حكاية حياه الجزء الأول❤

الحلقه ال(2)❤

وفي الطريق سمع صوت فتاه تهرول وتصيح باعلي صوتها : الحقوووووووني
دلف زين خارج السياره و ضرب الشابان ثم كسر السياره واصيب الشاب الثالث الذي كان ينتظر في الداخل ف سالت دماؤه ..
ذهب زين لها و قال
زين بقلق : انتي كويسه
حياه ببكاء : أ أ .. أه 😭
زين باشفاق : طيب بس بطلي عياط .. تعالي اوصلك
حياه  و هى تنهض و تمسك حقيبتها بارتعاش و خوف: لا شكراً .. انا عارفه طريقي ........ شكراً بجد انا مش عارفه اشكرك ازاي انت انقذتني
زين بهدوء : لا علي ايه ! انا هوصلك احسن مش هسيبك تروحي كدا لوحدك ف وقت متأخر .. ماتخافيش .
حياه بتردد : طيب .
دلفت داخل السياره .. و زين أيضا كسر زين الصمت و قال
ليخفف التوتر: اسم المكان ايه
حياه بعدم تذكر:مش فكره هى الورقه وقعت منى لما كنت بجرى بس كان اسمها فيله احمد عبد العزيز
نظر لها زين بصدمه:ايه.. ثم قال ليخفف صدمته: انا زين
حياه  بابتسامه: تشرفنا .
زين فى نفسه :مين دى ...هى رايحه الفيلا بتاعتنا ليه ..
لم يتحدثو طيله الطريق و زين يفكر من هى و بعد ربع ساعه وصلوا الى باب الفيلا
زين بابتسامه:دى الفيلا
حياه باتمان و شكر:شكرا جيدا مش عارفه من غيرك كان ممكن يحصل ايه
زين بهدوء:انا معملتش حاجه
حياه و هى تنزل من السياره :سلام
نزل و انزل حقيبتها و قال:سلام
اشار زين الى رجل الامن ليأزن لها بالدخول و دلفت
ركب زين سيارته و اجاب على هاتفه الذى كان يهتز فى جيبيه
زين باسف:الو يا سيف 10 دقايق و هبقى عندك حصلت حاجه غريبه لما اجى هحكيلك سلام
و تحرك بالسياره ليذهب إلى المطعم
....................................
دلفت حياه الى الفيلا وجدت حديقه خضراء و بها العاب صغار و فيلا ضخمه و كانت تنظر باعجاب و فجاه ركضت اليها فتاه فى العقد الثانى ذات شعر قصير و بشره بيضاء و عيون عسلى و تشبه حياه قليلا و قصيره و جسمها متناسق
الفتاه باشتياق و هى تعانقها:يويو وحشتيني وحشتيني
و ظلت تقبلها باشتياق
حياه بضحك و اشتياق:كفايه يا ملك هتموتيني
ضحكت ملك و قالت بمرح:احلويتى احياه احبيبت قلبي
ضربتها حياه و قالت :بس بقى بلاش قله ادب فين عمتى
ملك و هى تسحبها من يدها الى بيتهم الصغير خلف الفيلا :تعالى دالوقتى تيجي بس انتى جيتي ازاى
حياه بضحك و هى تمسك حقيبتها :قصه طويله
..............................
داخل الفيلا كان الجميع على مائده الطعام يتناولون العشاء
ياسمين برجاء:يلا يا مريم يا حبيبتى كلى بقى
مريم بصريخ:لا لااااااااااااا مش عايزة غير لما بابى يجي مليس فيه
مازن بضحك:ملكيس فيه ايه بس ....هكتفك والله
ثريه بهدوء :خلاص بقى مريم تيتا نايمه فوق و لو صحت
مازن بمرح و هو يقترب من مريم:هتاكلك
دلفت ملك و مشيت قليلا اتجهاهم لتقول مريم بطفوله:ملك شيلي الناس دى من فوق دماغى احسن هقتلهم
ملك بصدمه:يالهوووى يا بت انتى عندك كام سنه دول 4 سنين و بتقولى كده
تعالت ضحكات الجميع و قال ثريه بتساول :عايزة ايه
ملك بمرح و هى تقفز  مكانها:حيااااه جت
ثريه بفرحه:بجد
ياسمين بتساول:مين حياه
ثريه بهدوء:بنت اخويا
مريم بطفوله:انا عايزة اشوفها بلييييييييييييز هه بلييييييييييز
ياسمين بضحك و هى تضع يدها على اذنيها:يابنتى ودانى اتخرمت ارحميني
ضحكو جميعا و قالت
ملك و هى تركض :هناديها
و ذهبت راكضه
..........................................
