Poems For The Heart

Huling Sandali

Mahal kita, mahal mo sya

Tanggap ko naman

Oras mo'y palaging sa kanya

Ako'y nakikita kapag magpapatulong sa kanya

Tila ba naging tulay

Sa pagmamahalan nyong dalawa

Sa bawat segundo na iyong nilalaan

Sa kanya na iyong mahal

Ay katumbas ng mga luhang

Nag-uunahan sa pagbaba

Pero dahil nga mahal kita

Kaunting oras sa pagpapatulong mo

Sa akin ay sapat na

Sa iyong paglapit

Alam kong ika'y may problema

Kayo ay nagkakalabuan

O di kaya ay nagkatampuhan

Handa akong ayusin

Dahil alam kong doon ka sasaya

Lahat aking ginagawa

Wag ka lamang malungkot

Kasi ang kapalit nito

Ay ang aking kaligayahan

Tutulungan ko kayo

Sa abot ng makakaya

Sa kaunting panahon

Na ako'y narito pa

Ngunit nais ko lang na iyong malaman

Mahal kita ng sobra

Sa aking huling hininga

Sapat na sa akin na iyong malaman

Ang tunay na nararamdaman

Para sa iyo kaibigan

Hindi magtatagal, ako'y lilisan

Sakit na cancer di ko kayang labanan

Maging masaya sana kayo

Wag kayong mag-aaway

Pagkat ako'y masasaktan bilang iyong kaibigan

At nagmamahal na tunay

Palagi kayong babantayan mula sa itaas

Maraming salamat sa oras na ika'y nakasama

Kahit limos na sandali

Ako'y masaya na

Sapagkat ika'y nakasama

At saloobin ko'y nalaman

Kahit sa huling sandali