حكاية حياه الجزء الأول❤

الحلقه ال(5)❤

فى صباح يوم جديد استيقظت حياه بكل نشاط و ذهبت إلى فراش ملك و قالت بصوت عالى :ملك...ملك....ملك...يا ملك
ملك و هى تفتح عينها بغيظ:اييييييه فى ايه على الصبح
حياه بهدوء:يلا عشان نروح نشوف شهد
ملك و هى تغمض عينها مره اخرى:طيب شويه بس
حياه بغيظ و هي تسحب الغطاء؛ملك قومى بقى عشان كمان عايزة اسأل سؤال محيرنى ..
ملك و هى تعتدل من نومتها: خير ياختى
حياه بخبث:انتى بتحبي مازن
ملك بعدم فهم:نعم.. مازن مين ...يكونش قصدك مازن اخو زين
ابتسمت حياه و قالت بهدوء؛اه هيكون مين غيره مثلا
اتسعت اعين ملك و أردفت  بدهشه:مستحيل انتى بتهزرى ...انتى عارفه ان انا مجرد بنت البيبي يستر و دالوقتى مسئوله الخدم ولا مديرتهم لا لا انتى بتهزرى
حياه بخبث و هي تنظر لها:بس الى شفته فى عيون مازن مش كده خالص مازن امبارح كان زعلان جدا و كان متغاظ من رشدى..
ملك باستغراب:نعم....لا انا زى اخته يا يويو ..
حياه بهدوء:عموما الايام هتوريكي انى صح و هتشوفى ....هدخل اخد شاور الأول ..و تمثيل امبارح انك كويسه مش مصدقااه هه لينا قاعده مع بعض كده
و ذهبت لتقول
ملك بتفكير و عدم تصديق:مستحيل مستحيل مازن يفكر فياا كده..
...........
فى الفيلا استيقظت جليله على صوت هاتفها
أمسكت هاتفها و اجابت بهدوء:الو
الشخص بهدوء:الو ...مدام جليله انا حمزه
جليله بانتباه:اه اهلا فى جديد
حمزه بأسف :لا يا فندم زى ماحنا بس احنا اتبقالنا سنتين و داخلين فى ال3 يعنى اظن مش هيكون فى تحسن غير بنسبه 20%
جليله بهدوء:حمزه اعمل الى قلت عليه ...سلام دالوقتى
حمزه باستسلام؛ سلاام
و أغلق الهاتف ..لتنهض جليله و تستعد..
.............
فى غرفه ياسمين استيقظت بنشاط و ابدلت ثيابها و جمعت شعرها على شكل ذيل حصان و ذهبت إلى غرفه أخيها مازن
طرقت الباب و دلفت وجدته جالس شارد
ياسمين بضحك و صوت عالى:مااااااازن.....يا ميزووو
مازن بانتباه؛نعم
ياسمين و هى تغمز له:باين كده ان ملك اخدت عقلك جامد و موضوع امبارح مأثر عليك
مازن بضيق و هو ينظر لها:انتى مش شايفه كان ماسكها من شعرها ازاى امبارح انا كان ممكن أقتله و ادخل فيه السجن ....بس انتى عارفه لو عملت تصرف زى ده قدام امك هتفهم غلط و مش بعيد تمشيها من البيت..
ياسمين بهدوء:يعنى انت هتفضل ساكت و مش هتقول لملك انك بتحبها عشان خايف من امك يا بنى افهم ملك متعرفش انك بتحبها يعنى ممكن فى اى وقت يجى عريس و هى هتوافق عادى ....اكبر دليل ابوها كان عايز يجوزها واحد اكبر منها بسنين..
مازن بضيق؛ امك مش هتسبنى اتجوزها هتقولى بنت البيبي سيتر بنت مسئوله الخدم مش ذنبهم انهم كده ..
ياسمين بتفكير:ممكن نتكلم مع حياه البت دى بتفكر صح يعنى..
مازن بهدوء:ماشي بس مش دالوقتى ...ثم قال بتنهيدة:يلا ننزل
ياسمين بابتسامه:يلا
و ذهبو
...............
