حكاية حياه الجزء الأول❤

الحلقه ال(16)❤

كانت تترقب شهد الوضع و هي في قمة الغضب  فنهض
سيف و وقف امامها و علامات النصر علي وجهه و قال بثقه : العين بالعين و السن بالسن البادي اظلم🙄.
شهد و هى تنهض بغضب : ماشي يا سيف انا هوريك..
....
عند زين و حياه كانو يقفون فى حديقه الفيلا يتحدثون و زين ممسك بيد حياه..ابتسم و قال بهدوء: بس كده يا ستي و هننزل نجيب الحاجات النهارده ..
حياه بسعاده : بحبك اوى يا زين..
زين بحب و هو ينظر لها : و انا بعشقق
قاطاعهم دخول يوسف و ياسمين فقال
يوسف بملل و هو ينظر لهم و يضرب كف بالاخر : تبا للمحن
ياسمين بمرح و هى تشير ناحيتهم : اتنين ليمون و شجره هنا لو سمحت..
حياه و زين في صوت واحد: يا خفه...
ذهبت لهم شهد فجأه و هي في قمة الغضب ...و قالت بغيظ و هى تضع يدها على خصرها: زين الكلب ..
عندما رائها زين هكذا ظل يدندن بأغانى ...فقالت
حياه باستغراب: في ايه يا شهد مالك
شهد بعصبيه و هى تنظر له و تضرب قدم على الارض : مين الى كانت في الساحل مع الحيوان سيف...
يوسف بمرح و هو يضرب كف بالآخر سريعا: اوبااااا اه يا بختك يا سيف ..
ياسمين بغضب و هى تدفعه بغيظ : اسكت انت كده..
زين و قد ضرب جبهته و قال و هو يمشي و يبتعد عنهم: اي دا انا نسيت مريم باي يا لولو ..
شهد بغضب شديد : اقف مكانك و  جاوب علي قد السوال ..
زين بارتباك و هو يقف و يلتف لها: عايزه الصراحه ..
شهد بتذمر و قد احمر وجهها من الغضب : انجز .
زين بكتم ضحك : نانسي .
حياه بغضب و هى تلتف نحوه: و انت تعرفها منين ..
شهد بغيظ : مش وقت غيره دلوقتي هو يعرفها منين ..
ياسمين بتساول : شهد معلش هقاطع اللحظه دي هو دا مش نفس سوال حياه..
شهد بغضب : غباء غباء.. هي بتسأل على زين بتاعها يعرفها منين انا انا بسال علي الحيوان  بتاعي ..
زين بتسأول و هو ينظر الى حياع : انا حاسس اني بتهذق
يوسف بضحك: أتأكد ..
شهد بغضب و غيظ : اخلص يا زين  تعرفها منين أقصد يعرفها منين.
زين بتوتر : بصراحه باه دي السكرتيره بتاعته و هي بتلزق في ديما و الحصل في الساحل اننا كنا رحين رحله شغل و و
...
شهد بغيره : اخلص .
زين بخبث : و هو كان بيتمشيى  علي البلاج و كدا و هي جبتلو عصير و وقتعوا عليه و قال ايه من غير قصدها رجعوا الاوضه تاني و جابتلو شميز ابيض و هي بصراحه لبسها مفتوح اوفر يعني .
حياه بغضب و هى تقترب نحوه : و انت مالك مركز من هدومها ليه كده
غمز زين لحياه فصمتت و كادت شهد تشتعل غضبا..
اما عن سيف فهو ذهب الي ملك و مازن ..و قال بغضب : ملك.. شهد هتروح هي و قاسم مول  ايه  أو  اتليه ايه .
ملك ببرود: معرفش 
سيف بغيظ : خليها تنطق يا مازن انا علي اخري .
مازن بملل: قولي يا لوكه و انجزى يا حبي .
ملك بعند : لا
و هنا تتدخل الصغيره مريم : انا عارفه
سيف بمرح: فين يا مريومه .
ملك بغيظ: اياكي تقولي .
مريم بعدم اهتمام  و هى تنظر الى سيف: هقولك يا سيف بس ايه المقابل 😂 .
