حكاية حياه الجزء الأول❤

الحلقه ال(20)❤

جلس عدى و ظلوا يتحدثو و فى ذلك الوقت دلفت حياه الفيلا و هى ترتدى سولوبت جينز (طبعا طبعا الى طالعه جديد الواسع مش عارفه اوصفه!😂💔 )و عليه حجابها البسيط و حذاء رياضى لينظر عدى باعجاب ظاهر و يقول و هو يصدر صفير:اي ده هى بنات مصر احلوت كده ليهه انا وقعت من اول يوم ولا اى..
نظروا جميعا الى ما ينظر..ثم حولوا نظرهم الى زين الذى كان يشتعل غضبا عندما وجدها حياه فأردف يوسف مسرعا بقلق :لا عدى دى اختى..
عدى بابتسامه و هو ينظر الى يوسف:اي ده بجد طب كويس عشان لو حبيت اخطبها..
مازن بهمس الى ملك:ده بينيل الدنيا اكتر..
ملك بهمس:طب الحق الموقف بقى عشان زين هينطق اقسم بالله ..
نظر مازن الى عدى و أردف بقلق:عدى ماتطلع تشوف لميس..
عدى بهدوء و هو ينظر الى حياه:هى لميس هطير قصدى هطلع ..
تقدمت حياه نحوهم و قالت بأبتسامه :مساء الخير
جميعهم بأبتسامه:مساء النور
نظرت حياه الى عدى الذى كانت عينيه عليها ليردف هو مسرعا:انا عدى اخو لميس..
حياه بابتسامه و هى تنظر له:و انا حياه البيبي سيتر بتاعت مريم..
و تحركت يد حياه لتصافح يد عدى بين انظار زين الذى لاحظ يد حياه المصابه نهض مسرعا  امسك يديها و قال بقلق :اي ده اي الى حصل لأيدك
حياه بتالم و هى تنظر له:براحه ثانيه اهداا..
يوسف و هو ينهض من مكانه و يمسك يد حياه :يا زين استنى براحه ..
ملك بهمس لمازن:مازن قوم طلع عدى فوق و خد مريم فى ايدك هتلاقيها بتلعب ..
ضحك مازن و أردف بهمس:لا بتفكرى..
ضربته ملك ضربه خفيفه على كتفه لينهض و يقول بهدوء:عدى يلا نشوف مريم و لميس ..
عدى باستسلام و عدم فهم :يلاا..
ذهبوا لينظر يوسف الى زين و أردف بضيق:بلاش هماجيه براحه ..
زين بغضب و هو ينظر الى يوسف بضيق:يوسف دى مراتى .
حياه ببرود و تنظر الى زين بتحدى:متقولش مراتى ..انا مش مرات حد.
زين و هو يتمالك اعصابه:متعصبنيييش ..
حياه ببرود و هى تسحب يدها من يد يوسف :طيب هروح انا اشوف عمتو و مريم ..
زين بعصبيه و هو ينظر الى حياه :حياااااااه مالكيش داعوة بعدى..
أردفت حياه بعدم اهتمام و هى تتجه إلى المطبخ:انشالله
زين و هو ينظر لهم :شايفين ..
سيف بضحك و هو ينظر له:يا عم سيبها انت رخم صحيح ..
شهد بتفكير و هى تنظر فه:زين سيبيها تهدا من ناحيتك ونبي ..
ملك بهدوء و هى تنظر الى زين بقلق :بالظبط غير كده.. عدى ميعرفش انها مراتك فلازم تمثل انها مش فارقه معاك ..
..........................
عند مازن و عدى كان يبحثون عن مريم حتى وجدوها راكضه اليهم و هى تقول بصوت عالى و تعانقه:خالوووووووووو 
عدى باشتياق و هو يقبل وجنتها:وحشتيني يا مفعوصه انتى ..
مريم باشتيااق و هي تنظر له بمرح:و انت اوووى اوووى اووى
مازن بغيره مصطنعه و هو ينظر لها:اي ده شفتى خالك خلاص نسيتي عمك ..
عانقته مريم و قالت بمرح:لا انا بحبكو انتو الاتنين
ضحكوت معا ثم قال عدى بمرح :طب يلا نطلع لمامتك بقى عشان وحشتنى جيدا الوليه دى..
عقدت مريم حاجبيها و قالت بطفوله :كلمة وليه دى نوتشى ..
نظر عدى الى مازن و قال بضحك:نتناقش فى الموضوع ده بعدين..
