رحمة

بارت 18

#رحمة
#طيبة الربيعي
||البارت الثامن عشر||

مصطفى: مادري اني صحيت لگيت نفسي بين الاف الجثث والريحة تكتل مستوعبت بالبداية لان اريد اذكر شي ماكو، بس اسمع اصوات تجي من فوگ واصوات طلق وعياط، شوية وشفت جثة ادحرجت من فوگ وصارت بصفي، اني من شفت هذا الموقف اختنگت وعبالك هسه يلة استوعبت اني وين، كل الافتهمتة اني مو بأمان وصايرة مجزرة هنا ومو مال العب السباعية واعيط لو اسوي شي، بس اسمع اصواتهم قريبة واني عبالك بوادي وفعلاً طلعت بوادي، حركت نفسي وادحرجت لجوة شوية، لمحت من بعيد شارع تبليط فمن صارت دنيا ليل اني شردت مالگيت احد بس اركض وروحي مايعة متروس دم واحس رجلي تصل علية، من شفت الملثمين وكل واحد هو وسيفة ورشاشتة ضليت اتختل منا ومنا لحد ما لگيت الشط گبالي، وهذا الحچي اني ايام علة هذا الوضع اريدلي فد طريقة اتخلص من هذا المكان وشكم هبطة شبعت لحد ما لگيت السباحة الوسيلة الوحيدة التعبرني لذاك الصوب، وسبحت لحد ما انگطع نفسي وگمت ماشوف شي ورجلي تصل علية گلت هاي هية خل اغرگ حيل ماكو بعد، بس سبحان الله سبحتلي چم مترة وبعدهة حسيت برجلية وصلت للبر، ومناك اني مادري منين اجتني القوة طلعت من المي وركضت، ضليت هم يمكن باليومين اتختل والنزف يزيد ميقل، ماگدر احچي المعاناة هواي، المهم من وصلت لذني البيوت الصارن گدامي شفت بستان ركضت طبيت بي، وهناك بعد ماحسيت لان نزفت هواي وفقدت الوعي'طيبة_الربيعي'، ومن صحيت لگيت نفسي بغرفة ومتمدد علة فراش ويمي ادوات تنضيف ودم يمكن مني، وبعدها شفت الحجية الله ينطيهة ماقصرو وياي هية وولدهة جازفو بارواحهم لخاطر يطلعوني مناك لان العرفتة الدواعش ميقبلون بالروافض يسمون الشيعة الروافض، والحجية الله ينطيهة جابتني لهنا هية وابنهة لگرايبهم وطلعولي جسنية جديدة ودخلوني بعشيرتهم، بس مشاكل هواي صارت وخطر مو طبيعي، واني كلشي ماذكر عبالك انولدت من جديد وهاي كل المسألة

هو يحچي واني دموعي تجري بحرگة ومدريت بنفسي گمت اشهگ الة لمن الحجية گالت

ام مصطفى: خالة مادامة طلع عايش عليمن تبچين الله ميعوف عبدة بحيرة، وهذا مثل ما تگولون علاء الله شاهد اعز من ولدي علية مانطيت بي من ذاك اليوم لهذا اليوم
فاروق: الله ينطيچ حجية ماقصرتي وهذا السويتي رجال مايسوي ومايروح تعبچ ابلاش، وحمدلله علة سلامتك علاء ربك كتبلك عمر جديد
علاء: الله يسلمك خوية الحمدلله، رحمة يعني هسه انتي اختي صدگ لو شقة

گمت من مكاني گعدت يمة وحضنتة واشم بي.. ممصدگة عيوني ممصدگة اخوية عااايش.. هو محضني ولا شي ميذكرني ابد بس اني گلبي نار عليه

فاروق: اعذرهة رحمة تحبك حب مو طبيعي وصارلهة هواي منتظرة رجعتك'طيبة_الربيعي'
علاء: هسه اني كلشي ماذكر الدكتور گلي مادامك مامرتبط بالماضي ولا تشوف واحد من اهلك مستحيل تذكر، بس هسه اذا رجعت وية رحمة يجوز ترجعلي ذاكرتي
ام مصطفى: اكيد ترجعلك يمة مابيهة مجال
فاروق: حجية اذا متصير زحمة عليچ ماخذ علاء ويانة
ام مصطفى: اخذو يمة بس لتحرموني من شوفتة هذا وليدي
علاء: يمة اني ماعوفچ واروح، تجين وياي
ام مصطفى: لا حبيبي وين اجي وياك ماگدر اعوف عبدالله، روح وية اختك واني اجيك وتجيني منگطع
فاروق: حجية اذا تريدين تجين ويانة الله شاهد نحطچ فوگ روسنة
ام مصطفى: تسلم روسكم يمة اني هنا وليداتي ماگدر اعوفهم واروح ماتقصرون بس بعد علاء امانة عندكم
فاروق: بعيونة علاء واختة