فى احدى مطاعم الاسكندريه كان يجلس سيف صاحب الشعر البنى و الملامح المرحه الهادئه و الغمازات التى تزين وجهه و العين البنيه و يبلغ ال26 من عمره
دلف زين الى المطعم ليقول سيف:ما لسه بدرى اخواجه
زين و هو يسلم عليه:يابنى بطل خواجه مكنش عرق فلسطيني يعني
ضحك سيف و قال:طب اقعد ايه الى حصل احكيلي
جلس زين و قص له  ما حدث
سيف باستغراب:يمكن بيبي سيتر ..
زين بتفكير:يمكن و بعدين انت مش جعان اطلب االاكل انجز
سيف بضحك:طب براحه متزوقش
......................
كانت حياه قد وضعت ملابسها و كتاب مذكرتها و كانت تشرع فى تبديل ملابسها لكن اوقفها صوت ملك و هى تقول:اسبتى مكانك لتولعى
حياه بخضه:ايييييه خضيتينى
ضحكت ملك و قالت بمرح:جعفر الى جواكى لسه مسيطر عليكى
حياه بغيظ:الله على حصبالله الى جواكى
ملك بغيظ:مينفعش نغلط فى بعض يا جعفر احنا اخوات
حياه بضحك:قول لنفسك يا حصبالله
ملك بضحك:طب تعالى ماما عايزاكى
و سحبتها من يدها و ذهبو الى الفيلا و دلفو ركضت حياه الى عمتها و عانقتها
حياه باشتياق:وحشتيني يا بطبوطه
ضربتها ثريه ضربه خفيفه على كتفها و قالت:بلاش بطبوطه دى يابت اتلمى
ثم ابتعدو نظرت لها
مريم  و قالت ببراه:الله انتى مزة
شهقت ملك و قالت بدهشه:بت انتى فى ايه انتى هتعكسيها و انا واقفه
مازن بضحك:يعنى مش همك هى قالت مزة
ثريه بضحك:دى حياه بنت اخويا ....ده مازن و دى ياسمين اخوات و ليهم اخ 3 بس لسه مجاش
حياه بابتسامه:تشرفنا
ياسمين بتساول:انتى كنتى عايشه فين
ملك بهيمان:ايطالياااا
حياه بمزاح:حصبالله
انفجروا جميعا من الضحك و أردف
مازن بضحك:حصبالله مين
حياه ببراه:ده اسم ملك
ياسمين بضحك شديد :مش قادره خلاص
ملك بغيظ:طب نتلم ولا ايه
مازن و هو ينظر لمريم:اشربى و كلى بقى
مريم بعند:لما بابى يجي
اقتربت حياه منها و قالت تنحنى لمستواها:يبقى كده مش هتاكلى
اخرجت من جيب الجاكيت التى كانت ترتديه شوكلاته كبيره و قالت:لو خلصتى هديهالك و كل ما تاكلى ليكي شوكولاته كبيره
ملك بضحك:انتى بطلعيهم منين
مريم بمرح:اكلونى بسرعه
مازن بضحك:كان فينك من زمان يا شيخه
ثريه بضحك:يلا بسرعه
و ابتدت فى أطعام مريم و بعد انتهائها من الطعام
حياه و هى تمد لها يدها بالشوكولاته:اتفضلى يا ستى
مريم و هى تقبلها:شكراااااااا
ياسمين بنوم:حياه بجد مبسوطه انى عرفتك هطلع انام انا بقى و مريم معايا ..