مازن بضحك : مديه حقيره زي ابوها 
سيف بتساول: انتي متاكده انك عندك ٤ سنين .
مريم بتفكير: هما قلولي كده اني عندي (four ) اربعه و انا سمعت الكلام .
سيف بضحك : طب عايزه ايه .
مريم بطفوله : تشوكليت.
ملك مسرعه : انا هجبلك بس متقولهوش.
نزل سيف الي مستوي مريم و هو يقول ببرأه مصتنعه : انا هجبلك شوكلتات كتير و هخرج معاكوا يوم الجمعه و مش هطنش ابوكي.
مريم بضحك: لا لا ضعفت شهودي هتروح مول ***** .
ملك بغيظ : تصدق ان بنت اخوك دي مش طفله .
مازن بفخر و شموخ : عارف تربيتي  .
ملك بقرف مصطنع : تربيه قذره ....
سيف بابتسامه : طب امشي انا باه
ملك بملل : في داهيه.
سيف بمرح و استفزاز : حب الناس يا جماعه شايفين بتحبني ازي.
مازن بغضب بعض الشي : بتحب مين يا اخويا .
ملك بضحك: انت يا حبيبي.
مازن بحب: حياتي .
سيف و هو يذهب: لا لا ابتدينا محن تاني...انا ماشي
مازن مسرعا: استني خدنا معاك علشان احنا كمان رايحين المول .
سيف بهدوء : اشطا .
ملك بهدوء : يلا  يا مريم .
ذهبوا الي مكان تواجد زين و حياه و شهد و يوسف و ياسمين  و قد جأت إليه فكرة و هي أن يضع الهاتف علي أذنيه و يمثل انه يتحدث مع نانسي علي الهاتف و قد بداء بالفعل .
وضع سيف الهاتف على أذنه و قال بابتسامه : خلاص اشطا .
.........
سيف بهدوء : اه يا بنتي خمسه و اكون عندك.
........
سيف بضحك : و هو انا اقدر أتأخر علي الجميل يلا باي .
كانت هناك عينان تراقبه... انها شهد تنظر له و هي في قمه الغضب .
سيف بهدوء : طب يلا يا جدعان نبقي نتقابل بليل علشان نظبط الحاجه و انا ماشي باه .
يوسف بخبث و صوت عالى: رايح فين يلا.
سيف بكتم ضحك ؛ مشوار 
و هنا قاطع حديثهم هاتف شهد و هو يعلن أن أحد يتصل .
شهد بهدوء ؛ الو .
المتصل بتساول : ايه  يا بنتي قولتي هتكلميني و مكلمتنيش.
شهد بخبث : معلش  يا قاسم نسيت .
قاسم بتساول: طيب كنتي عايزه ايه .
شهد بخبث: كنت حبه اننا ننزل انا و انت نشتري فستان ليا علشان فرح حياه .
قاسم بفرحه : ايه دا بجد مبروك اوعبلنا أقصد اعبالك.
شهد بابتسامه : الله يبارك فيك ها هتيجي ولا ايه .
قاسم بفرحه : اه طبعا نص ساعه و اكون عندك .
شهد بهدوء ؛اوكي باي .
سيف يراقب الموقف و عينه مثل بركان يشعر أنه يريد أن ياخذها و يخبئها حتي لا يراها اي رجل غيره ولا حتي والدها فهو يلعن اليوم الذي استسلم قلبه للحب من جديد نعم من جديد فهو كانت لديه تجربه سابقه و اقسم ان لا يحب مره اخري ولكن عندما يأتي الحب يركع القلب ساجدا للعقل حتي يستسلم و ها قد استسلم سيف فهو لم يشعر بنفسه إلا و هو واقع بحبها و قلبه راكع لعقله الذي احن و استسلم فلا تلُموه لقد احترق بنيران العشق و الاشتياق لن تشعوروا بهذا الشعور إلا عندما تقعون في الحب و بشده .....
سيف و هو يجز علي أسنانه: طب أستأذن انا يا جماعه
شعرت شهد بالخوف من نظرأته و
ذهب سيف الي نانسي التي كانت بإنتظاره ..اردفت شهد  بخوف بعد ما ذهب سيف : جدعان انا خايفه ..
