#بعد_فوات_الأوان #أيدن 🔞🔞

part 10

#بعد_فوات_الأوان🔞🔞
#أيدن 🔞🔞

بارت 10 ...مفاجئة
////بقلم الكاتبة سجى الربيعي ////
زفوني .. اني ومحمد لشقته .. اول مدخلنه هوسه خواته وولد عمومتي .. شوي وراحو كلهم بقينه اني ومحمد وحدنه ..

مـااعرف محمد وين اختفه كمت دخلت للغرفه حته انزع هل فستان ..چـنه چفـن .. شثگـلة .. حاولت افتح السحاب بالگـوة انفتح .. نزعت و طبيت للحمام .. غسلت وجهي وجسمي شوي .. وطلعت ..

فتحت الكنتور محضريلي .. روب نوم .. هه .. كل ضنهم عروسة صدك .. وخرته وجريت .. تراك طويل .. لبسته وكعدت ...

ورة نص ساعة تقريبآ اجه محمد .. اول مـأجه دخل للغرفه .. اخذ هدوم طب سبح وطلع .. كعد على حافت السرير ..

محمد... جوعااانه؟

أيدن... لا ..

محمد... ليش اكلتي شي انتي اليوم ..

أيدن... لا ..

محمد... شفت نفسي جوعان سئلت أيدن و ادري بيهة مماكلة اليوم ... كمت طلعت العشه .. خليته بصينيه .. "يلا كومي اكلي "

أيدن... شكرآ .. مـااشتهي ..

محمد... مداخذ رئيج .. داائمرج تكومين .. كومي يلا ..

أيدن... اؤف ياضيمي .. خليت وكمت .. مااشتهي العسل .. انجبرت اكل نص لفه .. كضيتهة بس اشرب عصير ..

اكل محمد و كام يباوعي صفح .. عفته وشلت الصينيه .. شمرتهة بالمطبخ و طبيت .. للغرفه .. محمد مدد ع التخم ويلعب بجهازة .. اني هم تمددت ع سرير ..

محمد... باچـر اي احد يتصل لتكولين احنه بالبيت .. كولي سافرنه الأربيل ..

أيدن... ليش؟ ..

محمد... بدون ليش سوي الي اكلج عليه ..

أيدن... مـااشي .. طفيت الضوه ونمت .. مااعرف شوكت حسيت .. على محمد اجه نام يمي .. مدرت اله بال .. كملت نومتي .. وكعدت ب 10 تقريبآ ..

محمد مو بفراشه .. كلت يجوز بالحمام .. نتضرت شوي و رحت دكيت الباب الحمام فارغ .. طلعت دورت بالشقة .. الشقة فارغة ..

رجعت لوحدتي .. تذكرت من جنت ارجع للبيت والكاه فارغ .. هه .. لو ترجع ذيج الأيام .. الجان بيهة ابويه وامي .. كلشي بحياتي .. نزلت دموعي واني اذكر ..

مكدرت اسطير على نفسي .. رتبت الغرفه .. واني ابجي .. ضبضبت الشقه وكعدت خليت وجهي بين رجلي وابجي .. تذكرت بشاعت عمر لمن اغتصبني .. وضحكات ابويه .. وسوالف امي ..

رغم انهم .. چـانو بالسنه مرة يحاجوني .. بس اشتاقيت لهل شي ..اكثر بشاعه هية حلفي الكذب .. الي وداني لهل هلاك .. اؤف ياربي .. عين حالي .. يامعين يارب ..

ضليت ابجي لحد مرخت اعصابي وغفيت .. ورجعلي هل كابوس .. فزيت على صوت محمد وهوة يكعد بيه .. ورش مي على وجهي ..