#رحمة
#طيبة الربيعي
||البارت الثالث عشر||
شفتة تفاجئ اي حقك تتفاجئ الظاهر عكرت عليك الجو مال استغفرالله.. ليش ضجتي رحمة مو انتي الرفضتي من طلب ايدج.. شبيج متعرفين شتريدين
رحمة: اخاف خربت اللحظة عليك
فاروق بتلعثم: ها رحمة شكو
رحمة: منو جان يمك
قطب حاجبة: ليش تسألين
رحمة: هيج...فضول، اريد ملابس المرتضى
فاروق: شتسوين بيهن
رحمة: ميخصك، استعجل بلا زحمة
احجي ويا واتهرب من عيونة.. اخاف ليلتقن عيوني بيهن وابجي.. محبيت هل منظر ابد وماريد افكر بي خاف انفجر بي وافضح نفسي'طيبة_الربيعي'
فاروق: اخ رحمة اخ، فوتي انتي اخذي التريدي
باوعتلة رافعة حواجبي: ماريد انتة جيب
فاروق: شبيج انتي لخاطر الله!
رحمة: شبية انتة شبيك، تنطيني لو شلون
فاروق: لتخافين ماعتدي عليج رجال شابع اني
رحمة: اي داشوف هل شي
فاروق: لا حول ولا قوة إلا بالله
دخل شوية ورجع بيدة ملابس مرتضى
فاروق: هاج، بعد امر خدمة
باوعتلة بعتب: الجانت يمك بنت ليل؟
تفاجئ ومحجة شي.. عفتة ورجعت نزلن دموعي بالطريق.. ليش مقهورة شديصيرلي.. ليش اضوج واني الرفضتة.. اي اضوج لعد ليش لا.. شنو يهتملي ويبوسني ويجي البابي يريدني ارجع وتالي متالي يتونس وية بنات الليل وفوگاهة ابيتة..
عالأقل احتراماً الية روح برة سويهة مو هنا.. ولو ماخذ راحتك مرتضى يمي وتلعب بكيفك..'طيبة_الربيعي'
غسلت المرتضى وبدلتلة ورجعت نومتة.. بس اني مگدرت انام رغم محاولاتي.. ايه يا رحمة شوكت يرحمون بحالج خلگ الله..
غفيت ورة صلاة الفجر.. من گعدت شفت مرتضى بعدة نايم.. گمت علة شغلي كالعادة.. سويت حلويات وخليتهن بالفرن.. دانضف الطباخ جان يدخل فاروق.. سويت نفسي ممهتمتلة.. هو گعد عالكرسي مال ميز
فاروق: صباح الخير
رحمة: صباح الخير
فاروق: مرتضى بعدة نايم
رحمة: اي
احجي من ورة خشمي مقهورة حيل ومعصبة عليه.. شبسرعة اخذت راحتك مو عساس متقربت من جنس حواء من طلگت الي هسه.. كذاب..
سكت شوية بعدين گال
فاروق: ماكو ريوگ'طيبة_الربيعي'
رحمة: مفارغة روح تريگ وية الولد
فاروق مستغرب وبحدية: ليش هيج اسلوبج صاير، مو ابتعدنة بعد شتريدين اعبدج
مباوعتلة: شبي اسلوبي كلشي مابي، اذا ضايج وتريد واحد اطلع حرگتك بي فااني الشخص الخطأ، مابية حيل احجي من الصبح
فاروق: رحمة شبيج
رحمة: مابية روح لتشغلني
گام دفع الكرسي: خوش سم تسممت اشكرج
أنت تقرأ
رحمة
Romanceتناثرت قطع طفولتي، انوثتي، برائتي... ببساطة ...هدم الذئاب حياتي رغم كل ذلك نسيت أن الله سبحانه يمهل ولا يهمل مد لي يد العون بعد صبرٍ طويل ... رحمة...ذات التاسع عشر سنة تُجبر على الصراع مع عثرات الحياة بمفردها.. مقطوعة من شجرة.. يتيمة الأب.. فاقدة ال...