ياسمين بضحك: اجمد يا وحش دا سيف يعني ايه الي يخوف. .
زين بغيظ: خايفه من اي ما هو بيلعب نفس لعبتك  ..
يوسف بضحك : لا و اى بيلعب مع بنت بتعشقه..
مازن بخبث: و بصراحه هي في المكتب بتلزق فيه لزقه .
حياه بغيظ من حديثهم :اوعك ثم اوعك ثم اوعك تضعفى هيقول عليكي مهزئه..
ملك بضحك : و يسلام باه لو طنشتيه  ..
ياسمين بتفكير : و خصوصا انو ابتدا يقلق من قاسم و بداء يصدقه ..
مريم بعدم فهم و طفوله : بابي هما ليه بيقولو كده هو مش سيفو و شهد متتتجزوين.
ضحك زين و شهد و الجميع علي طفوله مريم .. و اردف
زين بضحك و هو ينحنى لمستواها : لا يا حببتي مخطوبين و بعدين اسمها متجوزين 
شهد بتفكير: اشطا انا قررت اتجهله..
مازن بغيظ و هو ينقل نظره بينهم: الله الله هما الشياطين اقنعوقي..
ملك بفخر و خبث : ان كيدهن لعظيم..
يوسف بمرح : دا انا اخف بقي  ...مالها السنجله
ياسمين بمرح و هى تضع يدها على كتفه بتساول : بزمتك في ظابط يخاف ..
حياه بضحك: انا اراي الجبهه تحلق في السماء ..
يوسيف بغيظ : بقي كده يا ياسمين ماشي ..
قاطع حديثهم رنين هاتف شهد ..فأجابت بهدوء: الو ..
........................
شهد بهدوء: طيب انا طالعه اهو ..
.............
شهد بهدوء : باي .
ملك بتساول: مين .
شهد بهدوء: قاسم برا ها انا ماشيه.
زين بهدوء : اشطا و احنا كمان نتحرك بقي علشان الوقت ..
حياه بابتسامه : تمام .
ذهبت شهد للخارج لتركب السياره مع قاسم بتوتر  ..
يوسف بتردد : طيب انا و ياسمين و زين و حياه و مريم و ملك و مازن كل واحد في عربيته .
مازن بهدوء : اشطا .
زين بتذكر: نبقي نتقابل كلنا في الكافيه الى عارفينوا
جميعهم بصوت واحد: تمام
و ذهب كل منهم الى سيارته
.........
وصلو الى المول جميعا و ذهب كل منهم الى محل ..
......
عند مازن و ملك دلفو الى احدى المحلات و ظلت ملك تنظر الى الفساتين امسكت بإحدى  الفساتين و قالت بهدو و هى تضعه على جسدها بتساول:مازن اي رائيك فى ده..
مازن و هو ينظر لها:قصير..
نظرت له ملك بغيظ و وضعته مجددا امسكت فستان اخر و قالت بترقي؛طب ده
مازن بغيظ:يا سلام هو يا قصير يا فاضحى ..
ملك بغيظ و هى تضع الفستان مكتنه:اومال البس اي يعنى الاسدال ..
دفع مازن ملك قليلا و امسك بإحدى الفساتين كان لونه ازرق و مزين باالورود و قصير الى الركبه و حملات عريضه
ملك و هى ترفع احد حاجيبيها :انت سخن ..
مازن ببرود و هو يرفع احد حاجبيه بتحذير:هغير رأى والله..
امسكت ملك الفستان سريعا و ركضت الى غرفه تبديل الملابس و بعد دقائق ذهب
مازن إلى غرفه البروفا و قال بملل؛ملك انتى نمتى ..
خرجت ملك و قالت و هى تدور :ها حلو ولا اى
مازن لكى يغيظ ملك:قصير..
ملك بتلقائيه:وحياه خالتك!
لينفجر مازن ضاحكا وضعت
ملك يدها على فمها بخجل و قالت بأسف:طلعت منى كده هه اتلم ...هجيب الفستان ده ..خلاص امين..
