رحمة

بارت 6

#رحمة
#طيبة الربيعي
||البارت السادس||

بقيت مكابلة ماما وكاعدة ماعرف شكد وقت مر الة لمن صحيت علة صوت خالة ام عبير تكعدني وتكلي الدكتور يريد يحجي وياج...

رحمة: ليش خالة ساعة بيش
ام عبير: بالتسعة الة شوية، كومي خالة شوفي الدكتور شيريد يحاجيج حتة ترجعين وية حسين واني هنا باقية يم امج
رحمة: لا خالة عفية اني ابقة يم ماما بس انتي هم لتعوفيني اخاف وحدي
ام عبير: دكومي برة نحجي لتفززيهة خطية

باوعت الماما عيوني انترسن دموع.. اوف يا حسرتي اذا صار عليج شي عمري مراح اسامح نفسي..

طلعنة من سديت الباب وانداريت شفت حسين واكف ومنتجي عالحاية وجتف ايدة

باوعت لخالة: وينة الدكتور خالة
ام عبير: امشي اوديج'طيبة_الربيعي'
حسين:كعدي يمة اني اوديهة، يلة رحمة

مشينة بالكوريدود لحد ما وصلنة الغرفة الدكتور

رحمة: ماكو داعي تبقة واذا تريد روح للبيت
حسين: شنو هل حجي رحمة، فوتي هسه مو وكت حجي

جريت نفس.. ذبيتة ودكيت الباب.. صاح الدكتور فوت.. فتت سلمت وكعدت.. هو يحجي واني گلبي علة ايدي

الدكتور: بنتي امج وضعهة جداً حرج، اني ماريد اخوفج بس لازم تقلقين علة حالتهة وتحاولين قدر المستطاع متخليهة ادوس علة رجلهة هواية، انصحكم تشترولهة كرسي متحرك علمود اطلعوهة بدون مشي، والاهم من كل هذا حالتهة النفسية، من صحت امج لحد ما نامت بس تبجي وتون وتهذي بأسم رحمة وكلام محزن، اني مادخل بخصوصياتكم بس اذا تريدين تحافظين علة صحتهة وبالاخص حالتهة النفسية واجب اتبعديهة عن كلشي يوترهة او يقلقهة، لان يا بنتي والدتج مهددة بجلطة بأي لحظة ممكن تصيبهة وعلاجهة بعد يم الله ويمكم