غادرتني المشاعر
الحلقه 41-42
وعيت الصبح ع صوت فوني يهز
بحتت فيه بنص عين ماستوعبتش الاسم الي يرن من
لعند فنصت عيوني زين وفطنتلا
انا: صوتي واطي بكل ودوبي نحكي الووووو
مالك: الووو تي نوضي يا كسلانا مازالتي راقدا
انا: تي كنك عالصبح انت
مالك: هيا فزي بسرعا البسي واطلعيلي برا صروخ نبيك بسرعه يانور
انا: مالك شن في
مالك: بسرعه البسي واطلعيلي تو تعرفي هيا
انا: مالك طووووط طوووط
بسم الله تي كنا هذا
صبيت نجري وخشيت الحمام غسلت وجهي وحكيت اسنوني وطلعت لبست ومن كثر ماني مستعجلا انسيت نلبس ايشارب وطلعت نجري ولبست كندرا وانا في طريق
عمتي نعيمه: هيييي وين طالعا مستعجلا
انا: هلبا نجري من يالها صباحو ياعميمه كلبني ولدك مالك وطلعت
عمتي نعيمه: ههههههههه
وطلعت طبعا لان مزرعه كبيره محوتك بيش وصلت في مالك
وفجأ صبيت وفنصت اعيوني وحطيت يدي ع فمي
هيييييييي
مالك: ههههههههه تعالي
انا: منذهلا وفرحانا وعيوني قلوب الله يهبل
مالك: تعالي قربي
وجيت نمشي شور مالك
كان مالك امصبي وجايب حصان امعاه وانا عيوني وعشقي لحصنا وطول عمري خاطري نركبهن
انا: مالك مش مصدقا حقيقا هذا
مالك: انخليه يصكك بيش اتصدقي
انا: هههههه
مالك: تي قربي كنك خايفا المسيه
انا: مايديرليش شي
مالك: تؤ تؤ تخافيش
انا قربت بس كنت جيا في جهة مالك اكثر ومايلا عليه لان خايفا من لحصان
وكنت انحط في يدي ومتردادا وخايفا لان لحصان كان كبيير بكل في حقيقا وعالي ومنظر ع جمالا كان يخوف من قريب
مالك: كان ماسك الخيط وجهة راس لحصان وانا كنت جنب مالك بزبط وكانت يدي ترعش نبي انحطها وخايفا من لحصان
مالك: مسك يدي وحطها ع لحصان وقعد يملس عليه وهو ماسك يدي كانت يدي انا تحت ويد مالك فوقي يحرك فيها ع لحصان
انا خلطت عندي خوف من لحصان ومن مسكت يد مالك الي كانت فوقي من كبرها مواريا ع يدي
مالك: ها ياخوفا عادي بكل شفتي وحول مالك يدا وقعدت انا انملس ع لحصان برووحي
انا: يهبل منين جبتا
مالك: كل سنه وانتي طيبه
انا: بحتت في مالك باستغراب بس مش عيد ميلادي
مالك: نعرف انا مش عيد ميلادك بس عيد ميلادك بعد مانسافر بيومين ايجي صاح
انا: حي وكشخت وزعلت
مالك: كنك
انا: خساره مش حتحضرا ننقنك سامط انت ولقرايا الي طلعت بيها فجأ هذي
مالك:ههههههه . وبما اني مش حنكون هنا خذيتلك هذا
انا: فنصت اعيوني وضميت ايدي لبعضهن يعني لحصان هذا امتاعي
مالك: هههههه اتقول قدامي طفله
اه لكي يعني تقدري اتقولي هو ليا بس انا حنسمحلك انك تركبي عليه وفي فترا الي انا مش قاعد فيها انتي الي تهتمي بيه
انا: احلا هديه شكرا يامالك وااااجد
مالك: ولو العفو
انا: به شن اسما
مالك: سميه انتي . وع فكره انثي هيا مش ذكر
انا: امممممم انسميها شنو ياربي شنو
وانا كنت انفكر في شن انسمي لحصان ونفتح في عين ونسكر في عين ونحك في شعري ومرا انحط في يدي تحت احنكي وكل مرا اندير في حركه
وكان مالك يبحت فيا وسارح مع الحركات الي اندير فيهن ومبتسم
مالك: تي هيا سنه طلعي في اسم
انا: معرفتش شن انسميها
مالك: هيا عندها اسم بس نبيك اتسميها بجوك انا
انا: به هيا شن اسمها
مالك: Vيولا اسمها
انا: حلو اسمها بكل خليها بأسمها باهي
مالك: خلاص براحتك . تركبي عليها
انا: الله ياريت
مالك: باهي هيا
انا: بس نعرفش
مالك: تو نركبك
