Poems For The Heart

Ikaw Din

Kahapon sabi mo ako'y iyong mahal

Tuwang tuwa, galak na galak

Sa unang pagkakataon, nasabihang maganda

Nalaman kong may nagmamahal sa akin

Pagmamahal na ni minsan di ko nadama

Walang kinagisnang magulang

Walang kinalakihang pamilya

Buong buhay ko, ako'y uhaw sa pagmamahal

Sabik sa kalinga at alaga

Ngayong ika'y dumating buhay ko'y nagkakulay

Lahat aking ginawa

Wag ka lamang magsawa

Lahat aking binigay

Sa pag-aakalang ika'y di mawawala

Dumalang ang araw ng iyong pagdalaw

Sa munti kong tahanan

Na sadyang akin lamang

Sa bawat sulok nito,

Puno ng hinagpis at lungkot

Minsang ikaw ay dumalaw

Tuwa ko'y walang pagsidlan

Nagsalita ka ng may tonong nakakaloko

Sinabi mong ika'y nagpapasalamat

Dahil ako ay nagamit sa munting paglalaro

Lahat ng pinagsamahan

Sa aking utak ay naglaro

Mga kasweetan mo na sobra pa sa sobra

Isang laro lamang pala

Kung ako sana ay may ina at ama

Mangyayari kaya ito?

Mabubuntis kaya ako ng ganito kaaga?

Sirang sira na ang buhay ko

Walang nagmamahal, walang makakapitan

Ako'y pagod na, nawawalan ng pag-asa

Sa munting panahon ng iyong paglalaro

Ako'y totoo, lahat ng ipinakita mula sa puso

Ngunit buhay ko'y itutuwid

Para sa aking dinadala, munting anghel na bunga ng aking pagmamahal

One sided nga siguro

Pero wala akong pinagsisisihan

Dahil ang batang nasa sinapupunan

Paniguradong ako'y mamahalin

Napatawad ko na sila, ganun ako magmahal

Isawalang bahala mo, panigurado ikaw din ang mawawalan.