رحمة

بارت 15

#رحمة
#طيبة الربيعي
||البارت الخامس عشر||

دخلت گبل خليت القوري عالميز وگعدت ابچي.. هاي هية اني ممكتوبلي اعيش ولو يوم براحة.. شنو رحمة انتي صدگتي يحبچ.. ميهمة غير رغباتة وشهواتة..

بيومهة النوم مزارني ودموعي تصب مثل المطر.. مرتضى يمي وابوه نايم بحضن بنات الليل.. اباوعلة نسخة منة.. حواجبة عيونة حلگة..

تذكرت من باسني.. ديسويهة وية غيري هسه.. اوف ياربي مداتحمل اتخايل الموقف يسوي وية غيري..

معقولة بهل سهولة گدر يفرط بية.. هسه اني شسويت!! سويت مثلة!!! لا مسووويت.. ليش هل عقاب يا الله راح امووووت..

لبست حجابي وطلعت للحديقة.. گعدت عالمرجوحة وعيني عالباب بلكت يرجع ويگلي مسويتهة متدنت نفسي لغيرچ.. بقيت گاعدة بالساعة.. ماكو..

رجعت وكلي خيبة.. لگيت مرتضى يبچبي

رحمة: اسم الله حبيبي هياني يمك'طيبة_الربيعي'

نزعت حجابي وتمددت بصفة اجة بحضني.. حضنتة وبستة.. حبيبي.. بقيت العب بشعرة لحد ما نام.. عيوني منسدن عبالك دخل بيهن ملح..

لوجه الصبح اني منايمة.. طلع الضوة گمت بدلت وطلعت.. محد گاعد.. گمت افتر بالبيت اشوف اذا شي وصخ.. ماكو شي.. لهيت نفسي بالتحضيرات للريوگ..

اليوم مالي خلگ اطلع اقدم اريد ابقة بالمطبخ.. همزين يجون البقية اليوم يساعدوني..

بعد ما الكل صحى سويت الريوگ والبنات اخذو.. بس اريد الهي نفسي حتة ماذكر..

ولو شينسيني وريحتة بعدهة بخشمي.. كل كلمة گالهة تبخرت بفعلتة هاية.. اتهنة انتة واني گلبي المحروگ هو ميلوگلي الفرح.. اني گلبي تعود عالأذى..

بس هل وجع مو طبيعي.. يدگ بصدري وبنص گلبي.. اااخ بس اتخايلة يسويهة دموعي ينزلن وعبالك نار وتشتعل بصدري..

خابرتني نسرين گتلهة راح.. بقت تحجي وتواسيني ومن هل حچي.. بعدها راحت رادوهة.. ايه يا نسرين تريدين تحبين وتنحبين.. ماتمنالچياهة اذا مثلي..'طيبة_الربيعي'

غسلت الهدوم ومبقيت شي مسويتة.. اريد اقتل الوقت والافكار السلبية.. للعشرة بليل انتظرت مرتضى يجي لان گلي حلعب وية ماكس شوية واجي.. بس بيومهة مأجى عرفتة نام يم ابوه..

رحت لفراشي تمددت وابواع بالزاوية.. شيصير لو يرجع اخوية واخذة ونبتعد منا.. بس يبقة گلبي هنا.. شنو الفايدة..