... ..:
البارت الرابع عشر.... ((براءه الورد)) بقلم«« سموو العراق»» «« صباح الخير لاحلئ طير صباح الحب لاطيب قلب صباح الهنا لعمري انا💓»» فتحت عيونها بخمول طاغي على جسمها بسبب تاثير المنوم رمشت اكثر من مرة شافته كاعد على الكرسي وهو نايم حاط ايده جوه خده وساند نفسه لابس قميص نيلي وبنطلون وضاهر مابدل ملابسه رئسا اجه يمها دققت بوجهها كانت ملامحه حلوة وماتعبر عن قساوته فقط حواجبه المعقودة تعبر عن خوفها منه فتح عيونه وشافها تتاملها لكن سرعان مالفت وجهها لجه الثانيه ابراهيم بحب //صباح الخير ياطير.... جميله بدون نفس //صباح الخير.... شافها تحرك نفسها تريد تكوم كام الها بسرعه وهو يحاسبها. ابراهيم بزعل //انتي ليش متكليلي اريد اكوم حتئ اساعدج. جميله بحقد//شكرا مااريد مساعدتك مالك شغل بيه اما هو مااهتم الكلامها شالها واخذها للحمام وهي تسب وتضرب بي ضربات ضعيفه ومفزوعه لكن دون جدوى نزلها على الارض وهو يثبتها على المغسله ويحاول يفسل وجهها اما هي ضربته على ايده ومنعته من غسل وجهها. جميله بعصبيه// انته شبيك مااريدك روح روح شكد لزكه. ابراهيم بضحكه//اسكتي يازعطوطه ماكله باجه من الصبح شكد تحجين لك لك لك كافي سطرتيني. جميله وهي تقهرة//زعطوطه احسن من الشايب روح بابا روح جماعتك شبعووو مي ورد بالمقبرة. ابراهيم بحب //صايرة حشاشه جوجو يعني ترديني امووت؟؟ جميله باستنكار//لا ضل لتموت لخاطر لمياء مو لشئ،ثاني. ابتسم عليها ومسكها من خصرها وهو يثبتها على صدرها اما هي غسلت وجهها وهو ينضر لها بالمرايه جميله رغم الجراح والالم نزل نفسه المستواها لان هو طويل وهي قصيرة وقبلها برقبتها بحب نصدمت برعب وهي تبعده عنها متريد تعود الها ذكرئ اغتصابها الئليمه ضلت تبكي وتصرخ بوجع وهي تضرب بي بضعف حضنها بقوة وهو يهديها اذا تحركت اكثر راح تائذي ضهرها ثبتها بحضنها وهو يطمنها. ابراهيم بحنان//اش اش اهدئ لا تتحركين. جميله ببكاء وخوف // عوفني عوفني خنكتني اااه لا تلمسني. ابراهيم بحب //ااااااش لا تخافين والله ماالمسج اسكتي. شالها وطلعها من الحمام وهي دافنه وجهها بصدرة وتبكي بألم نزلها على السرير وهو يسمي عليها ندق الباب ودخلت ام محمد طبعا ام محمد نايمه يمهم من ضربها لحد الان أم محمد بخوف// هااا يممه جميله شبيج بعدج موجوعه؟؟ جميله تبكي بالم قاتل//اي اي موجوعه حتئ قلبي يوجعني ام محمد بندم//سلامه قلبج حبيبتي هسه اسويلج ريوك وانطيج علاجج وصيرين زينه ماردت عليها جابت روان الريوك وعمتها وكلتها مااكلت بس قليل خلصت عمتها مسحت اديها وشفايفها بكنلكس رطب مبلل اما ابراهيم شربها علاجها وشربها منوم خايف عليها لا تدمن على الحبوب المنومة وصير مدمنه بس اذا مااخذت لعلاج راح تتاذئ بعد فترة نامت وراحت بغير عالم عالم يمكن ارحم من عالمها.........طلعت العمه ولبنات اما هو ضل جالس على الكرسي القريب على سريرها وهو يلعب بخصل شعرها الشقراء ومتندم لأن رعبها وخوفها باسها بوجنتيها الورديه وهمس الها بحنيه #سامحيني ياثاري. ««ياصغيرتي دعيني اداعب خصلات شعرك الشقراء ولا تخافي فاانا مداعب لها فقط مادمت حيا... ياصغيرتي كفئ بكاء .