#رحمة
#طيبة الربيعي
||البارت السادس عشر||
نسيت الي بيني وبين فاروق من جاب طاري اخوية.. المفروض افرح بس تملكني خوف وقلق من الي حسمعة
رحمة: تفضل، فوت
دخل.. سديت الباب وگعدنة عالبساط بالگاع
رحمة بخوف وقلق: عرفت شي عنة؟
فاروق: اجاني خبر شاكين بواحد اخوچ، نسخة منة بس اسمة وعشيرتة غير
گلبي رجف: يعني مو اخوية'طيبة_الربيعي'
فاروق: مندري احتمال چبير اخوچ مغير اسمة والسبب ممعروف، بس اخذچ ونروح البيتة نشوفة وانتي اكيد راح تعرفين اخوچ لو لا
دمعت عيني: مستحيل اخوية، ليش لحتى يغير اسمة
فاروق: زين هو مچانت عندة عداوة وية احد
رحمة: ابد يروح ويجي وية ولد جيرانة وگلب علة گلب متربين سوة ماعندة زايدة ناقصة وية احد
فاروق: مو اكيد هل شي لان ماكو سبب مقنع غير هذا، والا ليش يختفي ويغير اسمة
رحمة: والله ماعندة شي اني اخوية واعرفة، زين منو گلك هو يعني شافو صورتة
فاروق: اي مو وكلت جماعة ينشروهة علة مواقع التواصل وبقناة...... وطب علية واحد گلي جيرانة هذا قبل فترة هيج چم سنة انتقل هو وعائلتة لهنا
رحمة: عائلتة شنو يالهي حتخبل
فاروق: اذا اخوچ فأكو أنة بالموضوع، واحتمال چبير اخوچ رحمة لان اسمة موجود من ضمن المفقودين مو من المتوفين الرحتولهم چذبو عليكم
بچيت: زين شنو مصلحتهم يكذبون اخوية ممأذي احد ولا متعدي علة احد
متحملت دموعي خانني وخنگتني العبرة.. دنگت راسي وغطيت وجهي
فاروق: رحمة لتبچين گولي يا الله نروح نشوفة والله كريم، رحمة
'طيبة_الربيعي'
هو يحچي واني مو بيدي ميتة قهر ليش هيچ صار.. تقرب گعد يمي ويحچي وياية
فاروق: مدام مموجود من ضمن الوفيات يعني عايش واني داسوي كلشي يطلع بيدي حتة الگاه، بس اذا انتي من احچيلچ تقهرين بروحچ وتبچين مراح نوصل النتيجة واني راح ابطل احچيلچ شي
رحمة: اذا مو هو شلون، صار عندي امل يطلع عايش شلون اذا ميت
وخر ايدي ومسح دموعي.. عيوني بعيونة من يحچي ويواسيني لگيت بي الحنان الي فقدتة بروحة اهلي
فاروق: ما ميت اخذيهة مني الولد تأكدولي ما ميت بس الله اعلم شنو الضروف المر بيهة، لعيونچ اگلب الدنيا واطلعة من جوة الگاع، مشتاقلچ ومرتضى خابصني بيچ يضل الليل كلة واگف علة راسي مينام يگول اريد اروح يم رحمة
ابتسمت ودنگت: اني هم مشتاقتلة
فاروق: ااه؟ چا وابو المگرود ماشتاقيتيلة
رحمة بخجل: اشتاقيتلة، بس هو بذات
ضحك: ادورين مشاكل انتي واذا منچ اني اشتريهة شراية
باوعتلة وضحكت: چان جبتة وياك
فاروق: شو علاقتكم مطورة زيادة عن اللزوم، ليش ماجبتة وياك وذاكة اريد انام يمهة، ترة بديت اغار
ضحكت: غير حبيبي
ضربني راشدي خفيف: لچ احچي عدل
رحمة بتصنع: شنو احنة مو متزاعلين شو تضربني
ضحك: منو گال
فاروق بجدية: رحمة
رحمة: ها
فاروق: عندي طلب قبل لا اخذچ اتشوفين اخوچ
رحمة: اي شنو هوة
فاروق: نتزوج'طيبة_الربيعي'
أنت تقرأ
رحمة
Romanceتناثرت قطع طفولتي، انوثتي، برائتي... ببساطة ...هدم الذئاب حياتي رغم كل ذلك نسيت أن الله سبحانه يمهل ولا يهمل مد لي يد العون بعد صبرٍ طويل ... رحمة...ذات التاسع عشر سنة تُجبر على الصراع مع عثرات الحياة بمفردها.. مقطوعة من شجرة.. يتيمة الأب.. فاقدة ال...
