بارت 14
ثاني يوم انتقلنة للشقة جان يساعدني بالصعدة والنزلة ومخلاني اشتغل اي شي
غيث ،،،جانت سعاد صحتها زينة بس بحكم عمرها جنت استخطيها ومااخليها تحمل نفسها فوك طاقتها جنت اشوف بيها امي وجنت اكول شنو حال امي عفيفة وين صفى بيها الدهر هم اجي على بالها لو نستني وصرت من بقايا عبد الحي وماضيها التعيس
سعاد،،،اتصل بية بديع حمدي وكلي الاثنين تجارب الاداء بلبنان واللجنة اجتي من مصر خلي يقدم السيفي مالتة بأسرع وقت
غيث ،،،يعني شنو السيفي مفهمت
سعاد،،،تقدم بقرص اسمك ومعلومات عنك ومؤهلاتك واذا مشارك سابقا بأي برنامج الخ ،،،،،
اليوم العصر نروح لاستاذ بديع وهو يرتبلك السيفي
غيث ،،،رحنة وقدمنة السيفي الي ذكروا بي انه متبنين موهبتي استاذتي بالمعهد والاستاذ بديع حمدي على امل وصولي لنجومية وتحقيق حلمي مع صور ومقاطع عزفي وطلبوا مني اغير اسمي
غيث ،،،همست سعاد اني مااكدر اغير اسمي صعب
سعاد ،،،غيث يقصدون اسم الشهرة الك يعني اكيد ماراح تنشهر بأسمك هذا غيث عبد الحي شكور هذا اسمك راح يبقى بجنسيتك وجوازك واوراقك الثبوتية واسم الشهرة ماراح يأثر عليك وكل الفنانين والنجوم الهم اسماء فنية تختلف عن اسمائهم والقابهم الحقيقية
غيث ،،،اوك بس يبقى اسمي غيث
سعاد ،،،ههههه اكيد يبقى بس شنو رائيك تنسب اسمك لعشيرتك يعني غيث البياتي مو افضل؟؟
غيث ،،،اوك ماكو مانع
قدمت السيفي ونطوني رقمي وجان موعدي الاربعاء كمت اتدرب والخوف تملكني وكأنه اصعب اختبار ممكن اواجهة بحياتي وفعلا كان اختبار صعب
وبيومها رحنة من ال8 الصبح وكان الانتظار مزعج وتعبنا كلش وصالات الانتظار تضج بالناس ومواهب المتعددة وكلٌ يغني على ليلاه تعبت سعاد وكان هذا واضح على ملامح وجهة وبقينا ننتظر ب6 المغرب يلا دخلت للمسرح تملكني الخوف والرهبة وكنت مرتبك وتعبان كانت سعاد تشجعني بكل عبارات التشجيع
دخلت وبلشت اعزف واني مغمض وقلبي يدك بسرعة
سعاد،،،كنت انتظر خلف الكواليس وضامة ايديه اثنينها على حلكي واحس الخوف تملكني كان عزف غيث مو بالمستوى المطلوب لان مرتبك وكان هذا الشي واضح عليه لذلك زاد قلقي لكن والحمدلله اللجنة انبهرت بعزفة وكدر يتجاوز المرحلة الاولى بأجماع اللجنة
غيث طرت من الفرح واول شي سويتة بست ايدها لسعاد وراسها
سعاد ،،،مع انو مجنت بالمستوى المطلوب لكن عفية عليك وتستاهل غيوثي
غيوثي طلعنة لصالة الانتظار وعملوا وياية لقاء سريع سألوني عن سعاد وباوعتلها ماعرفت شنو اجاوب لا وعي كلت استاذتي بمعهد الموسيقى واول من اكتشف موهبتي
طلعنة وجانت اكو بنت تتكلم بالتلفون وتبجي وتصرخ بطريقة هيستيرية انه راح يضيع حلمها ويتحطم كلشي وانه خذلها كان واضح من طريقة كلامها لهجتها عراقية ماكدرت على نفسي تقدمت عليها وسألت عفوا اكو مشكلة اكدر اساعدج كعدت على الكرسي وبلشت تبجي همست جان المفروض يكون وياية صديقي عازف بيانو حتى اقدم اغنية بصوتي بس خذلني صار عندة ظرف ومااجة
سعاد ،،،لتبجين حبيبتي مو زين على صوتج بأمكانج تغنين على نفس اللحن الاصلي للأغنية قدميها بقرص للأعداد
البنت ،،،مو هنا المصيبة بعد ماالحك اختباري بعد ربع ساعة ضاع حلمي وتحطمت كل امنياتي وتبجي