و دلفت مجددا ليضحك مازن عليها..
...........
عند ياسمين و يوسف كانو يبحثون عن احدى المحلات التى يعرفها يوسف فقالت
ياسمين بقلق و هى تنظر له :انا خايفه جدااا..
يوسف بتساول و نظر لها بأستغراب:ليه!
ياسمين بهدوء:يعنى زين هيتحوز حياه يا يوسف ماما متعرفش و ماما اساسا شبه مش بتحب حياه ..
يوسف لكى يطمنها:بصى دة اختيارهم + ان زين بيحب حياه..
ياسمين بقلق:انا خايفه حياه تسيب زين لما تعرف ..
يوسف بتساول :تعرف اي ..
ياسمين بانتباه لما قالته:هه ولا حاجه يلا المحل اهه ..
و دلفوا الى المحل و كان يوسف قلق لما قالته ياسمين ..حاولت ياسمين تشتيت انتباها فقال بتسأول هى ممسكه احدى الفساتين :اى رائيك فى ده ..
يوسف بعدم انتباه:حلو ..
كان لونه اسود و حملات عريضه و كان مزخرف بلون البنى فى القسم العلوى و كان منفوش قليلا ..
.....
عند زين و حياه و مريم كانت مريم نائمه و زين يجلس على احدى الكراسي منتظر حياه التى كان تقيس احد فساتين الافراح بعد دقائق خرجت حياه مرتديه احدى الفساتين كان منفووش و ملئ بالورود و باكمام طويله و عليه طرحته..نهض
زين و قال بانبهار و عينيه متسعه:انتى مين ؟
حياه بضحك:الملامين..
زين بضحك و هيمان و هو يمسك يديها:كده اتاكدت انك حياه...بس اي ده ..
حياه بتساول و هى تنظر الفستان بقلق :اى وحش
زين بانبهار و هو يجعلها تدور :انتى حلوة كده ازاى ...بقول اى ماتيجي نكتب الكتاب دالوقتى..
حياه بخجل و هى تنظر للجهه الأخرى:بس يا زين ... ثم قالت بتساول:مريم نامت
زين بضحك:انتى بتغيري الموضوع ليه افهم..
حياه بخجل:حلو الفستان يا زين ..
زين بانبهار:ده تحفه...بقى انا زين احمد عبد العزيز اقع الواقعه دى ..
حياه بضحك:معلش مانا برضه حياه كمال لازم تقع مش اي حد يعنى..
زين بضحك:احلى واقعه فى حياتى..
حياه بابتسامه: طيب انا هدخل اغير قبل مريم ماتقفش الوضع ..
ابتسم زين لها و ذهبت هى مسرعه قبل أن يقول شئ اخر يجعلها تخجل ..
.......
عند شهد و قاسم دلفوا الي احدي المحلات التي كان يقف فيها سيف و نانسي لاحظ سيف وجود شهد و هي تضحك مع قاسم عند احدي الفساتين القصيره احقا سيجعلها ترتدي ذالك لاحظت نانسي نظرات سيف لتلك الفتاه ..فقالت
نانسي بتساول : مين دي يا سيف
سيف بشرود؛ دي حياتي كلها ..
نانسي بتساول: بتحبها..
لاحظ سيف سوأل نانسي فقال بهدوء : ها لا لا يلا نكمل .
نانسي بذكاء : لا استني 
أمسكت نانسي بيد سيف و ذهبت ناحية شهد التي عندما رأت سيف بيدي تلك الفتاه شعرت أنها ستقتلها فقال
سيف بذكاء : ايه ما صدفه اامميزه جدا ده شهد و قاسم هنا ..
شهد بملل : مش هتعرفنا ولا ايه ..
نانسي بذكاء:و نتعرف ليه ما انا اعرف يا استاذ قاسم..
قاسم بتوتر: اه طبعا ..
نانسي بمرح:  انا بقول باه اهي فرصه حلوه علشان نجيب كل حاجه سوا ولا ايه يا سفسوفي ...
سيف بتوتر و هو ينظر الى شهد بطرف عينيه : اه احم ..
