بيفتح حسين باب شقته وبيدخل ووراه نيهال....أحسان وناديه اول ما بيشفوه بيقوموا يقفوا ..
ناديه"طمنى يا حسين"
أحسان"تعالى يا نيهال ..اتفضلى .."
.بتدخل نيهال وبتسلم على ناديه واحسان وبتقعد...
أحسان "حد فيكوا يتكلم ويقولنا ايه اللى حصل.؟"
حسين "وليد اتحبس 4 أيام على زمة التحقيق"
ناديه "ليه؟؟"
أحسان "وانتوا سيبتوه وجيتوا؟"
نيهال "عمو حسين مكنش عايز يجى انا اتحايلت عليه ...وجودنا هناك ملهوش لازمه"
حسين "ادينا وصلنا البيت اهو يا بنتى...قوليلى بقى..هم متهمين وليد بأيه؟"
نيهال بتسكت ...مش عارف تقولهم ازاى ...بتلاقى نفسها مضطره انها تقول...
"وليد متهم .بـ...بـ...قتل أميره"
كلهم بيتصدموا من كلام نيهال وبيبصوا لبعض...
أحسان " وليد عمره ما يعمل كده....انتى متأكده من الكلام اللى بتقوليه ده يا نيهال؟"
ناديه بتعيط وبتبص لحسين بتحس انه تعبان...
ناديه"انت كويس يا حسين ؟"
حسين بيشاور لـ ناديه براسه...
"ماتقلقيش انا كويس"
"انا هقوم اجيبلك العلاج بتاعك انت خرجت الصبح قبل ما تاخده"
بتقوم ناديه تجيب علاج حسين وهى ماشيه بتقول فى نفسها....
"هو ممكن وليد يعمل كده....يقتل أخته...استرها معانا يارب"
نيهال "وليد حكى لى ايه اللى حصل ليلة الجريمه ووليد ملوش علاقه بوفاة أميره وانا ان شاء الله هقدر اثبت الكلام ده وان شاء الله يطلع براءه"
حسين"لو كلامك مظبوط هم حابسينه ليه وايه علاقته اصلا بموت أميره؟"
نيهال"انا هحكيلكوا كل حاجه ..وكل الكلام اللى وليد قالهولى"
*****************************************
جاسر فى القسم فى مكتب شريف....جاسر عرف ان وليد اتقبض عليه......
"ووليد اعترف؟"
"هو بينكر وبيقول انه راح العماره علشان يطمن عليها لما عرف انك مسافر"
جاسر اطمن ان وليد مقلش لشريف على موضوع السفر..
"وايه اللى هيتم مع وليد دلوقتى؟"
"هنعمل تحرياتنا وبعتنا لـ مدام ايمان جارتكوا علشان تتعرف عليه"
"هو حضرتك وصلت للورقه أزاى ؟"
"دا بقى شغلنا"
جاسر هيتجنن ..وشك ان نيهال هى اللى تكون قالت لشريف على الورقه بعد الحوار اللى دار بينهم أمبارح....
أنت تقرأ
حلم أميرة
Actionلعشاق المغامرة والخيال والاثارة والتشويق مكانكم هنا فى الرواية ده بقلم : احمد عز الدين