ومنحيني من قلبك الصغير بسمه ياصغيرتي الاوطان تتسع .. غازليني اشتقت لعينيكي الخضراء غازليني»» ********************************************** كانت مقهورة حييييييل وتاكل بنفسها اكل من البارحه لليوم ماشافته ولا كعد يمها اصلا صارله من ضربها لحد الان وهو مهمشها مسكت الموبايل بغضب وقررت تتصل بهتون حتئ لو جميله مريضه ومتكدر تكوم خليها تنفذ الخطه ......... نجلا بقهر //هتووون ابيج بكرة تنفذين لخطه. هتون //شفيج شفيج هدي وبعدين انتي مو تبينها تطيب وتنفذين الخطه ؟؟؟ نجلا بحقد //هذي ماناويه تموت كطوة بسبع ارواح والله جاي على بالي اسممها هتون بمكر//انه لوعندي مثل جمال زوجج كنت من زمان سممتها وتخلصت منها. نجلا بقهر //زوجي اوووف لوتشوفين كاعد وساكت عندها خايف عليها ام مشاعر ورديه تقلد. هتوون //يعمري خمس ايام ونفذ لخطه عشان لينفذها مسافر. نجلا //اوك مليت منها مليت تكفين خلصيني منها- ه... ..:تون //خمس ايام بالكثير وتلكين جثتها مرميه بااقرب مزبله. نجلا //الله يسمع منج. كان لحقد مالي قلوبهن على تلك الصغيرة المضلومه اليتيمه المكسورة يتوعدن ويخططن لدمارها بسبب الغيرة منتقمه لان ابراهيم صارله يومين يعطف عليها وبدون ضمير حكمت خطتها. ««عندما يموت الضمير... يموت الصدق... والبراءه.. الوفاء.. وكل القيم الساميه... تموت الفطرة على مذبحه شهواتهم...ومصالحهم ورغباتهم...يبدأون بتصنيع الاقنعه وتعليقها فيهيمون بها حقيقتهم.... وكل قناع يصنعونه اقبح من سابقه واكثر شروخا منه ... واكثر عرضه للسقوط...»» **********************************************حلقت الطائره فوق ارض الامارات تاركه ورائها اماني واحلام لم تتحقق ........ جالسه على مقعد الطائرة وهي شارده بذهنها وبالها بعيد كل لبعد قلبها المجروح محتار مابين العراق والامارات احساس بداخلها يكولها ان هي تركت الماسه فريده من نوعها داخل الامارات وعقلها. المشوش يحرضها للرجوع الئ ارض الوطن ضلت محتارة بس تعبت وهي بالامارات حلمها المصدوم وكلمه ماما لحد الان تجول بخاطرها تنهدت بحزن ومسحت دمعه يتيمه من عينها سهام بحزن//كاضم اني احس بروح نور بالامارات مو بالعراق. كاضم بعبرة//نور ماتت ودفنتها باارض لعراق سهام باختناق //بس نوصل للعراق اخذني لقبر نور لان احس قلبي راح يموووت مليت من الفراك محد عوضني عن نور ربي ماجبر بخاطري ما صار عندي طفل غيرها. كاضم وهو يخلي راسها على كتفه//الحمد لله هذا امر ربنا ماعندنه اعتراض على حكمته. سهام بصبر//الحمدلله سهام وهي تكلم نفسها بعبرة....اه يانور يا ماما كنت راسمه احلام بالي كنت افكر اخليج تكملين دراستج وتعيشين حياتج وتختارين لزوج المناسب واذا ضراج او ائذاج بكلمه راح يتحاسب ويتلقئ مني عقاب عسير .... هي لاتعلم بابنتها قد تلقت من الضرب والقسوة والكلام الجارح من لايتحمله اي بشر ولاتعلم بحالها لان مكسورة الجناح ومسكورة الخاطر مرميه بدهاليز الضلام لاتقدر على اعانت نفسها ««طفلتي انت رمز البيت...