شهد بغيظ و تمسك الفستان بغضب: انا هقيس دا يا قاسم ..
قاسم بهدوء : طي..
قاطعهم سيف قائلا بغضب : ثانيه دا قصير ..
تذكر سيف انهما مرتبطان امام الجميع فقال بصرامه قليله :ولا ايه يا حببتي ...
شهد و هي تجز علي أسنانها ؛ اه طبعا ..
اختارت نانسي احدي الفساتين ..فذهب إلى سيف
و قالت بخبث: حلو دا يا سيف ..
سيف ببرود : اه اي حاجه هتليق عليكي ..
شهد و هي تقترب من نانسي و من ثم أخذت الفستان و قالت بكل طفوله: انا الى هلبسه و هيليق عليا اكتر..
من ثم دلف لغرفة تغير الملابس و لاحظ سيف غيرتها و من ثم ابتسم..
سيف و هو يقترب من قاسم بغيظ : الا قولي يا قسوم هو مش بابي علمك في المدرسه ان الحاجه الى مش بتاعتك متتلمسش..
قاسم بغيظ و هو يكور قبضت يده: مالك في ايه انا حر ...
نانسي لكى تهدا الموقف : طب يا جماعه انا هدخل اقيس دا ..
و من ثم دلفت و تركتهم في الخارج ينظران الي بعضهم البعض بغضب..
خرجت شهد و هي ترتدى الفستان كان لونه نبيتي و قصير الى الركبه و كان به الزهور البيضاء الصغيره و كانت اكمامه واسعه و بها فتحات
عندما رأها سيف و قاسم نظر لها سيف و كأنه يحترق يشعر كأنه يريد أن يخبئها بعيدا عن الجميع .....اقترب منها ثم قال بجانب اذنيها: انا بحذرك بس لو قاسم جيه الفرح او لمحته يكلمك تاني هتحصل حاجه مش في توقعاتك ...
شعرت شهد بالخوف لبرها حتي سمعت صوت قاسم قائلا بأبتسامه: بس ايه الجمال دا .
نظرت شهد لقاسم و قالت بتساول : حلو بجد .
قاسم بابتسامه: فظييييع ..
سيف بغيظ: مش بطال. .
ليقاطع حديثهم خروج نانسي .
ناسي بتساول : ها حلو  ..
سيف بخبث: فظيع ...اي الحلاوة دى اقسم بالله..
نظرت لها شهد ببرود و من ثم دلفت الي غرفه تبديل الملابس و ايضا نانسي..
..........
فى احدى الكافيهات كان زين و يوسف و مازن و ياسمين و ملك و حياه يجلسون و يتحدثون عن تربيات الزواج..فقالت
ياسمين بقلق:مش حاسين انكو مستعجلين ..
ملك مسرعه و هى تضربها على كف يدها بخفه:ياسمين اخرسي
زين بهدوء:من ناحيه ماما فانا هواجها انما خوفك التانى يا ياسمين مستحيل يحصل ..
حياه بتساول:مش فاهمه ..
توتر زين قليلا و مازن ايضا و لينقذهم دلوف شهد و قاسم و سيف و نانسي قد ذهبت الى عملها..
شهد بمرح و هى تقترب نحوهم:احناااا هناااا..
يوسف بهمس للجميع:استر يارب
شهد بهدوء:ده قاسم ..قاسم ده مازن و زين و يوسف و حياه و ملك و ياسمين ..
قاسم بابتسامه:اهلا
ثم جلسوا جميعا فقال
سيف بهدوء و هو ينظر الى زين:انا كلمت الراجل الى هيكتب الكتاب و اتفقت معاه على العصر ..
زين بهدوء:حلو جداا
شهد و هى تنظر الى قاسم بقلق:فى اي ..
قاسم بهدوء:هه مفيش ..
ظلت شهد تنظر اليه لينفجر هو ضاحكا فقالت
شهد بهدوء و قلق:الحاله اشتغلت ..
قاسم بحده مصطنعه:اتلمى هه افتكرى الانفرادى ..
شهد بغيظ و هى تبتعد بكرسيها بقلق :فكرااااه
الجميع بتساول:انفرادى
شهد لتغير ااحديث:بتضحك على اي..