فى غرفه زين استيقظ على يد صغيره تضربه على كتفه
زين و هو يفتح عينه: روماا صباح الخير
مريم بابتسامه: صباح النور يا بابى
زين بتساول:مالك منشكحه كده ليه
مريم بسعادة:مامى جاتلى فى الحلم
زين و هو ينظر لها باشفاق:بجد و قالتلك ايه
مريم بابتسامه:هتيجي قريب
عانقها زين و قال: انا عملك بقى مفاجأه انهاردة
مريم ببراه:ايه هي ايه هى
زين بابتسامه:هنروح دريم بارك
مريم و هى تعانقه مره اخرى :يعيش بابي يعيش بابي
و قبلته ثم قالت برجاء :انا عايزة يويو و لوكا و ميزو و ثيفو و ياسو يجو معانا
ضحك زين و قال؛هما عازمين نفسهم أساسا متقلقيش ...يلا استنيني هنا لحد ادخل اخد شاور و اجى
مريم بابتسامه:حاضر
..............
فى المطبخ كانت تجلس ثريه و تفكر فى حال ابنتها
دلفت حياه و ملك الى المطبخ وجدوها شاردة
حياه بهمس:باين انها قلبت عليكي
ملك بهمس و قلق:تفتكرى
حياه بهمس:انتى مش شايفه عاملا ازاى
ملك بهدوء: طب بصى انا هشوف السفره ناقصها حاجه ولا لا مع انى اول مره اعملها بس اشطاا و احاول اكلمها
حياه بابتسامه:تمام
ذهبت ملك و ذهبت حياه الى عمتها و قبلت رأسها و قالت بتساول:الجميل سرحان فى ايه
ثريه بانتباه:مفيش حاجه
حياه باستغراب: اوماال مالك
ثريه بعتاب:حياه انتى كنتى عارفه الموضوع و مقلتيش
حياه بفهم:اه انا لو لو حاولت افهمك من هنا للصبح انى لسه عارفه امبارح اساسا مش هتصدقيني صح ..
ثريه و هى تنهض من مكانها:لا فهماكى قومى يلا.. ساعديني ..طلعى الشاى
حياه بمرح :اشطاا
و قبلتها من وجنتها..
.........
على مائده الطعام كان مازن و ياسمين و زين و مريم جالسين و منتظرين جليله
ياسمين بتساول :امك فين
مازن بهدوء:جيه جيه اهه اسكتى
جأت جليله و قبلت مريم و قالت بهدوء: افطرووا انتو انا عندى ميعاد
زين بهدوء و هو ينظر لها :يعنى مش هيحصل حاجه لو اتأخرتى شويه ..
جليله بهدوء:معلش يا ولاد كلو انتو سلام ..
و ذهبت
جأت ملك و قالت بتساول :فى حاجه ناقصه
ياسمين بضحك:لا
جأت حياه و وضعت الشاى على المائده و بعدها ثريه
حياه بهدوء: صباح الخير
مريم و هى تركض نحوها:صباح النور ...انزلى شويه
انحنت لها حياه و قبلتها مريم من وجنتها قالت بمرح :هتيجوا معايا دريم بارك صح
حياه و ملك بضحك:صح
ملك و هى تنظر لوالدتها: صباح الخير يا ماما
ثريه بتجاهل :حياه خلى بالك من نفسك ..
حياه بهدوء و هى تنظر الى ملك:من عنيا ..
ملك برجاء:ماما ردى عليا
ثريه بتجاهل:حياه انا فى المطبخ ..
و ذهبت
ملك و هى تضرب بقدمها فى الارض:شايفه يا حياه
حياه بضحك: يا بنتى اهدى الموضوع مش سهل عليها بس احنا ممكن نصالحها بتارت من بتاعى
ملك بمرح :عايزة red velvet
حياه بضحك:اشمعنا ما اعمل الجلاكسي
مازن بمرح:ماتعملى الاتنين
مريم برجاء:عايزة cup cakes
ضحك و حياه و قالت تحذير و هي ترفع سببتها :طب على فكره هتساعدونى..
