#غادرتني_المشاعر
#الحلقه_35
اليوم هذا كان اطول يوم بالنسبه للمالك وكان طول الليل وهو متعذب ويفكر في نور وفي حبا لها وفي انها خلاص قعدت للغيرا ومعش عندا الحق فيها فقرر ان يتباعد ويهرب وكان عارف ان حتي لو مشا لاخر الدنيا حيذكرها وحتكون امعاه في كل لحظه لان هي في قلبا قاعده وهذا الي متعب مالك ان حب نور تمكن منا وقدرت اتسيطر عليه ويتعلق بيها
لكن اليوم هذا كان للنور وسيف اقصر يوم من كثر مالفرحا غمرتهم وعيشينها كانو يحسو بأن اليوم مسرع مامشا وطول الشهر ومعها الي تفرقو فيه سيف ونور ع بعضهم عرف كل واحد فيهم قيمة التاني شنو وعرفو هما الاثنين انهم يقدروش يستغنو ع بعضهم
سيف صاح زعل من نور ورقها له الموقف الي صار معاها وكرجل شرقي وبذات ليبي يتحملش حاجه كيف هكي اتصير مع بنت الي يحبها وكان من حقا يأخذ اي قرار لكن حبا لنور خله يتنازل عن كرامتا ويسامحها وبدل مايكمل امعها بالعلاقه حب ان يدير خطوة يحميها فيها ومايخليش حد يقرب شورها وتكون له قدام الناس كلها ويعرفوها انها حلالا ومحد يجي شورها فقرر ان يخطبها
ونور عرفت قيمة سيف لما سيبها وعرفت مقدار حبها له انها تقدرش اتحمل بدونا وعلشان سيف وحبها له خسرت ولاد سيدها لان حبها كان اعمي وماخلهش اتشوف حب ومشاعر وحركات مالك لها لان لو كانت تحبش سيف كان حست وفهمت ان مالك يحبها بس كانت تشوفش فيه نهائي
ولما جا سيف خطبها عرفت نور ان سيف يحبها وزادت حبتا اخره لان طلع مايضحكش عليها مع ان كانت طول ماهي قاعده امعاه في 3 شهور الي فاتت كانت خايفا بس تو حست باللامان واطمنت من حب سيف لها
نور: به احكيلي تو كيف جيت خطبتني
سيف: انا لما تعاركت امعاك يومتها وسكرت رقالي وظلمت في وجهي وقعدت طول الليل انفكر وماقدرتش نتحمل انسيبك وكنت كل يوم انجي ندرس في سياره ونقعد انبحت في دارك لعند اطفي ضي نعرفك رقدتي انروح
نور: هيييي انا نبكي وانت قاعد لوطا كان نحسابك هكي راه طلعتلك
سيف: اه كنت هكي يومين انجي ونقعد نبحت فيك انحس في روحي قريب منك
نور: باهي كيف عرفتني ماشيا للمول
سيف: ياستي هذي كنت مقعمز مع رياض ورنت عليه اسيل قلتلا طالعا وانا كنت نسمع فيه سألها طلعا انت ومن قالتلا انا وبنات عرفتك طالعا امعاها لان عارف علاقتك بأسيل لما سكر سألتا وحكيتلا ع موضوعنا وقالي انكم مشيين للمول وجيتك غادي
انا: كلا انت اه منك وخلاص
سيف: ههههه خلاص وقعدت عالحال هذا ومهموم ونفكر مرات انلومك ومرات انقول هي شن دخلها شن بدير يعني وكنت انقول لروحي ماهو كنك انت خطبتها راه ماصارش هكي وماحد قربلها ولا تعدا حدودا امعاه كلا منك ياسيف وكنت حايس انلوم في روحي ونلوم فيك
لعند جيتك يوم المول ضعفت قدامك وعرفت روحي نقدرش بلاك ودزيتلك الاغنيه وانا كنت تحت نرجا فيك وع كم مره بنتصل ونقولك اطلعي روحت انهرت وكسرت داري كلها
انا: باهي
سيف: بعد كسرت داري باتي شافها وطبعا عارفني بعد ترقالي خلاص وعارف الوحيد الي يحكي امعايا ويقدر ينقشني هو سيدي أحمد اتصل بيه وجاني تاني يوم من صبح
خذاني وتغديت عندا وهناكي انا حكيتلا القصه كلها وهو زاد شجعني اني نخطبك بعدها سألني انتم عيت من قتلا وهنا المفجأ ان هو وباتك طلعو رفاقا من هما وصغار واصحاب واجد خلاص ننقني طرت من فرحا وقبل صبيت اظبطتا
انا: هههههههه عليك صدفه سبحان الله
سيف: مش قتلك حبنا ولقاءنا كلا ع بعضا صدفه من ربي كان ديما هو الي يجمع فينا بحاجات نحنا مش مخططنيلهن بكل لان يبينا لبعضنا فاربك يبييلنا ان نجتمعو مع بعضنا من جديد
انا: فعلا ونعم بالله
سيف: ايوا هذا الي صار وعدا سيدي تاني يوم ومشيت انا وياه لباتك وخطبتك وحكيتلا ع اساس شايفك في جامعه وعجبتيني وسألت عليك وقعدت انراقب فيك ودخل سيدي في موضوع كلاما مني كلاما منا قنعنا باتك انجو نخطبو قبل عرس شهد ومحوتك بيش اقتنع راس مسكر بكل وانا نقول لمن طالعا
انا: ههههههه افطن روحك بابا راه الي تحكي عليه ونرضش فيه شي
سيف: وانا ماغلطتش فيه
انا: الله ياصوفي احلا خطبا واحلا مفجأه مع ان زعلنا لان هنت عليك اتبكيني شهر كامل وتقهرني
سيف: والله انا بروحي كان رقيلي منك ومقهور ومضايق منك وااااجد بس قلت لازم تعاقبي مع ان كنت انعاقب في روحي معاك
انا: بس تو خلاص شهر هذا ننسوه ونطلعوه من حياتنا بكل المهم نحنا تو مع بعضنا
سيف: بالعكس ع قد ان شهر هذا تفرقنا فيه علي بعضنا بس كان حلو لان هو الي كان سبب في جمعتي بيك من جديد
ومع هذا كلا ننسوه منبيش اي حاجه شينه بينتنا
ونحبك يا أحلا حاجه صارتلي
انا: وانا انموت فيك
سيف: الفجر اذن
انا: اه الله اكبر
سيف: به خليني نمشي نصلي فجر وبعدها نرقد لان نعسان وتعبان مع ان من فرحا من بدري حسيتش بتعب ونوم طار
انا: باهي عدي حتي انا نعست وراك تنسا بيش تقرأ سورة يس والملك
سيف: والله من يوم ماقتيلي عليهن وانا يومين نقرأ فيهن قبل مانرقد سبحان الله انحس براحا غريبه
انا: اه كويسات بكل يحمنك
سيف: نجك ليا وربي يحفظك ويخليك ليا
انا: حتي انت ربي يحميك ليا ويحفظك ياااارب
سيف: امين خلاص ياروحي عدي صلي وادعيلي وتريحي وارقدي
انا: من عيوني ديما ندعيلك دون ماتقول وحتي انت عدي هيا تصبح ع خير
سيف: قدامك الخير باي