و ذهبوا الى غرفه لميس طرقوا الباب ليردف
مازن بهدوء:هنزل انا هه
و ذهب.. دلف عدى و مريم الى الغرفه ليجدو لميس و جليله فأردفت لميس بسعاده :عدى
انزل عدى مريم و ركض الى اخته و عانقها باشتياق و أردف قائلا بأبتسامه :وحشتيني جداا كل ده..
لميس بدموع  و هى تبتعد عنع:انت عارف لو كان بايدي مكنش هيحصل كل ده ..
جليله بابتسامه:اهلا اهلا يا عدى ..
نهض عدى من مكانه و مسح دموعه و عانق جليله و قال بمرح:وحشتيني يا خالتو
جليله بضحك:كنت سالت عليا
عدى باسف:انتى عارفه من ساعه ما حصلت الحادثه و انا مش باجى ولا بعمل اى حاجه كنت خايف اخسرها انا مش فضلى غيرها ..
جليله بابتسامه و هى تربت على كتفه :ربنا يخليكوا لبعض ...مريم وقفه بعيد ليه تعالى اقعدى جمب مامى
لميس مسرعه بغضب:لا طبعا ..روحى شوفى حياه فين ..
نهض عدى مسرع و قال بهدوء:استنى يا ميرو جى معاكى ..مازن قالى ابلغكو ان الغدا خلاص جاهز تقريبا ..
و ذهب الى مريم التى كانت تنظر بحزن و قال بهدوء:يلا يا صغنن
و حملها على ظهرو و خرجو من الغرفه ..
نظرت جليله الى لميس بعتاب و قالت بأمر:حسنى علاقتك ببنتك مينفعش كده زين هيضايق..
لميس بملل و هي تعتدل فى جلستها بضيق :انا مش مستحملاها اساسا..
...............
فى غرفه المعيشه كان الجميع يجلس بصمت.. خرجت احد الخادمات و قالت بأبتسامه:الغدا جاهز اتفضلوا..
ثم ذهبت ليردف مازن و هو ينهض :يلا ولا اى انا جعان ..
ملك بهدوء و هى تنظر الى مازن:انا و شهد و يوسف هنروح ماك ..
سيف بمرح و هو يلقى الوساده على ملك :انا حاسس ان اسمى وقع ..
شهد و هى تسحب سيف من على الكرسي :ياربي طفل الصببر من عندك ..
وقف سيف و نظر الى شهد و قال بمرح :نفسك فى كام بيبي..
عقدت شهد حاجبيها و قالت باستغراب:اى الى دخل ده فى حوارنا ..
ياسمين بملل و هى تدلف فى الوسط بينهم:كفايه محن و حياه ابوكووا ..
يوسف بضحك و هو ينظر لهم و يضرب كف بأخر:عندها حق والله ...المهم يلاا بينا ...نبقى نشوف هنعمل اى بكره انشالله ..
نظر مازن لهم و قال بهدوء:طيب ملك ابقى رنى عليا اجى اخدك ..
ابتسمت له ثم ذهبووا ليردف
زين بهدوء و هو ينهض:هطلع اشوف مريم 
ياسمين لمازن بهمس:اقولك على حاجه انا مش متفائل ..
مازن و هو ينظر الى ياسمين:ولا انا ..
......................
اوصل عدى مريم الى غرفتها و قال بهدوء و هو يضعها على الفراش و يضع يده على رأسها بحنان :خليكي هنا بقى عقبال ما اشوف حياه..
مريم بحزن و هى تحتضن لعبتها:طيب متتاخرش بليز ..
عدى بابتسامه و هو يقبل وجنتها :عنياا..
و ذهب وجد احد الخدمات و قال بتساول :مشفتيش حياه ..
..... بأبتسامه:فى المطبخ يا فندم ..
ابتسم لها و ذهب مسرعا الى المطبخ..
...................
دلفت حياه الى المطبخ و ذهبت الى عمتها التى أردفت بقلق و هى تنظر الى يدها:اى الى حصل لأيديكي يا حياه ..
حياه بتوتر و هى تنظر الى عمتها:كنت مع ملك و مازن كانوا بيشيلو حاجه و وقعت اتكسرت كنت بلمها فاتعورت ..
ثريه بعتاب و هى تتفحص يدها:مش تاخدى بالك يا بنتى
حياه بابتسامه و هى تقبل رأس عمتها:الحمدلله الى حصل حصل ..
ثريه بقلق و هى تنظر الى حياه:هتعملى اى مع زين انا حذرتكوا والله ..
ابتسمت حياه و أردفت بهدوء :سيبيها على ربنا ..
