،،،غيث شوكت نويت تخطب ؟؟
غيث،،،والله ماطول الوالدة موجودة احتمال هالفترة الخطوبة والزواج حتى استغل وجودها
سعاد،،،عفية متنلام الله يتمم على خير
غيث،،،اشكرج لجميع يارب
حددت وياها موعد حتى تروح ويانة وتخطب سوزان واتفقنا على كلشي وبيوم الخطوبة رحنا اني وامي وحجي موسى وسعاد وقرينا الفاتحة وهلاهل امي جانت تجيب التايه وهزت منطقتهم هز 😂
عفيفة ،،،،صدقة للبلابل تخبلون يمة غيوثي يعرف يختار ماشاء الله شنو من حسن والمصيبة اباوع للزرور طالعات للزنود طالعات والدلعة مااحجي عنها يمة شكد عيب كدام حجي موسى وابوها يمة عفيفة شفتي شوفات بلبنان ماشايفتها والله بحياتج
قرينا الفاتحة واخذوا بعض بالاحضان والبوسات منوين ميعجبك اني فشلت على البعد شكد عيب من اهلها
ندست غيث وهمستلة يمة شمالك هدي و شيل ايدك عنها عيب منا اهلها شيكولون الله يرحمة ابوك مات ومكضني هيج كضة 🙈
غيث،،،ضحكت يمة الله يرحمة شغلة من فوك الفوك مو معدل ههههه خليني اعيش اللحظة
عفيفة،،،حطيت عباتي على وجهي صخام بوجهي على هالولد الي طلعت عينة يمة شكد عيب
سعاد،،،باركتلهم من قلبي وفرحت لغيث جنت اشوفة شلون مندمج مع حبيبتة وشكد فرحانين سوة وحسيت الي سويتة جان صح وهو هذا الي مفروض يصير
غيث،،،بلشنا نحضر للعرس وامي تعبت كلش بس جان على كلبها احلى من العسل
وتمنيت لو تبقى يمي وتسكن وياي بس مجانت تكدر لان حجي موسى ميكدر يعوف اهلة ومحلتة
عفيفة ،،،جانت احلى ايام بعمري ومجنت احس بتعب لان جنت احلم ازوج غيوثي واشوفة عريس كدامي
وازفة بأيدي لعروستة جان حلم عمري
والحمدلله تحقق
&
&
&
#رواية_يعزف_على_اوتار_قلبي 😻🦋
بارت 42
غيث،،،بيوم العرس جنت فرحان كلش كل الي احبهم حوالية حتى عمي عبد الباقي حضر وجان حفل يخبل وعفيفة ماخلت كولة من كولات العراقية ماكالتها بالقاعة
عفيفة،،،،هذا اول فرح شفنا بدنيانا فرحنه واليحبنة يفرح ويانا كللللللوووووش
نتشكر من كال اخذوها نتشكر من عمها وابوها كلللوووووش
غيث،،،امي تهوس وحدها ومحد مفتهم شي نسيت اكلها ترة كلهم لبنانين وميفهمون كل سوالفنا جنت اضحك بس حسيتها فرحانة كلش وعفتها براحتها
سعاد،،،جنت ابتسم واصفك واضحك ورقصنا كلنا بس كابرت الى ابعد الحدود على الي بداخلي والي ميعلم بي الا رب العالمين جنت احبة لدرجة من جنت اشوفة فرحان احس براحة
سوزان،،،جنت اسعد انسانة بالدنيا وفرحتنا مجان الها حد وكل الموجودين فرحانين لفرحنا غيث جان محضر مفاجئة لوالدتة كام من المنصة وتوجه الها وهية على طاولات مع المعازيم وركعلها ولبسها خاتم وباس ايدها وسحبها بوسط الصالة ورقص وياها ونزل لقدمها وباسها وكان منظر مؤثر كلش ورقص هم مع ست سعاد واخيرا رقصنا سوة وجان يهمسلي بأجمل عبارات الحب
سعاد،،،من زفينا غيث حسيت بدوار وكأنه الدنيا تفر بية ودخت
عفيفة ،،،داخت ست سعاد ووكعت كوة سندناها وخليناها على القنفة
ماعرفت شنو اسوي دكيت الباب على غيث
غيث،،،جنت توي نازع سترتي ودأبارك لسوزايتي واندك الباب فتحتة امي تعذرت وكالت يوم سعاد وكعت اغمى عليها
غيث،،،ماشفت نفسي الا ونازل كل درجتين سوة وصلتلها وغسلت وجهة وشربت مي توقعت صار عدها هبوط كالعادة فرفعت رجلها وامي شربتها لبن مالح صحصحت وجانت تريد تروح لشقتها واصرينا متروح وتبقى تبات
سعاد،،،لا غيث مابية شي وبعدين علاجي تركتة هناك هسة اتصل بمؤمل يجي ياخذني
غيث،،،لتحاولين ابد مااخليج تروحين اليوم واذا تعندين ابقى كبالج كاعد واعوف عروستي
سعاد،،،لا لا لا الله يخليك روح لعروستك واني ابقى وعد بس روح غيث
غيث،،،اوك سلامتج يارب
صعدت الدرج بطيء وكل شوي التفت عليها وتصير عيني بعين امي وارتبك واصعد
سوزان، ،،شكو حبي ظل بالي
غيث لاحبيبي ماكوشي سعاد ناسية علاجها وتعبت شوي وامي هسة يمها
سوزان،،،خطية متستاهل
غيث،،،فديت الحنون اني انتي هم متستاهلين الي راح يصيرلج بعد شوي 😉😉
سوزان ،،،😢😢
غيث،،،بالرغم كان يوم متعب وتعبت بي كلش بس كان نهايتة عسل بعسل حسيت نفسي اول مرة اتزوج وكان الفرق شاسع بين سوزان وسعاد اصلا ولا عبالك مجرب سابقا الحياة الزوجية
سعاد،،،،بيومها جنت على اعصابي ومااجاني نوم كالعادة حسيت روحي لايبة ومامرتاحة تمنيت لو راجعة لشقتي ولا هالوضع طلعت من غرفتي حتى انزل اشرب مي ومن عبرت من غرفة غيث وسمعت اصواتهم كان صوت ضحك غيث طاغي وهي تهمس وصوتها ماواضح
رجعت لغرفتي وانتظرت الى ان اذن الفجر صليت ونمت وكلت لازم اكعد من الصبح حتى اروح قبل ليكعدون العرسان وثاني يوم اخذتني نومة ماكعدت الا على هلاهل عفيفة ام غيث عرفت كعدوا العرسان وصار لازم اباركلهم
غسلت وبدلت ونزلت جانوا ديتريكون باركتلهم وعيني على سوزان والاثر الي بجسمها وحتى بأيدها غيث حاول يداري نظراتي ويسألني شلون صرتي وبشنو تحسين اتريكنا واصر يوصلني وحلفت ميكوم ولا يترك عروسة اخذت تكسي ورجعت لشقتي وحمدت ربي انه تصرفت صح وطلعت من حياتة لان من سابع المستحيلات اكدر اكمل وياه
&
&
&
#رواية_يعزف_على_اوتار_قلبي 😻🦋
