غادرتني المشاعر
الحلقه 55
عمي صلاح: قالي نور ماتت
مالك:😨بصدما وحس قلبا خلاص بيطلع لما سمع الكلمه
كيييييف نووووور ماااااتت😦
عمي صلاح: هذا الي قالا ليا سيدك
وطلع مالك يجري وسيب باتا وراه ركب سياره وطلع شور مستشفي وقعد يرن ع حسام وحسام مايردش كان لاهي في نور
ماما: تبكي يانا عليا بنيتي كنها ياتوفيق البنت جبنها ميتا حتي نفس ماتنفس قتلك تحكيلهش ولا تزر عليها الله يسامحك الله يسامحك
بابا: خلاص يازينب ماتزيدهش عليا
حسام: خلاص ياسيدي وعمتي مش وقتا كلام هذا وان شاء الله مايطلع فيها شي
ومراً دقايق وجا مالك وراها عمي صلاح وزياد
مالك: مابحتش في حد ومانقشش حد جا صبا عند حسام وكان يحكي بخوف وبحرقا وعصبيا
كنها نور
حسام: مش عارف جيتهم وركبت نبي نحكي معها لقيتها طايحا ع صلايا
مالك: أوووووووووف وقعد يمسح ع وجه
باهي مافيش حد طلع قاللكم حاجا
حسام: تو كيف خششنها ومافيش حد طلع علينا
وقعدو يبرم في ممر وماما تبكي ويهدؤ فيها وهما يتحوسو ومنشغلين برا
وانا راقدا وجوي سمح 😂😂
دكتور: عطيها ابره مهدئه وخلوها اليوم تحت الملاحظه
ممرضه: حاظر يادكتور
وطلع دكتور ع هلي برا التمو عليه زي خلية النحل
حسام:ها يادكتور كنها
مالك: شن فيها
بابا: شن صارلها بنتي
وكلهم طبعا حكو في نفس الوقت وكل واحد يسئل من عندا
الدكتور: وسعو بالكم ياجمعا وأهدؤ
المريضه كويسا بس عندها صدمة عصبيه وضغط في دم نازل بكل
هيا اتعاني من مشاكل في الحوش عندها اظطربات نفسيه أثرن ع نبضات قلبها
بابا: اه فترة هذي هيا اتمر بأزمة
دكتور : خلاص مأثرا ع حالتها نفسيه فاصحتها معش تحملت الضغوطات
بابا: باهي شنو هيا تو
الدكتور: حاليا هيا كويسا وطلبت منهم يعطوها أبرة مهدئه وقستلها ضغطها وعطيتها ابرة للظغط بيش نرفعا لها ودرتلها صورة قلب الي هيا شفت ان نبضات قلبها متسارعات ع نبض الطبيعي
لذلك اليوم حتكون في ملاحظا لان ركبتلها جهاز قلب حيسجل نبضاتها اليوم شنو وخلال 24 ساعه حيقعد معها وبكره نعرفو نتيجا شنو
بابا: باهي يادكتور يعني هيا حاليا كويسا ونقدرو نخشو عليها
دكتور: اها ياحاج هيا حالتها كويسا بس نبضات مش في معدل طبيعي عندها
لذلك هيا اليوم هتبات هنا لعند مانشوف شن يصير بكره
بابا: به بارك الله فيك تعبانك معانا
الدكتور: وفيك بارك الله وهذا واجبي وتقدرو تخشو تطمنو عليها وبالنسبا للمبيت مرافق واحد بس حيكون
بابا: حاظر شكراً يادكتور
دكتور: العفو
