#غادرتني_المشاعر
#الحلقه_28_29
وانا كنت امقعمزا وعطيا للباب بظهري
شهد: حي شوفو من الي جا
انا: التفتت انشوف وننصدم بمالك جاي
اسيل: هذا مالك ولا انا تهيالي
موده: لالا اكيد واحد يشبهلا
حسام: تي في حمار بيموت ولا مات
وقعدنا مقعمزين كل واحد فينا مستغرب ان مالك جا الي نعرفوه ان مالك يحبش المكانات هذينا ومايحبش يطلع في ليبيا ومعه بنات لان يعرف نص ليبيا تقريبا فامايحبش حد يشوفا ومعه خواتا وهكي برا ليبيا عادي بس في ليبيا مايحبش وترقالا اوكي تطلعي مع هلك بروحك مايعدلش بس بنت وتطلعي امعاه هذي من سابع مستحيلات هذا عليش كنا مستغربين التغير السريع الي صاير للمالك
اسيل: خويا هذا في وراه سر ولازم نعرفا
موده: ننقنا حتي انا شكلا يحب العطيب الي تغير
حسام: اووووي يافرخه انتي وياه اسكتن راه تنضربن هنا ويقعدو يحزو عليكن
انا: اهدأ ياسامو وعليش هذا كلا
حسام: عدا مش كان نضحكلكن تمعيلن بيا
اسيل: به اسفين خلاص
تو نرن عليه قاعد يدور زي لمطرشقين مش عارف مكانا
انا: خليه ترنش عليه بالكي جاي يدير في موعد خلينا نزرقو عليه اساس شن عارفا ان نحنا هنا
حسام: يابترأ اسكتي خيرلك راه يجيك كف
انا: خلاص سكتيت ها
حسام: الوووو
مالك: ايو وينكم وين قاعدين
حسام: نحنا شفناك اهو نشيرلك قاعد بحت يمينك
مالك: وين . اها اوكي شفتك
وجا مالك عند الطاوله امتاعنا
مالك: خيرات
نحنا: اهلين
مالك: وهو يقعمز . كنت بنرن عليك بنقولك وين لقيتش عندي رصيد غير جاب ربي انت رنيت قلت عليك قصه تو عاد بنشحور وانا ندور فيكم
حسام: كيف الجايا هذي وغمزلا
مالك: روحت للحوش لقيتا هدؤ وجو سمح وشياب يهدرزو مع بعضهم قتلهم وين شلا منشقا قالولي عدو للسندباد اليوم عيد ميلاد اسيل
اه بعد خطرها كل سنه وانتي طيبه
اسيل: وانت طيب وين هديتي جاي وايديك فاضيات
مالك: ههههه . خلاص بلاش فضايح تو نعطيها لكي فالحوش ياطمعا
اسيل: عدا عيد ميلادي مش قصة طمعا بالذوق هكي اتجيبها
مالك:تؤ تؤ مكثر دوتك خلاص تنفخيهنش قتلك تو نعطيك فالحوش
اسيل: به وانت كنا رقالك
مالك: لا والله عادي غير انتي متحسسا بس
حسام: به كنك جاي انت غريبه يعني
مالك: تي كنكم انتم تبوني نروح تو نروح راني
حسام: لا مش هكي القصه بس مش من عويدك اتجي
موده: مش متحبهنش المكانات هذينا
مالك: هههه به تو حبيتهن يعني عندكم مانع
انا: غريبه
مالك: شنو قلتي
انا: غريبه
مالك: وشن فيها من غريبه ياشينه
انا: عطيني من جاملك ياسمح
مالك: ههههه اهدي ياعصبيه
انا: هاديا اتحق فيا منكلبا
مالك: والله مش عارف حسستوني ان حاجه غريبه وماتصيرش كلكم اتبحتو ومنصدمين راه الموضوع عادي
حسام: به ان شاء الله بس
مالك: انكلم زياد بيش ايجي
حسام: اه كلما ليا واجد عليها ماشفتش
انا: التمت مشاء الله
مالك: شنو قلتي ياقصيره ياشينه
انا: قطعتنا ياسمح بطولك
اسيل: خههههههه لا ياأوني كلا من ناحيت طويل ماعندك ماتقولي فيه
مالك: غيرا مني اصلها قصيره وشينه ياأم لسان
انا: كشخت عليه . به نضحك تو انا مثلا
مالك: لالا اضحكي وغمزلي
