رحمة

بارت 2

#رحمة
#طيبة الربيعي
||البارت الثاني||

رديت

رحمة: الو
الو، مرحبا انتي رحمة؟
رحمة: اي نعم، منو وياية
اني من طرف ام عبير وطلبت رقمج بخصوص الشغل احتاج شغالة للبيت
رحمة: اها تفضلي اني بالخدمة
اني ام هيثم موضفة وزوجي ملتهي بشغلة مو دائما بالبيت واني همينة كذلك، بناتي ثنينهن يدرسن ووقتهن محدد ميكدرن يشيلن البيت وابني بالشغل ميجي الة للنومة، فاذا يناسبج المدخل تبلشين من باجر
رحمة: ماشي ام هيثم انشاءلله ماقصر وياكم بس اذا متصير زحمة ممكن اعرف شكد المدخل
ام هيثم: اني مفكرة 500 كل شهر، بس تجين باجر ونتفق علة كلشي، شتكولين؟

يمة 500؟؟؟ اويلي جنهة الدنيا ضحكتلي هواااي 500 خير من الله.... بس محبيت ابين فرحتي شتكول علية المرة مشايفة... هو صدك مشايفة

رحمة: تمام، بس اريد العنوان

انطتني العنوان بعيد... زين اني شلون اروح
'طيبة_الربيعي'

ام هيثم: واذا تحبين ادز السايق عليج بين ما تندلين وتكومين تروحين وتجين وحدج
رحمة: لا ام هيثم متقصرين، اني اجي وحدي
ام هيثم: ماشي، لعد حدزلج العنوان برسالة حتة لتنسي
رحمة: ماشي

ختمتة وياهة وسديتة... 500؟ ياربي الف الحمدلله والشكر فدوة اروحلك هيج واعالج امي واكبر بيتنة واعيش كأي بنية؟

بس بقت شلون افتح الموضوع وية ماما وهية رافضتة ممنوع منعاً باتاً علية اشتغل ببيوت العالم...
لكن ميهم لازم اتعلم وحدي ولازم اكافح واجاهد علمود المعيشة...

جانت دنيا ليل وماما تقرة قرءان بهيج وقت...من تقرة صوتهة حلو وترتل يخبل يطلع الكلام من حلكهة...

رحت كعدت كبالهة مبتسمة ومنتظرتهة تخلص.... استمتعت بكلام الله سبحانه....فعلاً القرءان راحة نفسية وبسماعة تهدأ النفوس...

هية شافتني هيج خلصت الآية وكالت صدق الله العظيم وباوعتلي'طيبة_الربيعي'

ام رحمة: ها رحمة يوجعج شي يمة
رحمة: لا يوم كلشي مابية، بس اريد اكولج شي حتة بعدين متكولين ضمت علية
ام رحمة: اذا عالشغل انسي الموضوع ولتفكرين تفتحي اصلاً

تقربت واخذت ايدهة بستهة

رحمة: يوم لتقيديني وتعرفيني تعودت اشيل البيت والمصروف اجيبة بتعبي، يعني دتشوفين الخياطة كسرت ظهري وأذت نظري كلش داتعب بيهة واحتاج شغلة غيرهة علمود نعيش
ام رحمة: واني اخليج تشتغلين خدامة ببيوت الناس، منعرف اصلهم فصلهم منين ادور يسطي عليج واحد منهم وياخذ شرفج
رحمة: يوم وين عايشين احنة قابل هية مسلسل وواحد يسطي علية وياخذ شرفي، انتي مو تعرفيني رجال ومحد يكدرلي حتة سجينة من اطلع اشيل وياية، والمرة خابرتني ماعدهة بس ولد واحد ووقتة كلة بالشغل حتة هية متشوفة ورجلهة يسافر شهر ويجي كم يوم، بس بنات ثنين عندهة وثنينهن يدرسن ملتهيات بدراستهن، يعني تحتاج وحدة تقوم بواجبات البيت فقط لا اكثر'طيبة_الربيعي'
ام رحمة: ولج يمة شلون أامن عليج اني هو انتي يمي واخاف عليج لا واحد يطب علينة ويكتلني وياخذج، عوفينة من هاي السالفة الله يرضة عليج مابية حيل اخسرج انتي همين
بست ايدهة مرة لخ: اروحلج فدوة يوم اني اصير النعال التمشين بي اسوي كلشي علمود ارضيج واعيشج عيشة هنية
ام رحمة: الله يرضة عليج بنتي ولتكولين هيج انتي بنيتي طالعة من كلبي شعندي غيرج
رحمة: ماماتي اذا تحبيني خليني اشتغل علمود المصروف يزيد والله مديكفي واني ماحجي علمود ماقهرج، بس هسه انتي تريديني تمنعيني من رزقي وتبعديني عن الشغل الي يعيشنة عيشة طيبة
ام رحمة: يمة واشناقصنة احنة هسه، واذا علة علاجي عوفي كلمن ويومة اذا اجة يومي لا علاج يفيد ولا هم يحزنون
بست ايدهة هل مرة حيل: يمة غير اموت وراج، شلون ينطيج كلبج تعوفيني وتعرفين مالي احد غيرج بهل دنيا'طيبة_الربيعي'
ام رحمة: رحومة بنيتي اريدج توعديني اذا اشتغلتي متخلين احد يدنس شرفج ويشوه سمعتج، يمة انتي بنية لا اب ولا اخ والذيابة البرة ماتخاف ربهة من يشوفون لحمة طرية يهجمون عليهة بلة رحمة، وانتي يا رحمة بنية كلشي بيج حلو حتة من تحجين صوتج يجذب وضحكتج تحيي الورود البداخل ادم