#رحمة
#طيبة الربيعي
||البارت الرابع||
هيثم: رحمة انتي ماعندج اخوان
دمعت عيني اتذكرت علاء.... الله يرحمك يا حزام ظهري
رحمة: لا استاذ
هيثم: زين محد من اهل ابوج اهل امج يسألون عليكم
رحمة: مشايفتهم ولا اعرفهم
هيثم: يعني شلون
رحمة: والله ماعرف شي عنهم، ماما متحجيلي تكول مطشرين بالمحافظات
هيثم: ابد ميسألون عليكم؟
رحمة: لا'طيبة_الربيعي'
خليت الريوك عالميز وباوعتلة
رحمة: تأمر بشي ثاني استاذ؟
هيثم: اي كعدي خل اسولف وياج، ماحب اكل وحدي
ياا عزة العزاني وين اكعد واني بس اريد اخلص من نظراتة الي مينحرزن
رحمة: مو استاذ وراية شغل
هيثم: رحمة اشو متسمعين الكلام
رحمة: لا استاذ اعتذر مو هذا قصدي
قاطعني: دكعدي ولتعيديهة مرة ثانية
كعدت وسلمت امري بيد الله.... مدنكة وافرك بيدية وهو ياكل ويباوعلي
هيثم: زين ابوج معافلكم شي كاع بيت محل تعيشون منة
رحمة: لا استاذ ابوية جان فقير الحال وعدنة بيت ملك ساكنين بي بس يخر علينة بالشتة وبالصيف يحركنة من الحر
هيثم: هممم
دخلت نور ونقذتني.... بس لعبت نفسي من شفتهة معقولة تباوع بوجه اخوهة ولا كأنما مسوية شي.... زين ميأنبهة ضميرهة؟
كمت: تفضلي ست نور هسه احضرلج الريوك
كعدت: ممم
هيثم: شوكت دوامج
نور: بالتسعة ونص
هيثم: وهسه بالتسعة يعني راح تتأخرين
نور: لا ماتأخر
بعدها تريكو بصمت واني مصدكت رحت للهول اعزلة وافكر...صدك يجيني اول راتب وبعدها ابطل اني شورطني وية هيج ناس...
البنية استغفرالله والولد ممرتاحتلة... لليل خلصت شغلي وداريد اروح
رحمة: من رخصتكم اذا متحتاجون شي لاخ اني اروح'طيبة_الربيعي'
هيثم: وين تروحين
رحمة: للبيت غير
هيثم: لا صعدي نضفي غرفتي وعود روحي
ملك حجت: هيثم شغلهة خلص ماما متفقة وياهة ورة العشة تروح، روحي رحمة الله وياج
طلعت وعفتهم يبادلون النظرات بطريقة مخيفة... المفروض كلمة هيثم تمشي بأعتبارة الجبير بس شفت ملك سيطرت من دون رضاتة...
اوف بس ذبني التكسي عالشارع العام حسيت براحة مو طبيعية... واخيراً اشوف ماماتي وانام بحضنهة... يا ناس ماكو اريح مكان من بيت الواحد... ياخذ راحتة ويسوي الي يعجبة حتة لو جان غرفة وحدة... المهم ممتقيدة...
مشيت بالشارع ولمحت حسين واكف ابابهم، اعرفة ينتظرني ارجع وهل شي كلش ديضوجني عبالك متسلط علية...مشيت البيتنة ومهتميتلة... دخلت ماما كاعدة من شافتني حجت بعصبية
'طيبة_الربيعي'
أنت تقرأ
رحمة
Romanceتناثرت قطع طفولتي، انوثتي، برائتي... ببساطة ...هدم الذئاب حياتي رغم كل ذلك نسيت أن الله سبحانه يمهل ولا يهمل مد لي يد العون بعد صبرٍ طويل ... رحمة...ذات التاسع عشر سنة تُجبر على الصراع مع عثرات الحياة بمفردها.. مقطوعة من شجرة.. يتيمة الأب.. فاقدة ال...
