( غادرتني المشاعر )
الحلقه 6
حسام: نور بالجو هكي فوتها ومعش ادقق عليها واجد
زياد:كيف شن درتلها
حسام: انا عارفك انت خايف عليها كيف مااتخاف ع خواتك بس مش بطريقه هذي الخوف
زياد: اصلا البنات يا حسام مايمشنش الي بطريقه هذي لازم اتكون معهن واعر بيش يخافن منك كلا تطلقلهن وتضحكلهن يلمعلك قرونك
حسام: انت نظريتك هكي
زياد: اه هكي نظريتي وهكي الصاح
حسام: تقعد غلطان وهكي ضيعهن منك
زياد: كيف ?
حسام : انقولك ع حاجه البنت اتحطها في فازو وتسكر عليه وتحطها جنب باتها وامها كان في راسها حاجه تطلع من الفازو وديرها يعني الي في راسها البنت اديرا
فاالمعامله متاعك انت غلط في غلط البنت اتجيها بالمسيسا اتصحبها وتوريها الصح من الغلط بشويش وتخليها تثق فيك وتأمنلك هكي تأخذ عيونها
كلا طريقتك انت اتزيدها زيدا وتعاند وتمكر فيك ودير الي تبيها
مالك: وانا نقول مصحبهن كلهن وغالي عليهن طلعت كينج يامعلم
حسام: خهههههههه امالا تبوني انتبع طريقتكم الي تخليهن يضيعن
زياد: والله قنعتني وفعلا معاك الحق البنت تبيش اعناد
حسام: معناها تم ياطيري نور وشهد في حميتي
زياد: تم وانا مش قصدي بيها شي بس من يوم وغادي تو نصحبهن
مالك : والله طلعت خطير وتعرف كيف تصرف وانا الي قلت خلاص هذا عاش برا قعد فري ومايعدلش
حسام: معقوله تي الغيرا ع خواتي تجري في دم القصه كلها مش قصة فري القصة قصة مبدء ماشي عليه
زياد: ايو انت يا مبدء
مالك : خف علينا ياواعر
حسام: خهههه اقسم بالله متخلفين ماعندي مانقول
عندنا نحنا البنات
اسيل: يا أوني كيف يسير في سيف تو
انا: مش عارف عليك فالطا درتها
شهد: غبيه تعرفيش تصرفي بكل
اسيل: ماهو تفلسف ديما ودير في طروح جن ع راسها
انا: به نطقنا بسكتكن انتن الاثنين
شهد: باهي هيا ننزلو للشباب اكيد يراجو فينا
انا واسيل: هيا
ونزلت انا والبنات لوطا ومشينا للشباب لقينهم مقعمزين ع طاولا مقابلة الحوض وكانت زحمة وفي ناس واجده مقعمزه وسهرانا ع حوض
زياد: نور
انا: نعم
زياد: زعلانا مني قالي حسام
انا: لالا عادي
زياد: عالعموم راه انا مش قصدي حاجه انا بس انخاف عليك كيف خواتي
انا: خلاص قتلك عادي خليها بالجو
حسام: العب انت ياجو
انا: مبردك انت اسكت
زياد: رسمي كأنا امقعمز في جنبنا شاب
انا: خههههههههه شن تبيني اندير
زياد: خلي عندك انوثه اشويه
حسام: هذي ماتخافش عليها بكل
زياد: رسمي هذي تخاف منها
انا: خههههههههه عليك حناطه قطعتوني بيها انتم الاثنين
وكملنها انا وحسام وزياد انبصرو ع بعضنا ونضحكو وطبعا كنت مقعمزا جنب حسام وجنبي التاني مقعمز زياد ومقابليني البنات ومالك
سمر: خير عليكم
نحنا كلنا: خيرات
سمر: لفيت عليكم الفندق كلا محوتك بيش لقيتكم
حسام: به شن تبينا انديرو توا
زياد: به انديرولك طبل
انا: خهههههههههه تافهين
حسام: قويه منك يازياد
سمر:هههه ضحكت ضحكة مجامله وزلطت ورقالها من حسام وزياد
