غادرتني المشاعر
الحلقه 51
مالك: بحت فيا . وقعد يحكيلي بعصبيا . لان تعصب من كلامي . كيف كنك تحكي هكي معناها انتي منكش راضيا بحكم الله منكش مؤمنا بقضاء الله وقدرا وتعاندي في الله بالشي هذا
انا: قعدت نبكي . انا مؤمنه وخلاص عرفت ان هو مات ومعش حنشوفا ومعش قعد في حياتي لكن مش متخيلا اني بعدا انعيش ونكمل حياتي
مستحيل ممكن ننساه وحياتي تستمر انا بعدا خلاص انحس في الحياه من بعد سيف مش حياه
مالك: به شنو يعني بتقعدي عايشا طول عمرك هكي لاتبي تقراي ولا تجاملي الناس ولا تطلعي ولاتاكلي ولاتشربي بتقعدي انسانا باردا مافيش اي ردة فعل عندك اتجاه الحياه
انا: بصوت عالي واول مره انعيط ع حد وبذات مالك
اها بنقعد هكي انسانه مافيهش اي احساس باهي ياهو انا مافرحتش بيه انا وياه يدوبك قلنا بنفرحو وخذاتا مني الموت تو مستخصرين فيا حتي نحزن عليه نوفيه حقا انت وحسام وماما وشهد وبابا واسيل كلكم يوميا تحكولي في نفس الموضوع 6 شهور مراً ع وافات سيف وانتم كل يوم تحكولي خلاص يانور اسكتي يانور تبكيش يانور اطلعي يانور
كيف كيف تبوني نضحك وهو ضحكتي كيف تبو روحي اتردلي ونرد زي قبل وهو روحي
كيف اه قولي كيييييف وعيطت بصوت عالي في مالك وانهرت بكا
مالك: بحت فيا وفنص ودرس السياره علي جنب
اوووووف وقعد يمسح بيدا ع شعرا ويمشي فيه لورا
وانا كنت حطا ايديا ع وجهي ونبكي
نبكي ع فقدتي لسيف وع حياتي بدونا ونبكي في تفكيري كلما يقولولي عيشي حياتك بعدا وانا مش متصورا اني انعيشها من غيرا ومش متحملا
مالك: يحكي معايا بصوت واطي بعد ما هدأ اشويه وشافني نبكي وتأثر وماتحملش ادموعي
نوووور ومسك ايديا الاثنين وحولهن من ع وجهي
مالك: اششششش خلاص امسحي دموعك وخوذي اشربي اميا
خذيت منا شيشة لميا وشربت منها اشويه
مالك: خلاص معش تبكي هاكي منديل عبيتينا دموع تو نقعد انعوم انا هنا
انا: ههههه ضحكت ومش عارف ليش ضحكت ممكن علشان رايفت ع ضحك او ممكن لان نبي حاجه اضحكني وخلاص
مالك: بحتي فيا يانور
انا: بحتت في مالك واول مرا من بعد ماروح اتجي عيني في عينا هكي شفت في عيونا حاجات وااااجد اذكرت في لحظه هذكي ان مالك يحبني وانا انسيت الحاجه هذي او تجاهلت الحاجه هذي وان هو تو الي كان جيبني انزور في سيف
اها مالك ولد سيدي الي مستحيل حد يتوقع ان يدير هكي جابني وهو يحبني ولمن جابني لحبيبي انزور فيه وهو ميت في وقتها كبر مالك في عيني
لان من الي يحب انسان لدرجة ايتحمل ع روحا ويجي ع كرامتا ان ايشيلا بروحا وبكرعيه لحبيبا حتي لو كان سيف ميت بس صعب ان حد ايدير هكي اذكرت لست شهور فاتن ان مالك ماسيبنيش ولا دقيقه وكان جنبي من اول ما سيف دار حادث لعند مامات وهو مصبي امعايا ويجي كل يوم ويسأل عليا ويحول ايغيرلي جوي
اكتشفت في مالك انسان شهم وحنون وطيب وعاقل ويحب وعاشق مجنون بالرغم من عصبيتا وغرورا وكبريائا بس كان معايا انا عكس هكي كان فعلا يطلق عليه عاشق مجنون لان من الي يدير الي هو دار غير المجنون بس ويتحمل ان ايشيل الي يحبها للتحبا وكان يسمع في كلامي ع سيف ومتحملا وساكت وهو اساسا مش مجبور ان يسمعا ويحط روحا في موقف هذا غير بس ان يحبني ضحا وننكرش الشي هذا فيه وننكرش ان علشان يحبني قدم عرم تضحيات