ياسمين بضحك: احنا هنخلص عليهم حضرتك..
حياه و هى تنظر فى الساعه:ياختاااى يلا يا بت زمان شهد ولعت..
ملك بضحك: ولعت.. يلا بيناااا ....سلام يا جماعه
و ذهبو ا..
زين و هو يشرب قهوته:يلا عشان نلحق الشركه و بعديها نروح دريم بارك
ياسمين بتساول ؛احنا هنسيب مريم مع مين
مازن و هو ينهض :هاخدها لماما ثريه ...يلا يا روما هى هتأكلك هناك يلااا
و ذهبوا ..
..............
كانت شهد تجلس فى سيارتها تنتظر حياه و رن هاتفها
و اجابت بهدوء: الو يا حياه
حياه بهدوء:انا وقفه قدام محل.....
شهد و هى تنزل من سيارتها:و انا قدامك اهه تعالى يلا
و أغلقوا و ذهبت لها حياه و عانقوا بعض
شهد باشتياق و عانقتها:وحشتيني يا حيوانه
أردفت ملك بمرح :و النعمه انا سينجل.
ضحكوا جميعا ..و قالت
شهد بتساول: الى دخل ده فى السنجله
حياه بضحك:نسيت اعرفك ملك بنت عمتى و دى شهد الى حكتلك عنها يا لوكا
ملك بترحيب:والله نورتى.. والله شرفتى
شهد بضحك: والله هضربك بالجزمه..
ثم انفجروا ضاحكين
حياه بتساول :هاا هنعمل ايه
شهد بتفكير:هنروح الشركه الأول هعرض على بابا شغلك و بعدين و نطلع على كافيه نقعد فيه شويه
ملك بتذكر:اه انتى معزومه على دريم بارك
شهد بضحك:مين الحلو الى عزمنا
حياه بضحك:يابنتى دول المفروض اصحاب الفيلا يعنى بس طيبين هنروح معاهم
شهد بتفكير:لو كده هقول لبابا بالمره و احنا هناك يلا اركبوا
ملك بسرعه:انا معايا العربيه هنمشي وراكى
شهد بابتسامه:تمام يلاا
و ذهبوا
..............
فى شركه احمد عبد العزيز كان زين يجلس هو و مازن و زين ينقشون بعض الأوراق
سيف و هو يرمى الورق أمامه: ايه ده انا تعبت بقالنا 5 ساعات بناقش نفس الورق
مازن و هو ينهض :انا بقول يلا نرجع نغير هدومنا عشان نلحق نروح و نرجع
زين و هو ينهض: طيب يلاا حد يرن على حياه او ملك
سيف يخبث:ميزو رن على ملوكه
مازن بغيظ:اتلم ياض بكره هشمت فيك يا خوياا.. مسيرك يا ملوخية تيجي تحت المخرطه..
زين بضحك: بس انت و هو يلا قدامى..
و ذهبوا
........
كانت ملك و حياه و شهد يجلسون فى كافيه و قالت
حياه بسعاده :اتقبلت اخيراا
ضحكت ملك و قالت بهدوء : هتبقى مصممه قد الدنيا
شهد بضحك:يارب يطمر
ملك بمرح و هي تطبل على الطاوله بمرح:كده مطمرش كده مطمرشى يلا هزه يمين طب هزه شمال
ضحكوا جميعا و رن هاتف ملك و اجابت مسرعه بهدوء:مازن ازيك
مازن بهدوء: تمام بصى استنونا فى كافيه...... و احنا جايين
ملك بضحك: احنا فيه اساسا مستنينكووا سلام
و أغلقت
حياه بتساول:فى ايه
ملك بهدوء:جايين عشان نطلع من مكان واحد و قريب من الطريق شويه
........
عادوا الشباب الى فيلتهم و سيف الى فيلته الصغيره و ابدلوا ثيابهم و اخذوا مريم و ياسمين و ذهبوا الى الكافيه و ...
....
انتهت الحلقه 🌸