بوجودك تكتمل العائله ...وتصل الئ اعلئ مراتبها.... لكن كلامي الحزين لايفرح الا حين عودتها...»» ********************************************* لمياء بحقد//لبارحه سمعت عمتي دكول روان جاييها خطابه روان بلهفه//اي اي اقبل بااي شخص بس اريد ارتاح حاسه نفسي بخطر ابراهيم اذا عرف ماحيرحمني حيموتني. لمياء بكره //تستاهلين لمووت ياريت جميله تقبل احجي لابراهيم اله اخلي يعلك مشنقتج. روان وكعت على الارض وهي تبكي //شسوي شسوي حبيته وهو غدرني وجميله راحت وكانت ضحيته والله متت روحي طلعت عبالج اني فرحانه واني اشوف جميله تتعذب هاي اختي بس شسوي والله والله اخاف احجي اخاف. لمياء بقسوة //يطبج مرض ياحيوانه .... خلت وطلعت تاركه وراها روان لي تبكي بندم وحسره لكن اذا فات لفوت مينفع لصوت طاحت بيها تلك المسكينه الصغيرة. **************************************************طلع من البيت راح يحجز الها عند دكتور معروف بالامارات للعلاج الطبيعي شافه واقف امام باب بيتهم بسيارته. ابراهيم بغضب //خير شتريد شعندك هناااا. محمد بكراهيه//جاي اشوف بنت خالي. ابراهيم بهدووء //خالك بالكبور الله يرحمه وبنت خالك ازوجت وزوجها يغار عليها ميقبل تواجه اي شخص وبذات انته. محمد بحيرة//انت ليش خبيث؟؟؟ ابراهيم بنفس لهدووء//وانته ليش حقير.؟؟ محمد حب ينهي الموضوع //ممكن تصيح امي اريد اخذها بما ان انت متقبل ادخل لبيتك. ابراهيم تركه ورجع للبيت ام محمد كانت جالسه عند جميله. دخل لغرفت جميله ابراهيم وهو ينضر لجميله يريد يشوف ردت فعلها طبعا جميله متحب محمد ولا عدها علاقه بي بس محمد يحبها بجنون. ابراهيم //عمه ابنج يريدج بالباب. العمه//لعد ليش مدخل. ؟؟ خلي يجي يسلم على جميله. ابراهيم بغضب //والله مايدخل اله على جثتي ابنج عينه زايغه حاط عينه على حرمتي ماعنده اخلاق. العمه وهي تكوم /
... ..:
/انته الحجي وياك ضايع متحترم احد كتلك محمد جان يحب جميله ومصارت لقسمه وهسه جميله الك لتخلي لغيرة تخرب طلعت وتركتهم لوحدهم انتبه عليها وهي تعض شفايفها بحسرة تمنع عبرتها من الخروج من وره محمد هو ضربها وكسرها نصين شافها شلون منزله راسها بحزن اجه كعد يمها مسح على شعرها القصير وباسها براسها وهمس الها #اغاااااار .......... طلع وتركها لوحدها تداري احزانها............... ««دعينا نتفق ياجميله.... ان كل كلمه اكتبها لغيرك كافرة حرام.... وان كل ابتسامه تطلقينها لغيري ليست لهم بالحلال... وان كل في لغيرك في صدري كاذب اسود...وان كل شوق في صدرك لسواي مصطنع احمق.....💔»» نهايه البارت)) بقلم ««سموو العراق»»
أنت تقرأ
براءه الورد
Romantizmقصه منقوله للكاتبه سمو العراق السلام عليكم قصه بعنوان ((براءه الورد)) هذه القصه تدور احداثها بين دوله الامارات والعراق تدور احداثها حول فتاه تفقد شرفها بسبب اختها من الرضاع وابنت عمها فتقع ضحيه اخطاء اختها وتتلقئ الكثير من التعذي...