حياه بهدوء:و انا كمان
مازن هو ينهض:يلا تصبحي على يا يويو و انتى يا حصبالله
ملك بيغظ و هى تشير الى مازن :عجبك كده
ثريه بضحك:يلا بره من غير مطرود انتى و هى
البنات بضحك :حاضر
..........................................
عند الفتيات دلفوا الى الغرفه ...غرفه مشتركه لحياه و ملك
ملك و هى ترمى نفسها على الفراش:هاا احكيلي ايه الى حصل جيتي ازاى
حياه و هى تخلع حجابها :ابدا ياستى اتعرفت على وحده فى الطياره اسمها شهد و بعدين اتغدينا و ركبت تاكسي و التاكسي كان عايز بنزين باين نزلنى فى نص الطريق و انا ماشيه ججت عربيه فيها 3 شباب باين كانو هيتهجمو عليا بس واحد اسمه زين ساعدنى و وصلنى
انتفضت ملك من مكانها بصدمه:زيييييييييييييين
حياه باستغراب:مالك
ملك و هى تجلس مجددا :زين ده احتمال كبير يطلع اخو مازن و ياسمين اوصفى شكله كده
حياه و هى تحاول ان تتذكر:عينيه خضرا و شعرة اشقر او بنى و ابيضانى شويه او قمحاوى
ملك بدهشه:زين ياختى هو
حياه بتساول:و فيها ايه 
ملك بضحك على فضول حياه:لا دى حكايه طويله هحكيلك بعدين ......ثم قالت باعجاب:شعرك لسه طويل و حلو زى ما هو
نظرت حياه باسف و حزن على حال ابنه عمتها و عانقتها و قالت:ممكن متفكريش فى الماضى انسيه خلاص و شعرك بكره يطول ياستى انا معايا حاجات تستخدميهاا 
عانقتها ملك و قالت:كويس انك جيتى انا محتجالك اووى
دلفت ثريه و قالت بمزاح :الله الله مش فى بيتى يا كلاب
انفجرو ضاحكين بتقول حياه باشتياق:انا هنام انهارده فى حضنك ماليش فيه
ثريه بحنان :بس كده..نامى على طول
............................................................
فى صباح يوم جديد استيقظت ثريه و فى حضنها الفتاتان
ثريه و هى تهزهم:ملك حياااه اصحوا يلا
ملك بنوم:سيبيني ونبي
حياه بنوم و هي تسحب الغطاء فوقها:خمس دقايق بس اخطف حلم سريع و اقوم
ثريه بغيظ:يلا يا ملك عندك امتحااان انجزى يلا  يا حيااه
نهضت حياه من مكانها و قبلت راس عمتها و قالت :صباح الخير على احلى مزة فى الدنيا
ثريه بضحك و هى تضربها :اتلمى يابت ...صباح النور
حياه بمرح:الحمام ليااا
ملك نهضت مسرعه من مكانها و الاثنين راكضوا الى المرحاض و لكن دلفت حياه اولا
ملك بغيظ:يا حياااااااه هتاخر
حياه من الداخل :و انا مالى
ثريه و هى تخرج من المنزل:ربنا يشفى
و ذهبت لتضرب ملك قدمها فى الارض بغيظ
.......................
فى فيلا احمد عبد العزيز ...
كانت ياسمين  نائمه و بجانبها مريم استيقظت مريم على صوت منبه ياسمين و قالت بنشاط:ياسمين ياسمين اثحى يلا عايزه اروح لحياه
ياسمين بنوم :مريم نامى و متشلنيش
مريم ابتدت فى البكاء دلف مازن و قال و هو يجلس بجانبها :مالك يا ميرو
ياسمين بغيظ:خبط على الباب الاول يا بنى ادم
مازن بغيظ :بس يا ماما ..مالك
مريم ببكاء:ياسمين مث راضيه تنزلنى تحت لحيااااااااه
مازن بضحك:والله حياه دى هتشيل كتير عننا تعالى نصحى بابى و نروح لحياه
مريم ببراه و هى تحتضن مازن:اوكى
حملها و ذهبو الى غرفه زين و دلفو ليقول
مازن بهمس:روحى اضربيه بالقلم
مريم بضحك:ماشى
وضعها مازن على الفراش و تسللت اليه ببطء و فجاه ضربته على وجهه
لينهض بخضه و يقول:فى ايه يا بت حد يصحى حد كده
وضعت يدها على خصرها:كنت فين امبارح
زين بغيظ:ايه يا بت اي ده كنتى مراتى ...كنت مع سيف حاجه تانى يا هانم
كان مازن منفجر من الضحك ليقول زين بغيظ:اتلم احسنلك
مازن و هو يحاول كتم الضحك:انا هاخد مريم وننزل تحت و انت اجهز
زين و هو ينهض:ماشى
.........................................