دلف عدى الى المطبخ و قال بأبتسامه : اى ده دادا ثريه ازييك..
ثريه بابتسامه و هى تنظر له:تمام يا بنى و انت ..
أردف عدى بابتسامه :كويس طول ما كلكوا بخير ...
ثم نظر الى حياه و قال بهدوء:مريم عايزاكى ..
حياه بهدوء و هى الى عمتها:طب هروح اشوفها ..
عدى و هو يذهب ورائها :خديني معاكى..
(عدى:شاب فى عمر ال25 طويل القمه خمرى البشره و عيون صغيره و تمتاز بالضيق و غمازات تزين وجننته و جسم به بعض العضلات و الشعر الاشقر الكثيف)..
كانوا يصعدون على السلم و قاطع الصمت عدى و قال بتساول:انتى هنا من امتى
حياه بهدوء و هى تتجنب النظر له:من كام شهر بس ..
عقد عدى حاجبيه و قال باستغراب :انتى مكنتيش مع مريم من زمان !!
تنهدت حياه و أردفت بهدوء:لا انا كنت عايشه فى ايطاليا مع بابا بس اتوفى فانا نزلت عشان اعيش مع عمتو طبعا مش لاقيا شغل لمجالى فى مصر فاقترحوا عليا اخد بالى من مريم بس
عدى بابتسامه واسعه:ايطاليا بجد ابهرتيني.......انتى مجالك اى اساسا..
حياه بهدوء و هى تنظر له:مصممه ازيااء ..
نظر لها و ابتسم بينما خرج زين و هو ممسك بلميس و وجدهم يتحدثون نظرت حياه لزين و قالت بضيق:هدخل اشوف مريم
عدى مسرع و هو يذهب ورائها :هاجى معاكى استنى..
لميس بابتسامه و هى تنظر الى زين:شكل عدى وقع ..
نظرت جليله بقلق الى زين الذى تحول وجهه الى الغضب ..
....
دلفت حياه الى غرفه مريم وجدتها تبكى ركضت نحوها و قالت و هى تعانقها بقلق:الصغنن بيعيط ليه
مريم ببكاء و هى تحاوط حياه بيدها الصغيره :مامى مش بتحبنى مش عايزانى جمبها .
نظرت حياه الى عدى و قالت بأبتسامه و هى تمسح دموعها:لا متقوليش كده مامى اكيد مش قصدها هى بس تعبانه شويه الدكتور قال كده انها ممكن تتعصب عشان تعبانه..
مريم و هى تنظر الى حياه  :بجد يعنى هى بتحبنى !
عدى و هو يجلس بجانبهم و يقبل يد مريم الصغيره :طبعا فى حد مش بيحب اولاده ..المهم انا جعان اووى و ممكن اكلك..
مريم و تحتضن حياه بخوف مصطنع:يا مامييي هياكلنا اجرى اجرى..
.......................
فى الاسفل جلس الجميع حول مائده الطعام فأردف
زين بغيره و هو يبحث عن عدى :هو عدى فين ؟!
دلف عدى و بعده حياه و فى احضانها مريم و أردف
عدى بابتسامه:انا اهوو ..
لميس بتساول و هى تنظر الى حياه:حياه هو انتى الى بتاكلى مريم صح..؟
جليله مسرعه:هى الى بتعمل كل حاجه لمريم !
نظر لها الجميع بغضب امسك مازن يد زين بقوة و قال بهمس:اهدااا لميس قاعده ..
لميس بابتسامه و هى تشير الى الكرسي الذى بجانب عدى:طب اتفضلى جمب عدى ..
زين مسرع فى حديثه :حياه ليها الكرسي بتاعها
لميس و هى تمسك يد زين و تنظر له بحب:معلش انا عايزاها قدامى يا حبيبي عشان اعرف اعامل مع مريم ..
نظرت حياه الى يد لميس و ادمعت عينها و لكنها كانت حاولت التماسك ثم جلست بجانب عدى بدأت فى أطعام مريم و كان عدى و زين ينظروا لها كان زين يريد ان يخفيها من انظار عدى لكن لم يكن بيده شئ عقدت لميس حاجبيها و أردفت لميس بتساول :حياه انتى متجوزة او مخطوبه
نظر زين الى اعين حياه بينما جليله و مازن و ياسمين  ترقبوا رد حياه أردفت حياه و هى تنظر الى زين بتحدى:لا انا ولا متجوزة ولا مخطوبه ولا حتى بحب ..
لميس بتساول و هى تنظر الى يد حياع :اومال اى الدبله دى؟
...........
انتهت الحلقه🌸