سعاد،،،حضنتها ورفعت شعرها عن وجهة اوي فدوة حبيبتي لتبجين والله كطعتي قلبي
غيث ،،،اذا تحبين اكدر اساعدج اني اعرف اعزف بيانو هم
البنت ،،،صدك تحجي
&
&
&
#رواية_يعزف_على_اوتار_قلبي 😻🦋
بارت 15
غيث ،،،اي نعم بس انطيني السلم الموسيقي للحن الاغنية الي راح تغنيها حتى الحك اتدرب عليه
سعاد ،،،جريتة على جهة غيث شدتسوي انت توي خلصت اختبارك ونجحت شلون تدخل بأختبار ثاني اخاف هذا الشي يأثر عليك خلي نسأل فريق الاعداد بهذا الخصوص توجهنا نسأل المعدين وذكرنالهم الحالة والموقف الي صار وكالو ماكو مانع يدخل وياها يعزف لان هو نجح بعد بالاختبار وهمة مو فريق حتى واحد يأثر على نتيجة الثاني فقط يساعدها في تقديم اختبارها
سعاد،،،بدء يتدرب على المعزوفة هو وهي تغني ومن حسن حضها تأجل اختبارها الى الليل
دخلت الاختبار البنت وجان صوتها فيروزي ساحر ويستاهل العناء وكان عزف غيث رائع ونجحت بالاختبار البنت ومن طلعت اتشكرت غيث وهنيناها بأجتيازها المرحلة الاولى
البنت،،،اني سوزان كردية عراقية وامي لبنانية وعايشة هنا
غيث ،،،اتشرفنا بحضرتج اني غيث واستاذتي ست سعاد
سوزان ،،تشرفت بيكم بالتوفيق ان شاء الله
غيث ،،،رجعنا واني طاير من الفرح والدنيا ماواسعتني
وكالوا بعد اسبوع وتنذاع الحلقة بالقنوات
جنة ننتظرها على نار ومن طلعت كانوا مقدمين ومأخرين بالمتسابقين وماعرضونا بالترتيب طلعت سوزان قبلي واني طلعت بعدها مجنت مصدك روحي واني دأعزف والجمهور منطرب ومتفاعل وياي
،،،،،،،،،،،
عفيفة كنت كاعدة اني وحجي موسى دنتعلل ونقلب بهل تلفزيون وطلع برنامج المواهب طلعت بنية تغني وشاب يمها يعزف فز كلبي علية فدوة يشبه وليدي غيث من بعيد
وفجأة بعد الفاصل ويطلع نفس الشاب يغني اسمة غيث ومن العراق
عفيفة ،،،خليت ايدي على كلبي وكامت دموعي تهل كمت اهمس حجي موسى هذا وليدي غيوثي والله اعلم فدوة اقرالي اسمة المكتوب على الشاشة
حجي موسى كعدت على حيلي وكتلها عفيفة شجاب ابنج على برنامج المواهب
ابنج الله يعينة هسة لازملة باب ويحد بي مع عمة وبعدين هذا اسمة غيث البياتي مو غيث عبد الحي
عفيفة كمت على حيلي واني ابجي تقربت من التلفزيون اتأمل بي والله ابن بطني هذا لمعة عينة وضحكتة يمة يكلبج عفيفة هذا وليدج والله وليدي البياتي هو اصلة بياتي
حجي موسى صدكني هذا الشاب ابني صح صار 12 سنة مشايفتة بس لتصدك مااعرفة اطلعة من بين الف
حجي موسى،،،كولي ياالله وصلي على النبي باجر اتصل بخوانج واسألهم عن ابنج وان شاء الله يطلع هو على الاقل تتطمنين علية ومتظل شوفتة غصة بكلبج
عفيفة،،،،خليت ايدي على راسي وكلت بكلبي
ياريت اصبر لباجر شيعدي هالليلة عليج عفيفة
غيث ،،،،كانت اصداء الحلقة كلش حلوة وانتشرت بمواقع التواصل الاجتماعي مقاطع عزفي بأختباري واختبار البنت العراقية سوزان الي ذكروا انه رفيقها خذلها ومكدر ابن بلدها الا ميوكف وياها ويساعدها حتى تجتاز الاختبار بنجاح
والاغرب انه المعجبين كانت اغلب تعليقاتهم انه اجمل كبل عراقي والموهبتين رائعة وكل واحد بيهم مكمل للثاني
غيث ،،،بلغونا انه المرحلة الثانية بعد شهر تقريا وانه راح يتصلون بينة
&
&
&
#رواية_يعزف_على_اوتار_قلبي 😻🦋
سوي اعاده توجيه للي تحب يقرا معاك🐣
