رحمة

بارت 20 والأخير

#رحمة
#طيبة الربيعي
||البارت العشرون والأخيررررر||

خابرت نسرين ابچي.. گتلهة تعاي حاچي علاء ماريد ارجع.. اجتي بس علاء عصب

علاء: يعني شلون جاي رمضان رجلچ منو يداري، وانتي حامل لچ بابا الله مايرضاهة
نسرين: لعد هو ليش مسأل عليهة، لو رايدهة هو اليجي يگلك اريد ارجعهة مو انتة تروح تگلة'طيبة_الربيعي'
علاء: هية الطلعت بدون شورة ومفتهمت منة الموضوع عدل، هاي هية براحتچ رحمة الرجال يحبچ وشاريچ بس انتي غلطتي ولازم تصلحين غلطچ، واذا هذا ماتريدي اليوم احاچي وتطلگون من اجيبين خوما تضلين معلگة
رحمة: بس اني ماريد اطلگ منة
علاء: والله حيرتيني لعد شتريدين!
رحمة: ماشي ارجعلة خلاص
علاء: رجعي واذا شفتي عليه شي غلط مرة ثانية مطلعين من البيت خابريني اني اجيچ واسويهة رطينة عليه

علاء كل همة انو ما اطلگ وانكسر واني فعلاً مفكرت بيهة.. ميخالف هو زوجي وحبيبي مراح يصير شي سلبي اذا بادرت وحاولت اجبر بخاطرة.. لان فعلاً غلطت من گتلة كذاب وچمالة گدام علاء اكيد فشل..

اوف مشتاقتلة مووووت.. شلون گدر يفارگني هم مقهور علية لو بس اني😞..

مخابرة علاء گال باچر من اروح للشغل احچي ويا وجع الوجه احسن.. ونسرين تجي الصبح تبقة يمي.. ثاني يوم بقيت انتظرة علة نار

نسرين: رحومة علاء گال منبدي نحضر الة لمن اشوف فاروق ورحمة متصالحين لو تدرين شگد مقهور
رحمة: شسوي يا نسرين غير هو ضم علية، يعني لو ما مكتولة وابيتي ماطلع قبل لا افتهم منة
نسرين: هم حقچ اصلاً هو الغلطان بس تعرفين بي يحبچ، من ترجعين حاولي تعرفين ليش اطلگو وليش معتبرهة ميتة شنو الي خلاه يضم عليچ
رحمة: اكيد استفسر منة من حقي اعرف'طيبة_الربيعي'

علاء اجة بليل وصل نسرين ورجع.. تعشة وبعدين صاحني

گعدت: ها شگال
علاء: والله شأگلچ يعني من عرف طار من الفرح وگال باچر اجي عليكم، بس رحمة هواي ضايج منچ علة هاي الكلمة مال چذاب
رحمة: قابل اني اشم ايدي غير عبالي كذب علية
علاء: انشاءالله ترجعون مثل قبل واحسن، وماوصيچ بي فاروق وردة والله يعني الله يحبچ رزقچ بهيچ انسان، يعني اني هسه اذكر الماضي واتعجب شلون چنة عايشين وهسه شلون صرنة، وتريدين الصراحة بديت احس بأشتياق لأمي مادري يمكن لأن اذكرتهة
دمعت عيني: الله يرحمهة، واني مشتاقتلهة هواية

بقينة نسولف بالماضي.. وهم حچينة علة خطوبتهم هو ونسرين يگول ورة رمضان گبل اروح اخطبهة وبهل فترة يريد يدور بيت اكبر بس هذا ميبيعة يگول من ريحة اهلنة..

ثاني يوم عدلت نفسي وحضرت.. الظهر اجة حبيبي.. دخلت بيدي صينية العصير والحلويات.. ابتسمتلة مبادلني.. يلة ميخالف بعدة ضايج