#رحمة
#طيبة الربيعي
||البارت الحادي عشر||
رحمة: اني اعتني بمرتضى من انت مشغول بس بالمقابل تساعدني الگة اخوية اذا عايش
ضحك: اني اساعدج بدون مقابل
رحمة: متقصر بس اني اريد اسويلك شي بالمقابل، خلي مرتضى يمي من تكون مشغول'طيبة_الربيعي'
فاروق: ماريد اتعبج
رحمة: ماتعب صدگ مرتضى مونسني
فاروق: ماشي، بس مو توكلي حلا هواي مو زين عليه
رحمة: تمام، بس ليش يعني كل الجهال يخربون عالحلا
فاروق: مو اخذتة قبل شهرين للمستشفى فحص عام عندة نسبة قليلة من خطر الاصابة بالسكري اذا ياكل حلا هواي يصير بي سكر
رحمة: يااا شنو هاي، منيلة قابل هو جبير
فاروق: مادري يمكن وراثة من امة
رحمة: خطية، غير تخبرني من الأول جان قمشرتة بغير اكلة
فاروق: هسه تعرفين بعد وكلي بس مو زيادة عن اللزوم ومو يومية مرة بالاسبوع هواي كافية
رحمة: ماشي
بقينة ساكتين لكم دقيقة.. قطع الصمت هو من گال
فاروق: شمخلصة انتي؟
رحمة: قصدك دراسة؟
فاروق: اي
رحمة: سادس ابتدائي
تفاجئ: وليش مكملتي'طيبة_الربيعي'
رحمة: حالتنة مجانت تساعد، وماما مريضة منو يعنيهة غيري اخوية بالشغل وبس هية تبقة بالبيت
فاروق: يعني شايلة المسؤولية من الصغر
رحمة بحزن: ممم
فاروق: اذا تريدين تكملين ليش متكملين هسه، اجيبلج كتب تمتحنين ثالث متوسط واذا نجحتي تمتحنين خارجي سادس اعدادي وادخلين جامعة او معهد
رحمة: تتوقع الية واهس للدراسة بعد، حتة لو ردت اكمل ماكو تركيز ومراح استفاد شي من الشهادة جان استفاد اخوية الي مخلص معهد معلمين
فاروق: حقج، بلد مابي حقوق واحترام للمتعلمين
رحمة: اي والله، زين انتة شمخلص
فاروق: مرحلة ثانية هندسة وبطلت
رحمة: ليش
ضحك: صعدت بالدفرات ماحب الدراسة بس والدي الله يرحمة جان يخلي الوايرات تهلهل علية
ضحكت: الله يرحمة، اني حروح انام نعست، باجر جيبلي مرتضى مو تنسة
فاروق: انشاءلله مانسة
گمت: تصبح علة خير
فاروق: اجمعين
أنت تقرأ
رحمة
Romanceتناثرت قطع طفولتي، انوثتي، برائتي... ببساطة ...هدم الذئاب حياتي رغم كل ذلك نسيت أن الله سبحانه يمهل ولا يهمل مد لي يد العون بعد صبرٍ طويل ... رحمة...ذات التاسع عشر سنة تُجبر على الصراع مع عثرات الحياة بمفردها.. مقطوعة من شجرة.. يتيمة الأب.. فاقدة ال...