نزل الى الاسفل وجدو الفطور و جليله تجلس و تنتظرهم
مريم و هى تركض الى جدتها:تيتااااااااااااااااااااا صباح الخير
قبلتها جليله و قالت بأبتسامه :صباح النور
مازن و هو يقبل يدها :صباح الخير يا احلى ام
جليله بحب :صباح النور
و جلس هو و حمل مريم
بعد دقائق جأت ثريه و قالت
جليله بتساول:اومال فين حياه عايزة اسلم عليها
مريم ببراه:دى طيبه و حلوة اوووى يا تيتا
جليله بتساول:بجد نادى عليها يا ثريه
ثريه بابتسامه:حاضر ثانيه واحده
و ذهبت لكى تنادى حياه..
......................
عند حياه و ملك ارتدوا ثيابهم و كانوا سوف يخرجوا لكن جاءت ثريه
ثريه بهدوء:حياه تعالى اتعرفى على جليله
حياه باستغراب و هى تنظر لهم:جليله مين
ملك بهدوء:امهم .....تعالى انا كده كده رايحه
و ذهبوا
......................
دلفوا الى الداخل وجدو الجميع جالس
جليله بابتسامه:اهلا اهلا البيت نور والله
حياه بخجل:منور بيكوا
رفع زين نظره ليجدها هى الفتاه التى انقذها بالامس
مريم ركضت لها و قال بتساول:لو خلصت اكل ممكن تلعبي معايا ..
حياه بابتسامه:بس كده خلصى انتى الاول بس
جليله بابتسامه:يلا تعالى خلصى اكلك بسرعه...انتى خريجه ايه
حياه بهدوء:فنون جميله و اخدت كورسات لتصميم.. معايا شهاده  انى اقدر اكون FASHION DESGINER
مازن بمرح:احنا نستغلك بقى
زين بتساول :اسمك ايه
حياه بخجل :حيااه
ياسمين بهدوء:ماما عايزة فلوس
جليله و هى تنهض :طب ثانيه
و ذهبت
ملك بقلق:امشي انا بقى على الامتحان
حياه بمرح:ملك..
ملك بغيظ :لا بقى ونبي بلاش ظيطه 
ثريه كانت تضحك فقط فأردفت
حياه بمرح:مطوتك فى جيبك سندويتشاتك فى ايدك الى يقولك غشيشينى قطاعيه
ملك بغيظ:بت انتى بقولك ايه اتلمى
حياه ببراه :حصبالله الى جواكى مسيطر عليكي
ملك بغيظ و هى تضرب قدمها فى الارض:يا ماما
ثريه و هى تذهب الى المطبخ :ماليش داعوة اتصرفوت مع بعض
حياه بضحك:المهم غشي انتى بس
ملك و هى تضرب قدمها فى الارض :انتى متاكده انك من ايطاليا
حياه ببراه:اه ..
ذهبت ملك اليها و قبلتها فى وجنتها بقوه و ذهبت راكضه
حياه بغيظ:يا بنت ال ...اه ...عن اذنكوا
و ذهبت
مازن بضحك:العيال دى مسخره
ياسمين بضحك:جيدا
نهض زين و قبل راس ابنته و سلم على اخته و قال: انا هروح الشركه
مازن بهدوء:شويه و جى وراك
و ذهب
....................
خرج زين من القيلا و اوقفه صوت فتاه تقول
الفتاه بخجل:زين بيه
....
انتهت الحلقه 🌸