اخرج قاسم احدى الصور و اعطاها لشهد لتنظر بصدمه و تقول :الله اي القرف ده.. بخربيتك قاسم انا طول عمرى بكرهك بتكرهنى فيك اكتر ..
سحبت ملك الصوره منها لتنفجر ضاحكه و قالت بدهسه:ده انتى يا شهد مش قادره ..
حياه بمرح:ورينيييي ...يالهووى انتى كنتى عملا زى بسنت الى فى دياسطى كده ليه..
امسك سيف الصوره لينفجر ضاحكا فقالت
شهد بغيظ:عجبك كده
قاسم و هو ينهض بهمس:بحبك و هتكونى ليا ..
شهد بخوف:بكرهك يا قاسم ..
و ذهب و هو يبتسم لتنظر لهم
ياسمين بتساول :اي مش يلا الشباب فى فيلتنا و احنا عند  يوسف..
حياه برجاء و هى تنهض:اه يلا..
زين بهدوء:طيب يلا ..
......
خرجوا الى الهارج ليجدو 5 رجال ذو عضلات فانتفضت حياه
حياه  و قالت بخوف :يا ماماااااع مين ال Hulks دول ..
امسكت ملك ذراعها و قالت بخوف:انا خااايف ..
ياسمين بضحك:فصلتونى ..
شهد بتساول و هى تشير عليهم:مين الترلات دى..
سيف بضحك و هو ينظر لها: ترلات ..
يوسف بهدوء:مش ضامن يحصلكوا حاجه ولا حد يهجم عليكو فهيحرصوكوا..
حياه بقلق:اه طب يلا عشان متهورش..
ضحكوا جمبعا ثم ذهبوا ..
.......
فى بيت الفتيات كانو يشغلوا الاغانى و يرقصون و دلفت ثريه و قال  بهدوء :حياه تعالى
ذهبت لها ب قلق و طرقت الباي جأها صوت ثريه التى أذنت لها بالدلوف دلفت حياه اعطتها ثريع صندوق متوسط الحجم و قالت بهدوء:مامتك كانت سايباه و قالتلى اول مايتكتب كتب الكتاب تفتحيه و السلسله دى البسيها كانت بتاعتها باباكى عطهلها يوم كتب الكتاب..
نظرت لها حياه بتساول:عايزة تقولى حاجه ..
ثريه بقلق و تعانقها: فكرى يابنتى انا خايفه عليكي جليله مش سهله و انتى لسه متعرفيش زين كويس ..
ياسمين بقلق و هى تدلف الى الغرفه مع الفتيات:ده الى بقولو
نظرت لهم ملك بقلق
شهد بهدوء؛اى الالغاز دى خلاص يا جماعه احنا جهزنا كل حاجه ..
ثريه بقلق:ربنا يهديكي يا بنتى و يهديه ..هروح اشوف مريم ..
حياه بعدم فهم:الفار ابتدا يلعب فى دماغى ..
ملك بمرح و هى تسحبها من يدها:يلا يا وليه نكمل رقص ..بلاش هم
.........
فى فيلا زين كانو الشباب يشغلون الاغانى و جالسين مازن و يوسف يلعبون بلايستيشن و زين و سيف يجلسون ورأهم
زين بتساول و هو ينظر لها :اجيب قطه منين ..
يوسف بتساول:اشمعنا !؟
زين بهدوء:مريم عايزة واحده ..
يوسف مسرعا بضحك:اوووعى حياه عندها فوبيا ..
زين بتساول و رفع احد حاجبيه بدهشه:من القطط ..
يوسف بهدوء:اينعم ..
سيف بهمس لزين:قلت لحياه على لميس ..
زين بهدوء:لا بعد الجواز انشالله..
سيف بهدوء:بتحفر قبرك بايدك..
لم يعطي له زين اهتمام و ظلوا يتحدثوا حتى ذهبوا فى ثبات عميق
.....
انتهى اليوم على خير و فى صباح يوم جديد اليوم المنتظر ...
....
انتهت الحلقه 🌸